Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Si na Urbanovo

16.05.2016 12:25

Jožek radnik

Piše: Jožek radnik

Mraz nam je napravil vekšega kvara od sih naših političarov do ve. Morem vam reči da mi je to priznala i teca Franca. Na prvi mah je to ne tak zgledalo, ali dok se je to se skupa bole pogledalo i dok se je to skubiciralo i skupa delo mam je bilo jasno kak beli den da so naši vočari i jivi sadovnjaki, a isto tak i vinogradari i jive gorice, odišli po riti k meši. Čim je naš župan Matek se to zazvedil i dok je v pamet zel kaj se je pripetilo z orehi, mam je preglasil elementarno nepogodo za celi naš hatar, očem reči, za celi Falačec Zemle Med Dvemi Vodami. Ne znati kaj smo se zamerili dragomo Božeko kaj je pustil mraza prek Mure i Drave. Znom da je ne lefko našim ljudima gledati to ne volo posle ovoga jakoga, kak vrag, mraza, ali nejhuje je to kaj ga ne bode orehov. Si znamo da se ovak preveč premalo dece dela na našemo hataro, a kak bode ve dok ga ne bode orehov. Jako sam najgerek je li nam minister Nakič, kak je on nagel, ne bode i rodilište zel. Još sam bole najgerek kak bode to ovo leto zgledalo v Doljnji Dobravi? Najme kaj, pak tam se je lani narodilo dvoje dece, a niti letos je ne bilo čuda bole, a orehi so rodili čistam vredo, a kak bode to drugo leto ak znamo da so ve skorom si orehi zmrzli. Najbrž bodo morali zabavišta zaprti, a pomalem bode jim i pučka škola prazna, a čokoladne so sforšibali prek Drave. No, ve imajo svojega i našega međimorskoga ministra pak bi mortik mogel on nabajti nekše medikamente kaj bi mlade ljude, šterima fabrike još navek delajo kak Božek zapoveda, kaj bi nekaj delali i tak pomogli kaj ne bodo, črez par let, v Dobravi živeli sam stari ljudi. Najbrž bi bilo čistam vredo kaj bi posadili afričke slive štere so prekproklete kaj se dotikavle moških v posteli, tak se bar šepetuji i to se glasneše i glasneše, sam bi nešči trebal shoditi viziperta kaj ne bi i one zmrzavale na malo vekešmo mrazo. Orehi so se zadji sedem let ne skazali, a ve so i zmrzli (imajo moški dobroga zgovora), pak najbrž nej bilo prehudo probati to z slivama. A si znamo da te afričke slive imajo i trdo koščico tak stoprocentno pomažejo.

Ve si znajo kuliko mi Međimorci držimo do svojega zdraviča i kuliko nam je Hitna važna i bitna pak verjem da je i te dober glas, kak se je prek petnaest jezeri Međimorcov, složilo kaj nam naša Hitna ostane takša kakša je je, ak ne i bolša i fletneša, sam ve moramo zbrati nekoga što bo te potpise nesel ministro. Tre to čim prije odnesti kaj se ne bode minister i dale hecal z nami i kaj bode videl da se nam Međimorcaj kupica strplenja prelijala, a to se nam pripeti sam dok smo vu velikoj sili, a unda se je ne smeti z nami igrati. Najbrž bi bilo jako spametno ministra Nakiča pozvati na Urbanovo i dok sproba sa ta nejbolša naša vina unda bode mam videl zakaj je tua Hitna nam tak bitna. A mam mo i v korpico z našaj međimorskaj dobrotaj i finotaj fteknemo toga pušleka z potpisaj!

Kaj imajo zajedničkoga naš Žiškovec i Beli Zagreb grad? Luknjo na sredini ceste. Nejpredi je v Zagrebo kamijon prepal črez cesto, a ve se je to pripetilo i prinas v Žiškovco. Zagrebečki gracki načelnik, Milan Bandičov, je nekaj gruntal kaj bi na mesti te luknje napravil vodoskoka, a mortik bi se to moglo naprajti i prinas. Mogli bi ovi v Žiškovco meti vodoskoka na sredini ceste kak so negda meli zdenca pre Svetomo Roko. To bi bar si hodali glet jerbo je i onak ta vulica Ogrnice ne preveč prometna. No, ali tak bode kak bo rekel Dragec, gazda v Žiškovco?

Naše međimorske ogjogasce bije glas kak so med bolšima ak ne i nejbolši v Lepoj našoj. Da so ne takši pak jif unda ne bi i naši Dalmoši zvali kaj jim sako leto pomažejo. Naši ogjogasci so med Dalmošima bole kak Hitna, jako so fletni tak da negda i predi pogasija ogja nek se je i vužgal. Tak je i prinas, mi se delamo kaj bodo naši ogjogasci čim bole prepravleni i kaj bodo se meli i kaj jif bodemo čim meje nucali. Bole da nam oni ftiče speluvlejo i mačke doli z krova jemlejo nek da morajo ogja gasiti. Minuli tjeden so preslavili svojega patrona i nejpoznatešega ogjogasca svetoga Forjana. Skupa žnjim so molili kaj ga ogjov bode čim meje jerbo nam je unda sima bole. Poznato nam je da je ogej dober sluga, a slab gazda. Kak da si je nekša rodbina z mrazom?

Malo, malo pak je Žiga, kak naš gastarbajter v Zagrebo, napunil dvorano i popeval sima šteri so došli. Zadjipot je to bilo v Lisinskomo, a ve pak v Histrijonskomo domo. Nebrem nikak razmeti zakaj nigdar ne popevle v Čakovco. Mortik nemamo dosti veliko dvorano? Najgerek sam je li je Žiga popeval po kajkavski ili pak po međimorski? No, kak bilo da bilo, verjem da so ga sikak razmeli ak jif je tak čuda došlo, a si znamo da smo si mi Međimorci bili odnavek zdobra z Hrvatima, pak tak i s zagrebečkim purgerima. Saka čast Žigi, on je naš međimorski ftič šteri več dugo i lejpo popevle (tak je kak staro vino, se bolši i bolši) jerbo da je ne tak unda ga nej ljudi hodili poslušat. Kuliko sam mel za čuti, poslušal ga je i Mišo Kovač i dal je zahtjeva za penzijo. Kaj se dotikavle međimorskoga tu sam vam skorom tak dober kak i Žiga, a bil bi i čuda bolši sam ne znam igrati v gitaro, a niti pak popevati. A kaj se dotikavle pjenušca tu se mo nedam doli. Ak ima kaj protiv i ak si grunta da je i tu bolši nek dojde na Urbanovo pak to tam rešimo onak kak so to navek delali (vinski) vitezi.

Kak sam si ja do ve gruntal, most je navek spajal dve strane, pak je tak i trelo biti v ovoj Lepoj našoj, očem reči, vu našoj novoj Vladi, ali si šteri so bliže ogjo se glasneše i glasneše gombajo. Mesto kaj bi nam bilo bole ve je huje kak predi da smo ne meli Mosta, se je nekak mudno i preveč pomalem ide tak kaj nam zgledi kak da stoji. Nekak bi bilo čistam normalno da se z višešega, očem reči, z mosta se bole vidi, ali se na mesti stoji ili pak tuhni. Nikak da ovi ministri zaštrumfajo kaj bodemo i mi kak biračko telo vidli da se nekaj genulo, a ne kaj sam hmajikujo.

Ve i mi Međimorci imamo svojega mosta i to v Čakovco pre Staromo grado. Ne znati kak je Damir Klaič Ključ došel do nactov od Zrinskoga mosta, ali je napravil lepšega mosta nek so Zrinski meli, kak ovi v Mostaro, jedino kaj se ne zdiguvle. Znate da se negda most pre Staromo grado zdiguval kaj je ne moči bilo nutri da je što štel nek sam unda dok so gazdi bili doma i koga so šteli nutri pustiti. A denes to ne tre jerbo so gazdi furt doma i lesa je ruon tak furt otprta tak da ve moremo lejpo po mosto dojti v Stari grad. Ve vidijo si oni šteri gombajo protiv Mosta da i od pravoga mosta moči nekšega hasna meti. Dostipot zidem Ključa i vidim da nigdar ne nosi kapo, pak zato mo je i te most pal na pamet. A jemo je pomagal Robi Jurak z Dežele, a naš nedelski zet Čevo je spelal lektriko. Se to nej nika vredilo da se je posla ne prijel, hamra, lučnico, sekirko i žago v roke zel, nedeliščančar i buzoski zet, Dragec Martinjakov. Saka čast majstore, ti si saki den se stareši, a posel ti zgledi kak dečker pred vojsko. Kuliko vidimo dok se pajdašija dospomene i most plivati more. Ve most ne pliva, ali da je voda v jezero unda bi i plival. Tak i v građevinski dozvoli piše.

Denes Urbanovo otpira svoja vrata i to sikak, i ak bode precednica došla, a i ak ne bode došla. Si ste pozvani, očem reči, si smo pozvani, kaj se nej pripetilo da vi dojdete, a mene ne bodete tam našli. Si šteri so nam to spravili od župana i jegove ekipe, turističkih težakov, ugostitelov, bandistov, tamburašov i vinarov (brez jic od toga nikaj nej bilo), si nas zovejo i obečuvlejo da nam ne bode žal i da bode nejbolše do ve. Do ve je navek tak bilo, ali te Dnevi vina imajo jeno falingo, prektatko trajejo. Dosti je nam tri dni (saki tjeden) za veliko fešto, ali nam unda fali tri dni kaj k sebi dojdemo. No, dojdite, nebo nam to prvič, pak smo nigdar ne bežali od kupice i lagva. Kaj se počinka dotikavle, za to sam si stavil još lanjskoga dopusta.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA