Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Prcinkulovo, a unda Den pobjede

16.08.2016 11:15

Jožek radnik

Piše: Jožek radnik

Minulo je glavno čakosko proščeje – Prcinkulovo – na šteromo je saki on šteri je došel bilo šteri den, od ovi šest dni kuliko je trajalo, mogel najti nekaj za sebe, svojo ženo, punico, deco, vnuke, japo, mamo, japico, mamico, ljubavnico… Čakovec je bil, kak je sosed Tonča rekel, prekprokleto lejpo zrihtani, kak mladenka da se ravna v zamuš. Preveč je dugo trajalo tak da so se mamike i japeki, a unda i japice i mamice bunili da so jim mlada pokoleja prekpreveč penez zvlekli vum z žepov. Sega je bilo na proščejo, ali je se koštalo, ali velijo čakoski turistički težaki da tak mora biti i da se kaj vredi košta, a i da je tak seposot. Dok so oni, a i čakoski gracki oci nekaj zabadaf delili unda so redi bili do pol grada. No, kak bilo da bilo, saki što je štel je mogel nekaj najti za sebe, a što je ne našel te je ne niti hodil jerbo kaj bode stisko delal ak nikaj ne nuca, ak ga nikaj ne zanima i ak nikaj ne kani potrošiti, nek ostane doma i nek se tam spomina sam z sobom.

Da je ne Prcinkulovo (kak cirkveno tak i gracko) bilo kaj pokazal je vodeči esdepeovec Zoki Milanovičov, šteri je došel v Čakovec na duhovno obnovo jerbo mo je to bila prava prilika kaj se mo oprostijo, ali ne i pozabijo, grehi i kaj dobi oprost za se one grehe kaj je napravil dok je bil precednik, a i za ono kaj je ne napravil, očem reči, za ono dok je grešil propustom.

Čakoski turistički težaki se falijo kak so i ovo leto zrušili lanjskoga rekorda i da je na Prcinkulovo došlo nekaj vejč od dvestojezer ljudi, negdi se je moglo čuti i dvestopedeset jezer. Probajte si zrečunati kuliko se tu penez obrnulo črez teh šest dni ak znamo da je saki on šteri je došel potrošil nejmeje sto kuni? To je puna kola penez, cirka dvajstipet milijonov. Da bi to zračunal moral sam vum z kištice zeti ono formulo po šteroj nam naši Međimorski plinači preračunavlejo kubike plina v kilovate tak da ve zante kak je to nejtočneša računica. Najgerek sam kuliko bode od te penezi završilo v gracki kasi da znamo kak je lani bilo dvestojezer proščenikov, a čakoskim turističkim težakima je v kasi ostalo sam tridesti jezer kuni. A neso prijavili nikše tate?

Dok sam se španceral spod pod čakoskaj mamrelaj si okoli mene so jeli langoše i unda sam si počel gruntati kuliko se itak langušov pojelo za vreme proščeja? Ak je bilo prek dvjesto jezer ljudi, a bilo jerbo je i čakoski gradonačelnik tak rekel, a videl sam da je saki drugi proščenik jel langoša (one sam ne brojil šteri so na djeti, pak so pojeli dva ili tri) unda nam po računici zide da se je pojelo cirka sto jezer langušov. Škoda kaj je ne na proščeje došel i Ginis kaj bi to zapisal vu svojo debelo knigo.

Saka čast klapama, Valjko i Akijo, ali pajdašo Tončijo se je nejbole dopala Jelena Rozga jerbo je ona, kak je to Tonča lepo rekel, lepa i z prve i zadje strane, a ima i strašno lepoga resporka (zboka), očem reči, raskoraka. Dok je ona hupsala po grackoj bini na pamet mi je opal prosvetni savetnik šteri je došel v jeno čakosko pučko školo v kontrolo i ruon je nabasal na mlado i fajno kak Rozga, navučitelico štera je mela engleski. Sel se je inšpektor v zadjo klupo ozaj za Štefeka. Navučitelica je napisala na ploču jeno rečenico i iskala je po razredo što bi to mogel prevesti na naš hrvacki jezik. Nejpredi se je nišči ne javil, a dok je drugipot zapitala sam je Štefek zdigel roko. Navučitelici je bilo malo čudno jerbo je Štefek z engleskim ne bil ruon na ti. Još je jempot pitala, a v zrako je pak bila sam Štefekova roka i tak je Štefek dobil reč, a jegov prevod je glasil: Kakša guzica, to tre kresnoti. Navučitelica je mam Štefeka poslala dimo i za zadačo mo je dala kaj zutra dojde z japom v školo. Dok se je Štefek spakeral i predi nek je odišel se je obrnul prema inšpektoro i rekel onak bole stiha: A ti, majmun jen, ak ne znaš engleski nej šaptati. Verjem da je inšpektor bil na Rozginom koncerto i da je to isto kaj je rekel Štefeko ve govoril naglas.

Kak i sako tak smo i ovo leto meli dve proslave Dneva pobjede, domovinske zahvalnosti, branitelja i Oluje. Lani so proslave bile v Knino i Čavoglavima, a ovo leto v Knino i Zagrebo. V Zagrebo so vence metali i sveče vužigali esdepeovci i jivi kompiči, a si drugi pak so bili v Knino. Ovo leto je i Tomson došel v Knin kaj bodo si na kupo i kaj bo vekša fešta. Pak so braniteli ne ratuvali sam za HDZ-e, oni so ratuvali za Lejpo našo i unda se bodo esdepeovci čudili, ak nedaj Božek znova dojdejo na vlast, kaj jim bodo braniteli pak fučkali. A sami na tomo delajo, pak delajo svajo med nami Hrvatima.

Kaj ne bo nešči rekel da drukam za našega domače pevača Mirkeca Švendovoga z conom zvanoga Žiga šteri je popeval na fešti za Den pobjede v Knino. I to dvapot. V Čakovco nikak nebre dojti na red, ali v Zagreb, na Korčulo i v Knin ga zovejo. A i v Priloko je kak doma. Brzčas bi se Čakovčanci morali zapitati: Pak Žiga nekaj vredi da ga seposot zovejo? Ili pak so znali v Knino da esdepe ne bode došel i zato so brez se brige pozvali Žigija?

Oglasil se je i negdašji precednik Lejpe naše Ivo Jusupovič. On se je zgrozil i lasi so mo se zdigle na glavi tak kaj mo se frizura restepla, dok je videl dečke v črnaj robačaj v Knino, a još mo je huje bilo i neje zdržal kaj nej nekaj rekel dok so kurili srpsko zastavo. Nebodem rekel da je to vredo i da nam to tre, ali v sakomo žito se najde kukolja pak se tak i med prek stojezer vredo ljudi našel pušlek onih šteri so zglajzali z pravoga pota. A mortik so bili pod utjecajem okoline (čitaj: šanka) Zmislim se još navek, neje to tak zdavnja bilo, još je Ivo sedel vu fotelji prvoga hrvackoga političara na Pantovčako i neje v zrak skočil dok je četnički vojvoda Vojo Šešelj skuril našo trobojnico z hrvackim grbom. Isto tak se je još ne zazvedilo što je lani na Hajdukovom igrališčo narisal „svastiko“ dok so naši labodoritaši igrali z Talijanima, a si znamo kuliko je cajta minulo. A mortik so te isti šteri so risali „svastiko“ hodali c črnaj robačaj po Knino i popevali „črne pesme“, a na se zadje so i vužgali srpsko zastavo? Što zna? Gruntali so si, ak so jif ne našli dok so risali unda jif ne bodo niti ve dok so kurili. Bar se tak nadjajo!

Kam bo suza nek na oko, pak tak i Štrigovčanci nejdejo nikam drugam nek na Mađerkin breg. I ne sam kaj hodajo na Mađerkin breg nek tam delajo fešte (i to ne podnevo nek po noči) i još se z tem falijo. Nem nikaj rekel, ali saka Mađerka ima svojega bregeca, a i saki bregec šteroga so naši Međimorci sprobali je ostal na dobromo glaso. Furt pripovedam, pak znajo Štrigovčanci kaj delajo!

Dok se prinas v Međimorjo složi nekša fešta mi pozovemo Dalmoše i jive klape kaj nam popevlejo. Ne znati je li mi Međimorci ne znamo tak lepo popevati ili pak so Dalmoši maheri za naprajti fešto. Brzčas je istina negdi izmeđo. Kak i navek. No, nebremo jif ruon preveč šinfati jerbo oni znajo da jif se gosteše zovemo pak so se nafčili i nešterne naše međimorske pesme tak da seposot moremo čuti: Dalmatinac sam, Da te mogu pismom zvati, Maslina je neobrana, Croatio ko mater te volim, Vilo Velebita, Marjane, Marjane… I znate kaj se unda pripeti, mi skup žnjimi popevlemo, kaj znači da mi jive pesme znamo, pak bi unda bilo pošteno kaj se oni navčijo nešterno našo. Bar himno: Međimorje malo, kak si lepo zeleno… Kaj velite?

Ste vidli kak laboda i labodoritaši spajajo ljude? Ve dok je naš zagrebečki Dinamo igral protiv svojega imejaka z Gruzije so v Lepoj našoj, kak Dinamovci tak i Hajdukovci, navijali za Dinamo. Dinamovci so navijali za modre dečke zagrebečke, a Hajdukovci za žute z Gruzije. Ali več je to čuda kaj so Hajdukovci ipak kričali: Dinamo, Dinamo, spoteri te purgere…

Nekak mi se čudno držite kak da mi ne verjete? Rečite mi, prosim vas lejpo, pak kaj bi Dinamovci bili tak grdo pobedili svoje pajdaše Hajdukovce v Splito da so ne znali da je tak bilo. Ftruc so igrali sam kaj pobedijo i kaj bode rezultat isto takši kak je bilo i jivo navijanje. Nazval sam pajdaša z Torcide v Splito i povedal mi je kak je splitski gradonačelnik, Ivo Baldasar, šteroga je Zoki fritnul vum z svoje cukor-pikse, odlučil da se ne bode menjal pozivni telefonski broj za Split, ne bode 040 nek ostaja stari 021.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA