Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Srečna nova i kaj nam ne bode hujša

02.01.2017 09:24

Jožek radnik

Piše: Jožek radnik

Čim je Božič došel, očem reči, čim se Isusek narodil Adventa smo otprajli z Čakovca kak z Staroga grada, de je bil županiski, tak i z glavne čakoske vulice de je bil gracki. Pak i red je da saki od nas Međimorcov ima svojega Adventa kaj se ne bi Međimorci nekak osječali zapostavleni dok dojdejo v svoj glavni grad. A i dok smo meli dva Advente unda je nigdi ne bila preveč velika stiska jedino na glavnomo čakoskomo Trgo de smo mi Međimorci bili podeleni na one šteri se znajo korčulovati i na one šteri se ne znajo. Oni šteri se ne znajo so meli to privilegijo kaj so mogli, i još navek morejo, gledati one šteri se znajo. I ne bodete veruvali to kaj se gledi nikaj ne košta jerbo so nam to zrihtali gracki oci z gracke kase. Poklon sim Čakovčancima kak za Advent tak i za novo leto štero nam je več na poceko. Ne sam uspel zazvediti je li je gledanje zabadav sam za Čakovčance ili to privilegijo morejo hasnuvati i Međimorci? Brzčas je tak da morejo, a ak je tak unda so se gradonačelnik i župan dospomenoli kaj bode župan z svoje kase, de so ruon tak je i gracki penezi, pomogel toga škliskoga grackoga projekta.

Pred nami je i staro leto, a žnjim dohaja nejbolši doček novoga leta. Kak i navek v zadje tri-štiri leti nejbolši ispračaji i dočeki so na glavnomo čakoskomo trgo. Ne moram vam niti pripovedati da tu dohaja nejveč ljudi šteri tu pijejo nejbolše kuhano vino, igrajo nejbolši mužikaši, a si skupa unda v polnoči dobimo nejlepšo čestitko od prvoga čoveka nejlepše varoši v Lepoj našoj. Najbrž bode tak i ovo leto sam ne bode moglo dojti nejveč ljudi, ne bodo zišli jerbo je tu sklizalište štero je zavzelo vejč od pol trga. Još nekaj, ne bode popeval Bajaga, ne bode niti Željko Joksimovič, ne bode niti Jura Stublič nek bode došla Nočna smena štera bode tu oddelala svojo trečo šihto. Nesam uspel zazvediti je li bodo igrali na ledo ili pak negdi polek, ali ples bode i na korčulaj, a i na suhom osim ak ne bode curel zmržjeni dežđ. Ne bi štel zvati nevolo, ali moglo bi se pripetiti, kak to pripoveda coprjak Zoki Vakula, da bode v nejdukšoj noči šklisko vreme. Kak bilo da bilo, čakoski gradonačelnik bode nam sima poslal svojo čestitko z leda i tak najavil kak nas čaka šklisko izborno 2017. leto. Nam bode izborno, a jemo šklisko! Što kani iti na te i takši doček prosil bi kaj bi došel čim predi jerbo mesta ga ne dosti za se tak bode to doček sam za one nejfletneše oliti nejsrečneše.

Težaki v gospodarstvo i gospodarstveniki delajo kaj se se praši i unda mortik dobijo nešterno kunico vejč v mesečni vrečici svetoga Mikule, ali zato težaki v državnaj službaj i v javnaj hižaj, očem reči, javnaj službaj mam skačejo kak da jif je nešči z iglom vrit fpičil i iščejo vekše plače. I mam zvlačijo vum z škrije papere na šterima to piše. A se kaj piše to je tak je! Ali i na ploto je pisalo pak se je Tonča naskalil. Ve vidite kak je to: na leta so se gospodarstveniki borili z krizom i nikak so ne mogli dojti na zeleno kito i bili so štiri leti v minuso i unda so ne došli težaki v državnaj i javnaj službaj kaj se zravnajo z težakima v gospodarstvo. Unda so čučeli kak nešči v travi i čakali nek se težaki i gospodarstveniki sami hrvajo z krizom jerbo oni su to ne nikaj krivi, ali ve dok gospodarstveniki zišli vum z krize, porinuli nose vum z dreka v šteromo so se na leta koprcali, ve so došli i ovi kaj se to skupa podeli. Dok je teško unda sam jedni rintajo, a dok se to popravi unda to moramo si skupa podeliti. A nešči je negdi rekel da saki dobavla tuliko vu mesečnoj vrečici kuliko si zasluži, očem reči, kuliko dela. Ali, kuliko vidimo niti med težačkim cvetjom ga ne pravice, pak jeni dobavlajo zato kaj delajo, a drugi sam zato kaj hodajo na posel. Pred nami je novo leto, pak bodemo meli dosti cajta kaj to popravimo. Neje dosti meti papera na šteromo piše kak bi velika i debela morala biti mesečna plačica nek tre meti i žule na rokaj. A ovo drugo morejo sam oni šteri pravzaprav delajo.

Serjanski penzioneri i to oni slabeši so dobili božičnico od 150 kuni kaj si popunijo božičnoga ili pak novoletnoga stola. Čakoskim penzionerima je obečano da bodo dobili božičnico za Vuzem kak bi šunka na svetešjemo stolo bila čim kredneša. Ovi pre čakoski gracki vuri se spominajo da bode z penezima za vuzmeno šunko došel i šalabahter komo treba glase dati na izboraj. Najme kaj, Vuzem je v aprilo, a izbori mesec dni posle. De se bodo Serjančari v majušo zmislili što jim je dal božičnico? Kuliko vidimo nejde sam ljubezen prek želoca i politika se tut nekod rivle.

V Advento ste si mogli kupiti i pšenico v tajerčeko štera se meče pod okinčeni borek polek jaslici. Ve vidite na kaj smo došli. Pšenica se je na pijaco prodavala po pet kuni, a posejano je bilo sam pet deki pšenice. Si znamo da je Čakoski melin kupuval pšenico po nekaj malo vejč od jene kune, ali kilo. Ve vidite kak smo komotni, očem reči, leni, mesto kaj bi si sami posejali pšenico i to dva tajerčeke i potrošili deset deki pšenice za deset ili jedenajst lipi, mi rajši kupimo dva tajerčeke pšenice za deset kuni. I unda jafčemo kak je kriza. Na jednoj strani šparamo i druzgamo peneze, a na drugoj strani se reshitavlemo. A morate priznati kakši je to cmrek i kakši je to Božič brez pšenice?

Vu to vreme Božiča je velika stiska okoli onih šteri imajo malo, meje ili pak ništ kaj se jim pomore kak bi i oni meli nekše veselje za ove svetke. To je lepo i dobro, ali je ne dosti. Neje dosti kaj se mi na te ljude zmislimo sam pred Božič ili pak sake štiri leti predi izborov. Ak se mi pravzaprav očemo brigati za te naše sosede šteri nebrejo zvezati kraj z krajom ili pak nemajo kaj deti v lonec i na stol unda se za jif moramo brigati celo leto, očem reči, moramo jim pomoči kaj bode i za jif Advent i Božič celo leto i kaj ne bodo meli nekaj na stolo par dni črez leto nek saki den. Kak i mi!

Ve da je naša precednica Kolinda bila prinas v Međimorjo tri dni furt je žnjom bil naš župan Matija Posavcov, a si znamo da dok ste z nekim malo duže skupa kaj toga se spominate i dosti toga dojde na dnevni red. Verjem da je i Matiji Kolinda fajna, a ne sam meni. Kuliko sam mel za čuti i Matija se Kolindi dopal. Da je ne tak ne bi obečala da bode pak došla k nam. Verjem da se slažete z menom da niti vi nedete tam de vam je ne lepo? Predi nek je odišla z Međimorja Kolinda je obečala da bode dala Matiji podrško na ovim lokalnim izborima šteri bodo v majušo. Ne znati je li ga bode podržala za čakoskoga gradonačelnika ili pak za međimorskoga župana. Čim on donese povjesno odluko kam kani genuti na ovim izborima došla bode i Kolindina podrška.

Da smo ne si jednaki na ovom „Falačeco zemle med dvemi vodami“, to nam je odnegda poznato. Si znamo da je nej leži dojti do posla prek veze, očem reči, brez veze se nikam niti nebre dojti. Denes nebrete niti zidare dvoriti brez veze jerbo brez veze nebrete niti zidare najti. A čim oko hitim na politiko mam vam bode jasno da ga niti tam ne nikaj brez veze. Ve vidite, esdepejovci i haenesovci navek svoje sljedbenike zapošlavlejo seposod brez natječaja kak vu državi, tak i v županiji, pak niže jerbo oni to imajo vu svojim programima, oni so socijaldemokrati i liberali. Ne bi se tu štel mešati jerbo so političari čudne biljke (saka sličnost z partizankom je čistam slučajna), ali ne razmem zakaj so priločki esdepeovci skočili v zrak dok so hadezeovci zaposlili jednoga svojega. Dobro ste čuli, sam jednoga. Pak i ovi na desnoj strani morajo meti svojega koja za trko, očem reči, morajo od nečega živeti.
Super sam v posteli, to so mi i žena i soseda potvrdile, morem spati po cele dneve. I noči!

Kaj nek vam poželim za ovo novo leto štero več ranjka na vrata? Kak nam več političari mašejo z novim cenikima štel bi kaj nam, sima skupa, ova nova nej bila hujša ak več nebre biti bolša. Želim vam čuda sega, ali nikaj hudoga! Ak bodemo meje šteli vejč bodemo meli. Nejte furt k sosedo gledati kak nešterni to delajo. Kaj imate od sosede štero saki den gledite i sako noč senjate, pustite to na miro, ak vam je sojena jempot bode vam i ona došla pod nož. A do unda počnite več jempot nekaj delati z ženom štera sako noč spi polek vas.

Za se mlade, a posebno one šteri so još navek na burzi dela i to z diplomo v žepo: Odidte na mesec dni na svoje radno mesto i to za sam 2400 kuni!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:07
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA