Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Predizborna kampanja se zalaufala, najte vse veruvati

19.05.2014 12:37

Jožek radnik

Piše: Jožek radnik

Znate kak vu nejstarešoj knigi Bibliji piše: Dragi Božek, ak nam bodeš sodil po našim grehima što bode ostal? Nekaj slično bi mogli reči i za precednika Zokija i jegovo Vlado, jerbo ako Zoki bode natiral vsakoga ministra šteri nikaj ne dela, ne dela kak tre ili pak je žel ispod žita, što bode ostal vu velikoj i svetešjoj hiži na Markovo trgo? Nejpredi je odišel prvi potprecednik Ratko Čačić. Jega so natirali Mađari, ve ne dugo je odišel financ minister Slavek Liničov. Vse se glasneše pripoveda da je sam pitanje dneva da bode odišel Zmajlovič, a Jakovini se fotelja več hajdig dugo nuše. Minister za đake, študentice, profesore i navučitelice, Željkec Jovanovičov, je vse zmešal pučkaj, sredjaj i visokaj školaj tak da nikomo ne bode čudno ak mo se bode Zoki zafalil. Vsi znamo da je on z Reke, a i Linič je odnod tak da bode jako teško kaj bi ostal, jerbo s kim pajdašiš takši si i ti (pajdašija ne norija). Najbrž se tu čakajo izbori za EU parlament, pak bode posle toga nastavljeno veliko čiščeje v hrvaškoj Vladi. Za jim bi trebal kufre pakerati i minister Maras, a i Siniša Hajdaš Dončić je več ne v Zokijovoj cukor-piksi. Za ministra regionalnog razvoja Brankeca Grčiča se več dugo pripoveda kak se je ne baš znašel v mistarskoj fotelji (tak velijo i ovi pre čakoski gracki vuri) i da jo pomalem prazni, a i Vrdoljak je čuda vejč obečuval. Ministra obrane Tončeka Kotromanoviča bodemo mi Međimorci zmenili jerbo nam neda kasarno, očem reči, vojarno zabadav, a Zoki i Vesna so nam jo obečali. Nas Međimorce je našel kaj nas bode gulil. Ak oni šteri vse nejbole znajo tak velijo unda se tak bode i pripetilo i jako malo ministrov bode ostalo. Ostali bodo Ostojići i haenesova kvota z prvom potprecednicom Vesnom. Teško je biti minister, očem reči, dober minister i ne preveč grehov delati jerbo denes so vremena takša čim vekšega greha napraviš pokora se odelavle v ropotarnici povjesti. Što zna kak bodo završile te turbolencije vu Vladi kaj bi rekel te male i velike rokade na velikoj "kukuriku" vladajućoj šahovskoj ploči. Vlada vlada, kriza je vse vekša i vekša, a penezi nas čakajo v Briselo, a mi (čitaj: naši ministri) jif ne znajo zeti. Kak zgledi, mi kak biračko telo smo dali svoje glase za promene, ali kak zgfledi da smo pak v kmico vritnuli jerbo smo ne šteli promjene na huje.

Kak zgledi da je drugi potprecednik Vlade i minister regionalnoga razvoja, Brankec Grčičov zazvedil da je na listi za odstrel, pak je, prek noči, na kup del hruške i jabuke, to je zbrojil, nekaj je oduzel, ono kaj mo je ostalo je podelil, a a vse skupa je pomnožil tak da je, na vse zadje, na svetlo dneva zišla "istina" kak naše gospodarstvo posluje z dobičkom i da smo mi zišli vum z krize. Do fčera smo bili v krizi do guta, a denes je presvetilo nekše novo sunce ili pak je nešči vužgal svetlo na krajo šest let dugoga kriznoga i kmičnoga tunela. Dok mi se Brankec motal po pameti najempot mi se je vužgala ona nejmenša svečica, pak sam sam sebi rekel: Jožek, Jožek, kak si stareši vse si bedasteši, pak si pozabil da traje predizborna kampanja za Eu izbore i da se ve sme vse govoriti i obečuvati i za to se nigdar ne mora odgovarjati biračkomo telo. Brzčas nas Brankec ima za norce kak da mi neznamo da so nam gospodrstveniki v riti.

Ne znati je li bodemo i Međimorci jempot došli v Ginisovo debelo knigo rekordov, ali ove dneve smo zazvedili da smo rekorderi. Najme kaj, zazvedili smo da se za leto dni zaprlo v Međimorjo 124 obrtov i ak to spreračunamo dojde na to da se vsaki tretji den zapre po jeden obrt. To je ne za faliti, ali je tak. To so nam naša Vlada i poreznjaki privoščili. Ali to je još ne vse jerbo se po sobotaj i nedelaj ne dela, a dok još denemo kcoj, očem reči, zememo fkrej svetke i osvetke unda zazvedimo da se vsaki drugi den vgasne po jeden obrt, točneše rečeno, vsaki drugi den jeden obrtnik odide po riti k meši. To sam vam stiha rekel, pak pazite kaj to ne bi minister Brankec zazvedil!

Minister za zdraviče, gospon Ostojič, je del na listek lekov i zdravoga šumskoga zraka, tak da je ve i za tej lek tre meti receptlina ili pak ga morate sami v kešo colati. Čim so to zazvedili ovi vu Hrvaškaj šumaj mam so našnjofali velikoga biznisa i lepe peneze, očem reči, kruha brez motike. Mi v Hrvaškoj imamo čuda penez, a nesmo kak ftičeki Božekovi i zato nebremo nikaj dobiti zabadaf. Kaj vas ne bode nešči zadrobiščil v šumi brez bukse ili pak, nedaj Božek, brez penez, zazvedil sam za nejnoveši i prvi cenik od kak je dragi Božek sveta i šume stvoril: španceranje po šumi 40 kuni; dihanje friškoga zraka 60 kuni; drkanje po šumi 55 kuni; cucanje, vsejedno gospa ili pak gospon 20 kuni; pražnjenje črevi + nucanje hrastovoga listja 60 kuni; pražnjenje črevi + borova kitica mesto rit papera 40 kuni; pražnjenje črevi v pesje vrečice, šuma časti, zabadaf; videti živoga medveda 200 kuni; videti lovca brez dozvole, foršus 300 kuni; podehnoti plavoga cveta 5 kuni; podehnoti črlenoga cveta 15 kuni; zgaziti cveta, šteroga god 10 kuni; zgaziti črlenoga cveta 20 kuni; piti vodo z potoka 4 kn gutljaj; seks za grmom 100 kuni; seks-pederi 200kuni; seks ženi 100 kuni; seks ženi - publika, po glavi 20 kuni; gledati v srno 110 kuni; spominek z srnom 140 kuni; gledanje divje svije 120 kuni; spominek z divjom svijom prek mobitela 200 kuni.
Vse ono kaj ga nega v ceniko, a lugar vas najde da ste nucali ili delali naplačivle se kak je lugaro čef. Lugari isto kak i policaji za plačanje mam davlejo 50 procentov popusta. Vse se zna, vse se vidi, pak što nuca nek se zravna v šumo jagode brat. Ak ga medo ne zadrobišči. Tak vam je to v neklepšoj maloj zemli za veliki počinek.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA