Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Zakaj nebrem dati svoj glas Ivijo!!!!

12.01.2015 13:27

Jožek radnik

Piše: Jožek radnik

Ivo još navek išče pravoga pota. Počel ga je iskati predi prvoga kruga precedničkih izborov i neje ga našel pak je nastavil i dale. A kak ga bode našel ak se furt vozi po rotoro, šteri rotera okoli jegove precedničke fotelje.

Ne znati kaj se je najempot pripetilo Ivijo kaj vse zna, kak da so mo se vužgale albanske svečice, ,a do ve je pet let ne nikaj znal i nikaj ne napravil. Pet let je spal zimskoga sna i da smo ne morali vsaki mesec dati velike penez za jega, jegove savjetnike i za ono kaj je lojsal okoli ne bi niti znali kaj ga imamo. Sam dragi Božek zna kuliko nas je Ivo koštal jerbo minister za peneze nam to neče reči kaj se ne bi zazvedilo. Skrivle to kak zmija noge. A da je ne malo to si i sami morete zamisliti. Ako nas negdašji precednik Stipe čuda košta, jerbo i on lojsa po sveto za naše peneze, za svoj hasen, unda Ivo nebre biti faleši nek sam dražeši.

Nekak mi to nejde vu to mojo glavo, a črveki moji mi furt rovarijo i spituvlejo kak je to Ivo bil naš hrvaški precednik, a nigdar je ne započel svojega govora z: Hrvatice i Hrvati. Isto tak je niti jempot ne del na sebe, v minulih pet let, lento - trobojnico naše države. Kak da ga je bilo sram? Ne znati zakaj se je od toga vlekel fkrej? I ne sam to, minulo nedelo, posle prvoga kruga izborov, v jegovomo izbornomo štabo ste ne mogli videti hrvaško zastavo. Napriliko, vu Kolindinomo izbornomo stožero so bile hrvaške zastave na vse strane. Najbrž Ivo nema baš preveč rad Lejpo našo, a štel bi koš jen mandat biti precednik, očem reči, hercuvati na Pantovčako.

I to je još ne vse. Na vse strane morete čuti i to čim dale vse glasneše i glasneše, kuliko naši radiji, televizije, pjevači, kulturnjaki morajo plačati ZAMP-a. Čim nekaj malo zapopevlete ili pak zakukuričete, mam vam to zaračunajo za one šteri so te pesme napisali. Peneze poberejo Ivijovi zampači, a autori jako malo, malo vejč kak nika, dobijo od toga. Zakaj vam to govorim, pak naš Ivo je glavni vu tomo ZAMP-o i on tu zobači peneze. Pripoveda se kak je mel prste i v štednoj zadrugi Zlatica gde so oni šteri so šparali odišli po riti k meši. Vsi znamo da je Ivo profesor na Pravnomo fakulteto i ne verjem da je sam od toga posla mogel kupiti štiri stane v Zagrebo, jerbo da je tak unda bi i vsi drugi profesori meli, isto tak, nejmeje tri - štiri stane po Zagrebo. Pak so ne drugi bedasteši od Ivija.

Velijo naši ljudi da se Ivo dobro drži, a žene velijo da je fajni, i da strašno lepo govori. No, pak ne zbiramo mi ve mistera nego precednika. Pak je on profesor i mora lepo govoriti, ali nebrem nikak razmeti zakaj nikaj ne dela? Zakaj je nikaj ne napravil za minulih pet let. To vam je isto kak da puca odide v zamuš i za pet let zazvedimo (mi svati, roditeli i rodbina) kak je još nevina, a unda je mož znova obečal kak bo jo ve pravzaprav počel nucati i da se starci morejo nadjati, pak za pet let, kak bodo, ipak na vse zadje, japica i mamica. Ak precednik nikaj ne dela, unda se i vsi drugi zapuščajo i zato je nas Međimorcov, a i naših sosedov Hrvatov vse meje i meje.

Ivo je bil precednik šteri veruvle kak Božek ne postoji, očem reči, on je nezerenoš i antikristoš kak bi rekli naši stareši Međimorci. Najte me krivo razmeti, ali zakaj se on rivle za precednika Lejpe naše, a tu živijo Hrvati šteri (nekaj meje od devedeset procentov) verjejo kak Božek postoji, katoliki so i hodajo v cirkvo. Kak unda morem dati glasa takšemo čoveko jerbo on je isto vjernik sam verje da Božek ne postoji, a skorom vsi mi verjemo da Božek postoji.

Ivo je obečal našim međimorskim političarima kak bode naša županija ostala i dale v komado kak i do ve, ali kuliko vidimo v jegovomo Regijono ga naše županije nigdi ne. Je, bodemo mi ostali kak Međimorje sam nebomo nikaj svoje meli, pak bodemo morali lojsati okoli od Varaždina, Krapine i Koprivnice dok bodemo nekaj nucali. Dok se obečuvle vse lejpo zgledi, a dok bič poči unda bode vse drugač. A unda bode prekesno, jerbo je prekesno v pondelek iti k nedeljni meši.

Kolinda Grabar Kitarović mi je, moram vam to reči, čuda lepša od Ivija, a to je mortik zato kaj mi plavuše nekak leži idejo v oko. Ali to je i ne tak važno, ak več moški v Lepoj našoj nebrejo reda naprajti unda tre cugle vlasti dati v roke ženaj. Poglednite kak je to v Dojčlando zišlo na dobro čim je Angela to vse zela v svoje roke. Vse se genulo i vsima je dobro, a ne kaj prinas tua kriza i recesija nejduže traje v celoj Evropi. Bilo bi bole da naši ljudi prinas delajo i tu peneze služijo, a ne kaj smo počeli znova hodati v Evropo i tam služiti oere. I to ne hodamo mi nek naša deca. Negda so hodali oni šteri so ne meli škole, a ve hodajo sam školani, jerbo druge niti nečejo. I ne sam to, poglednite kak je to v Zagrebo zišlo dok je gradski načelnik Milan Bandič odišel na službeni pot, a cugle gracke vlasti je v roke zela gospa Vesna i vse štima i mam je red, kak na poslo, tak i pre kasi.

Pred nami je nedela, pred nami je drugi krug izborov. Treba iti glase davat i ne ostati doma. Znuom, nejleži je ostati doma i unda na red pobirati one šteri so išli i kak so pak zahuzali. Kak se to veli, tre zeti odgovornost vu svoje roke i svojega glasa dati svojemo kandidato, bolšemo i lepšoj. Kak se to veli, pamet v glavo, kaj nebodete potepli svojega glasa. Imate još par dni za premišlavanje. I kaj mi ne bodete bajali da sam vam ne na vreme rekel!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA