Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Pomori siroto na svojo sramoto

09.10.2012 11:12

Jožek radnik

Piše: Jožek radnik

Ovo vu Doljnjo Dobravi je zišlo po onoj staroj pučkoj: pomori siroto na svojo sramoto. Dobravski propali krčmar Drašek Matotekov je napravil bedake od vsih onih ljudi šteri so mo šteli pomoči kaj se reši „betega“ šteri ga je muočil. Na vse zadje se zazvedilo gda ga je zmislil i gda je peneze nucal za čistam nekaj drugo, a do dendenes se je ne zazvedilo za kaj. Nega penez, a nega niti Drašeka šteri je zapral krčmo i zginul. Vsi znamo kakši smo ljudi mi Međimorci, kak god malo imamo, ali navek smo tu gda tre drugomo pomoči, a dok se takše huncvutarije spelavlejo z našim dobrim srcima unda dojde do toga gda se negda i vkrej brnemo i tam gde bi pravzaprav trelo pomoči, ali smo nej sigurni je li je nešči vu pravoj nevoli ili pak nekaj špekolera. Tak sam vam videl jednoga dostik mladoga čoveka kak je, kak gluhonemi, hodal po Čakovco za vreme proščeja i ljudima daval ceduljice na šteroj je pisalo kaj ga muoči. I ljudi so davali peneze, nešči vejč, nešči meje, a nešči nikaj. I tak vsaki den. Proščeje je minulo, a črez mesec dni sam ga zišel vu Varaždino gde se čistam normalno spominal. Ve vidite gda vu vsakomo žito ga je kukolja, a unda zbog takših, a i takših kak je Drašek, ostanejo brez pomoči oni šteri jo zapraf nucajo.
Vse so labode okrogle, a nejbole je okrogla nogometaška, a brzčas zato kaj je nejvekša. Nejpredi so labodoritaši Reke nakefali Dinamovce i to tak kaj so ne znali otkod so, a unda so rečki labodoritaši došli vu Dunjkovec igrat kup utakmico z labodoritašima Nedelišča. Ne moram vam reči gda so z GPS-om našli dunjkovsko igrališče, ali jim je to nikaj nej pomoglo jerbo so dimo odišli podvijenoga repa, isto onak kak i Dinamovci štiri dni predi. No, neje tu kraj priče, nedelski so labodoritaši, vu minulo nedelo, igrali vu Svetomo Martino z Poletovcima, šteri so ovo jesen još nikoga nej pobedili, ali so Nedeliščancima očitali bukvico i nakantili jiv 4:1. Vidite na kaj to dojde gda se igra z temaj okroglaj loptaj. Vsi smo najgerek kak bodo nedelski labodoritaši zišli vu Dubrovniko i je li jim ne bode tam prejaki morski zrak šteri je čuda jakši od ovoga vu Svetomo Martino?!

Naši stareši velijo gda je čuda bole roditi se brez pimpeka nek brez sreče, jerbo ak čovek ima srečo unda mo i pimpek zraste. Ne bi vam znal reči je li Stankec Zvošec z Doljnjega Vidovca ima pimpeka, ali srečo ima. Stankec je za vsega dve leti dobil dva BMW-eje, a to je, prosim vas lepo, nej mala stvar. No, kaj vam nek rečem, mislim gda se vsi vi slažete z menom, pak moramo mo biti jalni. Bar malo. Ak ne bi bili, ne bi bili pravi Međimorci. Pak ne bodemo se, valjda, odrakli svojega jala zbog teh dva beemveja. Kaj se mene dotikavle, nebrem mo biti preveč jalen jerbo ne igram lutrijo, a kak bodem unda dobil ak ne igram, a Stankec je uporan i žilavi i furt igra. I dok drugi pijejo, on igra, a posle so mo pajdaši ne ženi, a on dobi auta i ne mora hodati peške. Sreča je takša kakša je je, i ona si zbira komo bo se v roke dala, jerbo ga je ne dostik za vse. Stankec sam ti igraj i dale, a mi ti bodemo i dale jalni.

Naša domača hrvaška televizija, šteroj, još navek, plačamo pretplato, nam je vu naše hiže posla, i to v nedeljo vu dve vure, Ivija Sanaderovoga, tak gda ve vsi znamo gda je on ne nikaj kriv i gda so naši vsakefele političari zebrali ruom jega kaj bodo vse drvje, kameje i vsega zmazanoga veša na jega hitali. Nešternima je to oprostil, makar nikomo ne bode to pozabil, ali svojo dovčerašjo pajdašico, Jaco Kosorovo, nebre nikak zabiti. Pak jo je on dopelal vu stranjko, na vlast i poklonil joj je Lejpo našo, za rođendan, pred tri leti. I ve se čudi. Prosim vas lejpo što je od nas uspel zagospodariti z ženami, kak z svojom doma, tak i z drugima z šterima se shaja, Što? Nišči, pak nebre Ivo unda biti izuzetak vu vsemo! Još je vu Bibliji napisano, rekel bi denešji precednik Vlade, Zoki Milanović: Što se za mač grable od jega i pogine!

Bila je prinas vu Čakovco i Međimorjo i kulturna ministrica Andrea Zlatar Violić i prešpancerala se po našoj varoši. Razgledala je Staroga grada skupa z Vladekom Kalšanom, a unda je odišla v Kulturni centar k Laceko Vargi, a na vse zadje se zadržala vu cirkvi Svetoga Mikloša vu spominko z čakoskim i međimorskim gvardjanom patrom Stankijom Belobrajdićom. Kak bi to pravi novinari rekli: ministrica i jeni pajdaši so vse vidli, vse čuli i vse obečali, a mi sam moramo paziti kaj ne bodemo zakesnili dok bodo oni prehajali z reči na djela. Najte me krivo razmeti, ali najgerek sam je li „kukurikači“ smejo hodati v cirkvo i je li premjer Zoki zna gda je gospa Andrea bili vu našoj cirkvi?

Minuli tjeden so dobri dečki pobirali, a dobri ljudi davali grozdje ili pak peneze za našo „Katružo“. Vsaka čast onima šteri so dali kaj so meli i kuliko so mogli. Jeno pet-šest pot sam prečital imena teh dobročinitelov, ali sam nigdi ne mogel najti niti jednoga poznatoga vinogradara. Nej znati zakaj je to tak, je li so jiv ovi dečki z „Radio goric“ nej mogli najti ili pak je nekaj drugo vu pitanjo. Nebrem veruvati gda so se oni, šteri nejveč imajo, skrivali? Ne, to nebre biti, jega i med jimi dobrih ljudi!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA