Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Zlatna Sara

29.08.2016 11:24

Jožek radnik

Piše: Jožek radnik

Si znamo da je francoz Pjer Kuberten japek denešje Olimpijade, očem reči, on je još pred nekaj vejč od sto let splaneral kak bodo se zišli si športaši celoga sveta šteri nekaj vredijo i kaj bodo se borili jedni protiv drugi kak bi se vidlo što je dober, što bolši, a što pak nejbolši. Mel je na pameti to kak je šport važen v živlejo sakoga čoveka kak onoga šteri pobeđuvle tak i onoga šteri zgubi i zato je on rekel da je ne nejvažneše pobediti nek je nejglavneše kaj čim vejč športašov dojde, čim vejč igra, a oni šteri so tej den pobedili i bili nekaj malo vredneši od drugi, to jim tre priznati. Negda je Olimpijada čuda vejč vredila nek denes jerbo dok so se športaši borili i ratniki so si počivali, ali kaj je živleje teklo dale se se to zmenilo tak da nešterni ratniki koristijo i športaše i Olimpijado kaj bi došli do nečega kaj jim ne pripada. Se se je spremenilo otkak je Pjer Kuberten hmrl tak da je denes ipak nejglavneše od sega pobediti i oni šteri pobedijo so hadji dugo na dobromo glaso, a oni šteri so sam bili na Olimpijadi jif se fletno pozabi.

Kak mi v Lepoj našoj, tak i drugi, pošiljamo svoje športaše po želencije. Mi smo i na ovo Olimpijado v Brazil poslali športaše za štere smo znali da se morejo vrnuti z želencijama, bila ona zlatna, srebrna ili pak brončana, a tam so bili oni šteri so, kak je gospon Kuberten štel, sam nastupali jerbo smo na pre znali da drugi imajo bolše, jakše i fletneše. Si smo se nadjali da Sandra Perkovič bode došla dimo z kolajnom i to onom zlatnom, to smo se isto nadjali i za vaterpoliste i oni so nam se vrnuli srebrni, za Fičija i rokometaše smo se več spominali dok so naši veslači i dečki šteri jedrijo prvipot došli dimo z želencijami. Blanka Vlašičova je stiha odišla v Brazil jerbo jo je dosti dugo beteg muočil tak da smo ne znali kuliko more, ali se je itak vrnula dimo z želencijom tak da se i dale moremo žnjom štimati. Ona je kak vino, kaj je stareša se je bolša. Kaj mi ne bode bajal naš glavni lovec Željko Glasnovičov, šteri nam je prvi donesel zlatno kolajno z Brazila, da sam na jega pozabil ili pak da se nekaj srdim. Ne, saka čast jemo, z Londona nam je, pred štiri leti, došel zlatni Đovani Cernogorac, a ve pak jegov pajdaš Željko. Kaj bomo rekli, naši lovci strelajo i pogađajo kaj se se praši. Čistam nas bodo rescartali.

Precednik sih naših športašov i olimpijcov, Zlatkec Mateša, si je gruntal i nadjal se kak bi naši športaši mogli donesti z Brazila bar šest želenciji kak so donesli pred štiri leti z Londona, a dok smo se prebrojili donesli so jif deset. Kaj reči, išlo nam je čuda bole nek smo se nadjali. Kak smo več rekli nešterni športaši na štere smo računali so došli dimo z praznaj rokaj i okoli šijaka jim je visel sam loncek od fermane kume, a nešterni drugi za štere smo niti ne senjali kaj bi moglo nekaj biti od jif so donesli dimo želencijo i to zlatno. Jedna od takših je bila i mlada ludbrežanka Sara Kolak, štera je na Olimpijadi hitala koplje i to ljucko. Morem vam reči da je na jo ne nišči računal sam ona, jena familija, trener, jene pajdašice i Sandra Perkovič, štera joj je kupila koplje jerbo znate kak so naši športski težaki: kaj bodo koplje kupuvali štiri leti pred nek more nekaj osvojiti, makar je donesla bronco z evropskoga prvenstva pred nekaj meje od dva mesece. A Sara je se iznenadila i zaskočila kak nas v Lepoj našoj tak i svoje protivnice. Dok je osvojila zlatno želencijo unda so se počeli spituvati otkod je, de se je ta mala spuknula, što ji je mama, što japa i kak more nejdale hititi ljucko koplje. A kak bi stopram dauko hitila da bi hitala svoje? Dok je osvojila zlato si so se plakali sam jedni od sreče, a protivnice od nevole. Kaj reči za Saro? Sa je sreča kaj je ne poznala Kubertena i zato je ne došla v Brazil sam kaj bode nahitavala to Sandrino koplje nek je došla kaj se bode to i pripetilo kaj je po nočima skrivečki senjala. Štela je i sebi i trenero pokazati da je ne žnjom brez veze gubil vreme, a i živce, i da se se more ak se redovito trenera. I ak se zna kaj se oče. Kak smo se v Lepoj našoj štimali z Sarom, kak nam jo je lepo bilo gledati, navijati i nesmo skrivali i nešterno suzico, štera nam je od veselja pobegla. Verjem da je i jena familija, mama Aleksandra, tata Mirko i brat Mato, bila nejveseleša dok se je se to pripetilo jerbo oni so tu i nejveč „krivi“. Da je ne jif bilo nej bilo niti Sare, niti želencije, a niti pak koplja. Neje Saro bilo sam lepo gledati (fajna je na mamo) nek i poslušati: sima šteri so joj pomogli se je zafalila, nikoga je ne pozabila, a i rekla je jeno lepo misel: blagoslov je živeti i delati med tak dobrim ljudima. Fala Sari, fala familiji, fala trenero, fala dobrim ljudima, a i si znamo da je Sara stopram rekla prvo reč, a ne i zadjo i da, od ve nadale, dok bode Sara hitala koplje, isto kak dok je i Sandra v pitanjo, si bodo pitali: A što je bil drugi! Sara je fletno do toga došla i kuliko vidimo se za kaj se prime to v zlato pretvori. Ona to zna, a pokazala je da i more tak da ve imamo kam iti po naputke, Ludbreg nam je ne dauko. Mi Međimorci smo pred osem let meli Fičija, naši sosedi Podravci ve imajo Saro, a v Tokijo, za štiri leti, so na redo sosedi Zagorci prek Drave.

Dok so se naši športaši v Brazilo borili za želencije mi Međimorci, očem reči, naši turistički težaki so se borili za stolom z nožom i vilicom v roki, a z tiblicom na tajero. Najme kaj, Poljoprivredno ministarstvo Lejpe naše je priznalo da je naše meso z tiblice nejbolše v Lepoj našoj i da kak takše more dojti na stol premijera, ministrov, a precednico Kolindo da niti ne spominjemo. I to je još ne se. Naši EU parlamentarci ga ve morejo nositi i v Brisel i tam se more jesti kak nejbolši oblizek, očem reči, finota i dobrota štera bi v Brazilo bila isto tak, kak i Sara, osvojila zlatno želencijo da je bilo natjecanje vu tom športo. Dugo let smo čakali kaj nam bode Lejpa naša to priznala, ali ve vam ne bi znal reči je li sam vesel ili pak tožen i zbogradi čega mi soze ido. Najme kaj, prinas v Međimorjo ga se meje i meje pajcekov i sviji tak da ne znam z čega bodemo mi naprajli tuliko mesa kuliko Hrvati i Evropljani morejo pojesti. Znuom kak to bode zišlo, ve bodo si jeli šteri so do ve ne, a mi šteri smo do ve jeli te nejbolše i nejvredneše finote i dobrote mi bodemo čakali na red ak ovima z prvoga reda kaj ostane. No, neje vrag ruon tak črni kak na prvi pogled zgledi, pak si mi bodemo za sebe navek naprajli kuliko nam tre jerbo si mi i znamo svije shraniti kakše nucamo. Mi Međimorci smo se ne, kak sosedi Zagorci, narodili z malom maturom, prinas v Međimorjo je bilo v pitanjo nekaj čuda vekšega i deblešega. I finešega. Jerbo mi polek tiblice imamo i turuše, slatkoga sira, koščično olje, kuruzni domaći kruh, pogačo z tikvami ili pak sirom, a posle teh sih finota i dobrota na stolo odhaja se v pelnice de se nam otpira on tečneši del raja zemaljskoga.

Listeki za davanje glasov za nove-stare sabornike so napravljeni i se je več prepravleno i se se zna za izbore šteri bodo 11. septembra sam mi moramo dojti glase davat i to sima onima šteri se nadjajo kaj bodo zebrani. Ovi minuli saborniki šteri so se zahuzali dok so restirali Vlado i precednika, a neso si premislili da bodo i oni odišli po riti k meši. Kak so te saborniki, šteri so jako kratko trajali, brzčas ne bili vredo ak so ne ministre i premijera uspeli držati na vojki, na nove listeke so došli sam poštejaki, spametni i školani, očem reči, oni kaj čuda znajo, a neso premazani si maščama i nemajo putra na glavi. Tak je bil zebrani i na listek zapisani i Štefek Mesičov. Po istomo ključo svoje listeke imajo i Milan Bandič i Ratko Čačičov. Jožek Manoličov je još ne na listeko, ali kuliko sam mel za čuti on bode uvršteni ove dneve jerbo mo je Gong odobril da more kesniti. Si znamo da je na medenomo meseco, a dok je tam unda ima drugo zanimacijo, a ne politiko.

Minulo soboto se je po Čakovco španceral glavni projektant Mosta i doktor Božo Petrov. Mi Međimorci smo jega proglasili krivim, skupa z Karamarkijom (šteri je priznal), kaj je Oreškovičova Vlada ne živela niti pol leta. Ali morem vam reči, kaj to vam govorim, pak vi jako dobro poznate nas Međimorce, šteri navek držimo figo v žepo, nišči mo je v Čakovco nikaj ne zbajal. Najbrž so oni šteri so nejbole gombali protiv jega niti ne došli te den v Čakovec. A mogli so jerbo je doktor Petrov to soboto primal bez uputnice i brez plačanja tak da so si mogli dojti na red. Kaj vam bodem govoril, pak znate kaj velijo naši Međimorci: se kaj nikaj ne košta niti ne vredi bogzna kaj!

Kuliko sam mel za čuti i kulturno-obrazovna ustanova Remetinec je isto prijavila svojega listeka, ali sam nikak ne mogel dojti do jega. Još sam ne hitil puške v kuruzo i čim zazvedim što je mel čast i zadovoljstvo biti na toj dugovečnoj, ak ne i doživotnoj listi, mam vam bodem rekel. Kak se šepetuji to je listek za one šteri so, ovak ili onak, zglajzali, a takši ga prinas ne ruon tak malo. Kak da je nešči naručil, porezna je ruon ve objavila svoje listeke onih kaj so se na leta borili kaj dojdejo na jif. Te so listeki čistam drugačeši od ovih za izbore, za ove se plača kaj dojdeš gori, a za porezne tre platiti kaj te zemejo doli.

Saki v hižo donese veselje, mi nešterni dok dohajamo, a oni drugi dok odhajajo. Tak je i v politiki sam je jako čuda oni za štere se nebremo fčakati kaj bi odišli tak da je naše veselje još na čakanjo!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA