Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Osemdeset let mo je stopram!!!!

08.08.2016 10:55

Jožek radnik

Piše: Jožek radnik

Nebrem nikak razmeti kaj drugo delajo te srpski političari osim kaj gledijo prek meje k nam v Lejpo našo i iščejo ustaše? Najme kaj, Vučič, Nikolič, Vulin, Dačič i kaj nem dale nabrajal, šteri so na vlasti v Srbiji, niti ne skrivlejo da so četniki, a četniki da bi mogli preživeti morajo meti svoje protivnike, a to su ustaše. Što bi rekel kaj te četniki se znajo kaj se je negda pripetilo od Vardara pak do Triglava, a na svet so došli čuda čuda kesneše. Kuliko čujemo jim vriti još navek frfra ono zbogradi čega so zgubili Domovinskoga rata, a to je državna meja na crti Virovitica-Karlovac-Karlobag. Nebre jim čovek veruvati da so skurili se one bele, plave ili pak črlene knige v šterima so to meli zapisano i z šterima je Slobo mahal predi nek je genul jugosoldatesku i poslal jo na Vukovar i druge hatare Lejpe naše.

Verjem da ste si čuli za nemačkoga državnika i političara Otija fon Bizmarka makar je on živel i delal v devetnajstomo stoletjo. Nesam siguren da je on mel nekše veze z Srbima, ali da jif je poznal unda bi znal kuliko držijo do svoje reči i brzčas bi znova na svetlo dneva donesel ono svojo poznato izreko: Dogovor z Srbima neje niti vreden papera na šteromo je napisani!

Na svetlo dneva so splivali nejbogateši dužnosniki v Lepoj našoj šteri vlečejo konce, očem reči, političke konce ozaj za ferungom. Kaj vam bodem rekel, za nešterne sam znal, a nešterni so se tu našli, bar za mene, sam ovak. No, nebrem niti ja se znati, nebrem se niti ja restrgati, pak niti vi, ali saki od nas pozna svojega soseda i zna kuliko je „žmehek“. Med temi političarima, gospodarstvenikima, bankarima nega, nebodete veruvali Slaveka Liniča, Zdravkija Mamiča, prvoga zagrepčanca Milana Bandiča, ali zato so tu i naši Međimorci. Med jimi je Ivanka Novakova, ali je ona vu svojo kartico dala zapisati familijarno blago, očem reči, se ono kaj na jo stoji, a skupa so na kup nosili i ona i jeni mož, očem reči, to se mora podeliti na pol, a dok si to podelijo unda je to čuda meje i po tomo ona ne bi niti došla na listino. A niti on. Nebodete veruvali, ali nejbogateši međimorec je Štef Korajov. Jega se zmislimo kak Marasovoga pomočnika v „Kukuriku“ Vladi, a dok ga je Maras dimo poslal unda je bil sanaciski upravitelj Čakoske i Međimorske bolnice. Ne me brige i nesam mo jalen, ali dugo je to moral na kup nositi i kak hrček skrivati kaj je nanosil to se i tak da ve ima nekaj vejč od dvanaest milijoni kuni. Kaj ne bodete mislili da mo je se to od politike, ne, pak on je na leta predi nek je došel v poltiko bil gospodarstvenik i vodil je privatno firmo štera je, na se zadje, završila v stečajo. Do ničega čovek nebre dojti prek noči, tre delati i šparati jerbo sam tak čovek more nekaj meti. Ili pak nekaj vejč.

Si Čakovčanci i Međimorci šteri držijo do sebe su vu ove zadje dneve meseca juljuša i prve dneve augustuša dohajali v glavni grad našega maloga i kak cvetnjak lepoga Međimorja na Prcinkulovo. To je glavno čakosko proščeje štero obslužavlejo fra-patri v starešoj čakoskoj župi Svetoga Mikloša biškupa več 357. let, a pred nekaj vejč od pedeset let so jim počeli pomagati i čakoski turistički težaki. Morem vam reči da so i ovo leto turistički težaki i si drugi, šteri su tu meli svoje prste ( i ne sam prste), to jako lepo i dobro spelali i saki je tu mogel najti nekaj za sebe, svojo ženo, deco,vnuke, kak mi Međimorci tak i stranjski šteri so došli na proščeje z Dežele, Hungarije ili pak z Lejpe naše. Bilo je tu prek milijon sega kaj ne nucamo, ali smo ipak nekaj kupili kaj ne bodemo lačni, ženi ili pak kaj ne dojdemo dimo z praznom rokom. Što si je tu nikaj ne mogel za sebe najti te je niti ne hodil i bole da je ne došel stisko delat jerbo je i brez jega stiska bila dosti velika. I unda mi nek pak nešči pripoveda kak Međimorci imajo nejmenše plače, bogečke penzije, kak imajo nejmeje penez v Lepoj našoj, a pre niti jenomo šanko čovek nebre dojti na red za pivo, a kaj nebom spominjal vinare, langoše, roštilja, gvirca, šifrance… Najbrž smo pak peneze potegli vum z štonfi ili pak strožoki kaj nam ne bodo splesnivili.

Ve vidite kak naš Mirkec Švendov, z conom zvani Žiga, nema srečo. Čul je Mladen Grdovič kak je Žiga ne mogel, polek jega, dojti na red kaj bi se i međimorska reč i međimorska pesma čula na nejvekšemo međimorskomo proščejo, pak se je poštrical svojom jedinom ženicom, z šterom se več hajdi let štrica, a unda so se malo i poskubli i tak je Mladenček zletel vun z hiže, a i z čakoskoga proščeja. Ali, kuliko vidimo, jenomo je smrklo (Mladeno), a drugomo je ne svanulo (Žigi). Ne znati kaj se je Žiga zameril čakoskaj turističkaj težakaj ili pak grackim ocima da je ne mogel dojti z svojimi bandisti na glavno čakosko pozornico. Nesam mogel zmagaditi pak sam na red pobral turističke težake (gradonačelnika Štefa sam ne vupal), pak so mi unda rekli da je Žiga bil zavzeti i da se je to večer paril z makedonkom Konstadinkom v Priloko i da mo je žnjom, najbrž, bilo lepše nek v Čakovco. Ali Čakovec je ipak Čakovec, kaj nebom Prcinkulovo spominjal.

Za se one šteri dohajajo na proščeje na Fratarski trg i v cirkvo zbogradi Marijice je nejglavneša bila glavna meša v tork dopolne, na Prcinkulovo, v dvoriščo čakoskoga kloštra, štero je predvodil krčki biškop Ivica, očem reči, Ivek, Petanjekov, a za se one šteri so sedeli po kafičaj dok je pršecija išla od Glavnoga trga do cirkve je bilo Bajagino popevanje den predi. No, kak je saka nevola, oliti sako zlo za nekše dobro, tak je i sreča kaj so ne si šteri so gledali pršecijo došli k meši jerbo nej bilo dosti mesta za se. Gvardjan i župnik, pater Željko, je štel mešo složiti pred cirkvom, ali je zakesnil jerbo so se ovi z ringišpilom i z gvircom predi zapisali pre turističkaj težakaj.
Moram pofaliti župana Mateka šteri je došel k meši, kak i sako leto, skupa z svojim zamjenikom Vidovičom i zamjenicom Sandrom. Isto tak je za pofaliti i gradonačelnik Štef z svojom levom rokom Medvedom, a desna roka, Romano, mo je na urlabo. Bilo jif je lepo videti, a i meli so kaj čuti od biškopa Iveka. Morem vam reči da je gradonačelnik bil v robači, a župan je mel rekleca i to sam kaj se bode znalo što je prvi političar Međimorja. Najme kaj, na novomo listeko za sabornike Štef je na tretjemo mesto, a Matek na četrtomo, da je bilo drugač unda bi Matek bil v robači, a Štef bi mel rekleca.

Naš čakovčanec, međimorec, cirkovljančar i počasni gospar Dubrovnika (kaj god to značilo), Danijel Režek, je pred kraj juljuša preslavil svoj osemdeseti rođendan. Več osemdeset ima na hrpto, a morem vam reči, a to je rekla i gospa Barika, da mo ne bi dala, bar ne tuliko. Morem vam reči da je on to svojo fešto napravil v Staromo grado kak je to negda delal Mikloš Zrinski. Čuda je bilo pozvani, a pozvani so bili sam zebrani, ali vam morem vam reči da je i hajdi ljudi došlo. Sa je sreča kaj so si ne došli, jeno tridesti si jif je našlo zgovora, jerbo bi, najbrž, i Stari grad bil premali za to veliko pajdašijo. Med onima šteri so se zgovorili je bila i precednica Kolinda, general Gotovina, negdašji precedniki Vlade Valentič, Mateša, Gregurič, a jegov stari pajdaš Mesič je bil na poto, ali o svojemo stroško, a prvi zagrepčanec Bandič je poslal zamjenico… Nešterni pajdaši so bili na urlabo tak da se bode te rođendan slavil se do kraja leta. Došli so i pajdaši z Dežele, Australije, Dojčlanda tak da je stiska ne bila mala. Reč so dobili sam oni šteri so meli nekaj za reči, a med temi je bil precednik Hrvacke akademije, Zvonkec Kusičov, naš i međimorski župan, Matek Posavcov, pater Tonči Trstenjak, glavni v zavičajnom društvu Međimorcov v Zagrebo, a monsinjora Đureka Kolarariča je nekša hetika zahačila pak je ne mogel dojti makar je mel prepravlenoga svetešjega govora. Nejso došli niti cirkovljančari, Tonček Mikecov i Matek Berljakov, ali oni bodo meli popravnoga. Se u semo bilo je vroče, lepo i veselo, a dok so zadji svečari išli dimo ruon se kokoti prepravlali kaj počnejo kukurikati. Mortik bi i bili kukurikali da so jif Ivač, Utek, Krika i pajdašija ne splašili. Brzčas je gospon Danijel ne što gud da je mogel tuliko ljudi „dotirati“ na jen kup. Nejlepšo čestitko mo je, ipak, rekel akademik Kusič: Ak bi mel nekaj za napraviti to bi dal gospono Režeko jerbo znam da unda to bode stoprocentno napravleno. Saka čast gospono, inžinjero, doktoro, bivšemo profesoro i ministro, a denes penzionero, nek ga dragi Božek još dugo drži na ovomo sveto, a kaj ne bo sam, nek ga poživi skupa z nami! Videl sam ga, več je prešaltal v tretjo brzino i juri prema devedesetoj kaj dostigne profesora Kapuna.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA