Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Vu vodi je zdravje, a vu vino istina, tak gda si moremo zbirati, a mor

04.06.2012 11:43

Jožek radnik

Piše: Jožek radnik

Kak smo vidli na dnevima vina vu štrigovskom hataro, nišči nebre tuliko ljudi dotirati na kup kuliko naše međimorsko vino štero je nejbolše na sveto. No, dobro, vidim da me nešterni grdo i zbočki gledijo, to more i politika naprajti, ali ne vsaki den. Vsi znamo gda je za Urbanovo vu Štrigovi i štrigoskim bregima bilo par jezer ljudi, šteri so uživali vu ljepoti kraja, domačim delicijama i nejbolšoj vinskoj kapljici štero je Božek podaril nam ljudima. Vsi so bili tu: bil je tu precednik Josipović, žnjim i prvi potprecednik Čačić, bili so Janezi, Mađari, Zagorci, Austrijanci, Istrijani, Hrvati, a nejveč je bilo nas Međimorcov. Jedino kaj vam morem reči gda ga nej bilo hadezeovcov. A nej znati zakaj? Ne vrejem gda jiv je ne nišči pozval jerbo je i mene nišči ne pozval, pak sam došel. I to tripot. Nebrem razmeti hadezeovce kaj so ne došli, a unda se bodo čudili gda jiv brežno biračko telo ne bode prepoznalo drugo leto na izborima. Naš župan Ivek Perhočov je falil Štrigovo i štrigoski kraj, pak je rekel kak je Štrigova na pravomo mesto i kak se, za lepoga dneva, z Mađerkinoga brega vidijo tri države: Dežela, Mađarska i Hrvaška. Ak mi bode dopuščeno ja bi ga dopunil: Vidi se i čuda dale sam ak si dosta spijemo.



Prvi potprecednik, gospon Čačić je bil jako dobre vole, došel je vu Štrigovu z precednikom Ivijom, ali sam nej uspel zazvediti što je koga dopratil, je li Ivo Radimira ili pak Radimir Ivija. No, kak bilo da bilo Čačić je priznal gda mi međimorci imamo čuda bolša vina nek jegovi Zagorci. Jako sam najgerek kak je doma zišel, jerbo je nej znal gda je vse snimala i varaždinska televizija tak gda so to vse jegovi Zagorci zazvedili predi nek je on uspel dimo dojti. Brzčas se je snašel, kak i navek. Pak nas mora faliti bar dok je tu, ali verjem gda je govoril istino, jer vsi znamo gda je vu vino istina i samo istina.
V soboto je tuliko ljudi došlo vu štrigosko šporcko dvorano kaj so nej zišli nutri. No, to ne zato kaj so oni šteri so došli raneše ostali predugo nek zato kaj so sfalile kupice štere so se prodavale kak ulaznice i brez štere se nebrete špancerati po dvorani. No, to je bilo več pred kraj dneva. Makar je to ne lepo, ali je to čuda bole nek gda je sfalilo vino.
Of tjeden so naše Međimorske vode pravzaprav pustile vu pogon vodenoga turna vu Svetomo Urbano šteri dela več od leta. Na turno piše: Vu vodi je zdravje, a vse okoli jega raste vino, očem reči, grozdje. Morem vam reči gda naši brežni Međimorci ne verjejo vu to i ne pijejo vodo za zdravje nek i dale iščejo istino vu vinu. Vsaki čovek svojo šego ima, pak tak i naši Međimorci.
Morem vam reči, a gda sam ne pital ne bi znal, gda naše međimorske gorice davlejo čuda vejč vina od gda je gospon Zorčec, glavni vodovodač našega maloga Međimorja, postavil toga vodenoga turna vu Svetomo Urbano. Štrigovčanci so mi priznali, dok je došel peti liter na stol, gda je nejbolše vino pol–pol, pol z turna, a pol z goric. Bar so mi tak rekli, ne vudri preveč fletno vu glavo. Ak so zlagali meni, unda sam i ja zlagal vam.
Jako sam najgerek kaj bode, itak, z tom državnom maturom? I nikak nebrem zazvediti što je i zakaj zdigel tulikšega praha okoli toga našega hrvaškoga jezika? Je li so to deca, profesori, roditeli ili pak političari. Kaj ne bode, na vse zadje, zišlo vum gda so za vse krivi japice i mamice jerbo so jim se vnuki premili. Najbrž si je to minister Jovanović naručil sam kaj bi mogel biti cele dneva po televiziji i novinaj. Brzčas vam ne bi znal reči kak se ve bode vum z toga zvlekel? Ali znate gda so političari kak mački, navek se na noge dočakajo. Ipak so nejhuje prešla deca, dok čakajo rezultate trošijo bambuse. A to so novi stroški za maturante, šteri so ne bili planerani vu roditelskoj kasi.
Čakovčanci i Grad Čakovec so preslavili svoj Den. Na sam Den Grada, 29. majuša, je bil svetešji zestanek Grackoga vječa. Morem vam reči gda je dvorana Kulturnoga centra bila skorom puna jerbo so došli i oporbeni vječniki (tak so mi bar rekli), a bila bi čistam puna gda so došli esdepeovi saborniki. Nej znati zakaj so ne došli? Pozvani so bili, pak je ipak Čakovec glavni vu Međimorskoj županiji, a gospa Dragica je i Čakovčanka. Gospona Mohariča i morem razmeti gda je nej došel jerbo je gracko nagrado dobavlja Tamara Laptoš z Uskoka, a on je z socaj i tužibabaj, vu zadnje vreme, ne baš na ti. Poglednite kak je vse to zrihtano vu Priloko: Tam dok gradonačelnik Dragec pozove sabornika Glavino na bilo kakši spominek ili pak fešto on navek dojde, a vu Čakovco so navek vsi pozvani, a unda nešterni dojdejo, a oni drugi ne. Nekaj si gruntam gda bi se Čakovčanci morali nekaj navčiti i od Priločancov.
Precednik čakoskoga Grackoga vječa, gospon Vrbanec i čakoski gradonačelnik, gospon Šalamon, so tuliko nafalili toga svojega grada kaj sam ga jedva prepoznal. Vsima nam je poznato gda vsaki čovek svojega konja fali, ali nej takšo formo, očem reči, kaj je preveč preveč je. Ili pak bi si ja moral, brzčas, premeniti očale pak bi čuda bole videl.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA