Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Vsaka medalja ima dve strane

24.08.2015 11:35

Jožek radnik

Piše: Jožek radnik

Kaj vam nej rečem, v Prislavco, v Pupinom seli, kak ga z conom još od negda zovejo, nikaj novoga. Pak se Prislavčari nebrejo nikaj dospomenuti. Najme kaj, županiski cestari so šteli črez Prislavce delati stezo za one šteri hodajo pešice, a ruon tak i za one šteri se vozijo z peciklinaj. Vse je to lejpo i dobro, vsi Prislavčari so za to, ali se nebrejo dospomenuti po šteroj strani vulice bode se tua steza naprajla. Policaji, cestari i opčinari bi jo delali po desnoj strani, kak to i dragi Božek zapoveda, a krčmari i trgovci bi jo selili na drugo strano ceste jerbo smeta i pijancima. Kak zgledi, niti jeden posel v Prislavco nebre prejti kak vseposot drugdi i navek se nešči sedne na repigo i brenza. I kaj se je ve pripetilo? Stezo so deli na čekanje. Ona ve čaka nekša bolša vremena, očem reči, da se bodo vsi dospomenuli, a i penezi čakajo. Bar za ve. Drugdi se fčasi dospomenejo dok so penezi je, a v Prislavco to nikak nejde. Verjem da se zmislite kak je tak bilo i z pučkom školom. Ona se je trebala zidati pred cirka dvajsti let. Vse so se dospomenoli i peneze so pre ministro shodili, a unda so se nikak ne mogli dospomenuti gde bodo školo zidali, je li gori pre Kaštelo ili pak doli pre labodoritaškomo igrališčo? I kak je to navek, odišla je baba z kolači, a prislaska deca još dendenes hodajo v Kaštel. Kaj bi svojim Prislavčarima rekel grof Feštetič: mili Božek, kam sam ja to zašel i de sam svojega Kaštela napravil? Nej znati kakša se to nevola zavlekla med Prislavčare kaj se tak zteška spominajo, a nikak i nikaj se nebrejo dospomenoti?

Dva so meseci minuli otkak je na svetlo dneva zišlo, očem reči, od da se zazvedilo kak je Tihomir Kokolek, gazda Ekspres Tursa, pobiral peneze od školske dece za školske i maturalne izlete, a unda je zginul z penezi, a deca so ostala doma oliti odišla po riti k meši. Jeden cajt so se vsi o jemo spominkovali, nejveč oni šteri so dali peneze, a posle je vse vgasnulo. Zazvedilo se da je odišel v Tunis kak gastarbajter ka zasluži peneze i vrne vse deci kaj ne bodo na kvaro, a ve ne znamo je li je došel nazaj, je li je donesel peneze ili pak so ga tam našli nekši islamski ekstremisti ili pak teroristi. Najgerek sam, jako sam najgerek, kaj se je žnjim itak pripetilo, je li je našel peneze i je li deca, ve na jesen, pejo na svoje izlete?

Nejvekše čakosko i međimorsko proščeje, Prcinkulovo je minulo. Svetla fešte so vgašjena sam so još mamrele ostale, ali je dobro kaj so ostale jerbo ne sam kaj dobro zgledijo nek i delajo hlada po glavnoj vulici pak je leži magaditi vse te peklenske ovoletne vručine. Kuliko smo meli za čuti od čakoski turistički težaki vsi rekordi so potučeni: na proščejo je bilo nejveč štandov, nejveč, prek dvjesto jezer, ljudi, nejveč pivi se je spilo, nejveč kojov se paslo i španceralo po čakoskomo parko i nejveč langoši se je pojelo, nejduže i nejglasneše se je igralo i popevalo. Morem se pofaliti kak sam vsaki den bil na proščejo i to dopolne, odvečer i navečer i ve sam najgerek kulikopot so me itak brojili? Najbrž je još dosti bilo toga gde so potučeni vsakefele rekordi, ali kak i vsaka medalja tak i ova proščejarska ima svojo drugo strano. Kaj ne bodem preveč bajal, ali Čakovec nam je bil preveč zmazani. Nejso se dospomenuli kaj bi se grad, bar ove glavne ili pak glavneše vulice, čistile vsaki den od smetja i vsega onoga kaj je ostalo posle vsakoga kesnonočnoga tuluma, tak da so oni šteri so došli vjutro raneše mogli videti čuda vsega sam ne nikaj lepoga i čistoga. Trelo je kante z smetjom otpelati i zameniti čim so se napunile, a ne kaj ga polek kanti bilo vejč smetja nek v kantaj. Ne razmem se v to je li ga bilo dosti šekretov, ali duha po prekuhanoj i preceranoj pivi se je poznala vse okoli vsih šatorov i onih grmov šteri so po noči bili v kmici i ne preveč dauko. Vsi znamo da i to kaj oči vidijo i kaj nos čuje je isto tak slika (i to jako važna) proščeja oliti fešte. I nej sam to, dok so vsi bandisti, pevači, krčmari, pijanci, proščejari, štandi, licitari odišli i dok se je vse posprajlo kaj se je za te dneve nucalo, ostal nam je sam zmazani grad i smrdljive vulice. Nebrem reči i to se je opralo, sam je trelo čakati tjeden dni. Grad je nastavil živeti i posle proščeja, a vsi šteri so došli v grad morali so trpeti vse ono kaj so oni od predi ostajli. Nebrem razmeti zakaj je tuliko cajta trelo prejti i zakaj smo trebali vse to premagaditi. A ljudi šteri stanujejo v centro, očem reči v glavnaj vulicaj, so deset dni trpeli vse nas šteri smo feštali vu te dneve, a posle so morali još celi tjeden čakati kaj se vulice počistijo i operejo. Verjem da pranje i lišpanje vulici košta isto odma kak i tjeden dni posle.

Čakoske vulice se kopajo, a i tak mora biti ak očemo vum zemle zeti stare cevi za kanalizacijo i postaviti nove i ak očemo na vsakomo raskrižjo v Starčevičovoj vulici zakopati novo septičko grabo. Vse je to kak jeje, sam ne razmem zakaj se vsi šoferi šteri se z vanoske ili pak štefanske strane dopelajo v Čakovec morajo obračati pre buzovski vahti jerbo dale jif bageri ne pustijo. Najme kaj, pre buzoskomo mosto na Trnavi so postavleni nekši mali znakeci štere skorom nišči ne vidi ili pak so pali doli z haklja, tak da se polek jif vsi prepelajo. No, dok se čovek obrne unda je ne jegovaj nevolaj kraj. Vrne se nazaj prek mosta i zapela se v Travnik, Martane, ali tu počnejo muke. Nigdi niti jenoga znaka kaj bi kazal da je tu zaobilaznica i kud se tre pelati ak čovek oče dojti v Čakovec. Te vulice poznajo sam domaći, a vsi drugi morajo spituvati nekoga ak ga zidejo na vulici, a ak pak ne, unda se sam pelajo po onoj staroj, kaj nebom rekel negdašjoj, kak vsi poti nekam vodijo. Ak očemo kaj bodo stranjski nesli z Čakovca lejpo sliko, unda jim moramo pomoči kaj dojdejo vu varoš, a isto tak kaj i zidejo vum žnje.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA