Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Nesmemo pozabiti, nigdar

24.11.2014 10:40

Jožek radnik

Piše: Jožek radnik

Osemnajstoga novembra smo obilježili 23. leti otkak je naš grad heroj Vukovar pokleknul, kak naši braniteli več nejso mogli zdržati i pal je v roke mrskim neprijatelima. Morem vam reči da je ovo leto bila jedna velika kolona sjećanja v šteroj je bilo cirka sto jezer ljudi, šteri so došli pokloniti se onima koji so poginuli, kak i onima šteri so preživeli velike i krvave borbe i završili v logorima po celoj Srbiji. I naši braniteli, a isto tak i županijski čelniki, župan Matija Posavec i jegova desna roka, zamjenik Zoran Vidović, so poližili vjence i vužgali sveče za vse poginule, a posebno naše Međimorce i to na Trpinskoj cesti, v bolnici, v Borovom naselju, na Ovčari i na Memorijalnom groblju vu Vukovaro. Braniteli su skupa s zamjenikom Vidovićem bili i v Iloku gde so vužgali sveče za našega prvoga poginuloga branitela v Domovinskomo ratu, Predraga Jurčeca. Nesmemo nikak i nigdar pozabiti na one šteri so se borili ili dali svoje živote za ovu Lepo našo v šteroj denes živimo.Nek jim je večna fala i slava.

Oni šteri so ne išli vu Vukovar mogli so dojti na mešo za poginule branitele v čakosko starešo cirkvo Svetoga Mikloša biškupa v ponelek 17.11. ili pak v tork 18. 11., štero je služil naš i varaždinski biškup Josip Mrzljak, a posle se pomoliti pred spomen zidom pre Knjižnici i vužgati sveče, kak pre zido, tak na Trgo ili pak vu Vukovarskoj vulici. Bilo je dosti sveči i po oblokima. Lepo je da smo na pozabili.

Kak da je to fčera bilo dok so se pojavile nove novine vu čakoskoj varoši, očem reči, v našoj Međimorskoj županiji oliti vu ovom našemo malomo Međimorjo. Kajkaj toga se pripovedalo pred devetnaest let dok je zišel prvi broj ovi naši MEĐIMORSKI NOVIN. Morem vam reči da je bilo jako malo onih šteri so veruvali da bodo te nove novine preživele vejč od leto-dve. Zišle so mam posle Oluje, a bilo je to vreme za nekaj novoga. Znate kak je to na leta bilo, pisale so se i čitale sam jedne novine i vsi so bili na to navčeni, a unda se je nešči zmislil i počel pisati druge. I to črlene. No, morem vam reči da so oni črleni fkrej glavo obračali od črlene boje i dale čitali plave. Da čovek ne poveruje, vse je bilo pre hiži črleno sam so novine bile čistam druge boje. I unda bo nešči rekel da se čuda ne događajo. Nekak se je to tak posložilo kaj so črlene novine čitali oni šteri so bili desni i nosili so plave drese, a oni drugi v črlenaj dresaj so čitali plave novine. I to je još ne vse: oni črleni so niti v noči, pod lampašom, ne vupali zaljuknuti v črlene novine jerbo jif je nešči mogel dati na sod časti, očem reči, sod partije. Ovi drugi, plavi, oni so hodali k sosedima ili pak k ljubavnicaj i tam, onak usput, so prelistali one novine štere so bile v jivoj farbi, ali so ne bile z kluba za šteri so oni drukali. Kak bilo da bilo i nejdukši pot počne z prvim korakom, pak so tak i te naše, moje novine, došle na svetlo dneva z prvim brojom. Rekel sam vam da je to ne bilo tak zdavnja, a ve več, očem reči, minuli tjeden ste v roki meli novine broj jezero. Sam dragi Božek zna kuliko je tinte potrošeno za te jezero broji, kuliko spametnih reči, kuliko vsega lepoga, a i onih drugih stvari. Verjem da vsi znate da je Marijan Ramuščak bil naš župan dok so novine došle v kioske i štacune, a glavni je v novinaj bil Dragec Ovčarov, unda prvo novinarsko nalivpero Međimorja. Ne bi se niti hapil kaj bi nabrojil vse one novinare i suradnike, šteri so delali i pomagali kaj so novine doživele tulikša leta, a kaj so još navek tu i kaj se još navek čitajo. I ne sam v Međimorjo, po Evropi, nek i po celomo sveto. Ako pak putujejo po sveto još dendenes, a i čitajo se unda, brzčas, nekaj i vredijo. Najte mi nikaj zameriti, ali moramo se i malo pofaliti: dopelali smo na čelo županije župana Levačića i to dvapot, a posle osem let smo ga i ispratili. Bili smo tu dok je cugle vlasti v roke zel Jožek (moj imejak) Posavcov, a žnjim je došla i jegova Dajana. To je bilo prvič, od stoletje sedmoga pak do ve, kaj so z Međimorjom vladali mož i žena. Ali ne dugo. Posle Jožeka je došel Ivek, šteri se je zadržal sam jeden mandat, isto kak i Jožek. Ve več drugo leto hercuje po Međimorjo, pak jeden Posavec i to Matek. Kak vidimo, župani se mejajo, a novine so ostale. Ak ste me dobro pratili unda znate da so novine več minule devetnajst let, a to znači da se je v septembro 1995. leta narodilo dete, mesto naših novin, to dete bi denes več bilo na fakulteto. Najte me pitati na šteromo? Na jenomo bi bilo i to več drugo leto. A to dete je trelo othraniti i na noge postajti, zaškolati i vu velike škole zapisati, a vse to brez stipendije grada ili pak županije. Nigdar je ne bilo kaj bi vsi dobavlali stipendije, pak je tak bilo dok so naše novine v školo, očem reči, na fakultet hodale. Kak bilo da bilo, novine so još žive, pišejo se, čitajo se, a hajdig onih šteri so se žjif smijali i čakali so da se vgasnejo več ne hodajo po ovoj našoj zemlici. Očem vam reči da so to žilave novine, malo so na svojo roko tak da ne verjem kaj bi, predi ili potlik v zamoš odišle, očem reči, da bodo, najbrž, ostale ledične i same bodo se probijale črez ovo naše živleje. Kaj vam nek rečem, čitajte nas i dale, kak ste nas i do ve ak očete več znati nek drugi. Zdižem puno kupico, skup z vami za prvih devetnajst let i za jezero brojof. Prosim vas kaj bi spili do kraja jerbo sam tak bo se mogla spuniti i druga jezera. Živeli !!!!!

Morem vam reči da so se i Zagorci norca z nas delali dok smo vum poslali ove naše črlene novine. Smijali so se, ali jim je smeh zabegel jerbo so i oni, cirka črez deset let, isto tak počeli pisati druge novine, tak da i oni imajo dvoje. To je po onoj staroj narodnoj: vidla žaba kak kovač kojo potkovo meče, pak je i ona zdigla nogo.

Jako mi je to lepo čuti kak se naša bolnica okerusila i kak jo je doktor Mirek Horvatov dopelal na dober glas. Ne sam bolnico nek i doktore. No, ne sam doktore, nek i medicinske setrice. Pak znate i sami da bolnica vredi tuliko kuliko vredijo sestrice. Verjem kak mi imamo jako dobre doktore, kak so oni hodali na specijalizacijo de so se vsega vraga navčili, ali moram vam povedati kak sam vam ja zišel. Došel sam k doktoro jerbo me je leva roka bolela. Prešel sam vse doktore kam me je moj doktor poslal: pregledavali so me, sukali, vežbali, slikali, ali vsi so nalazi bili vredo. Jeden mi je doktor rekel da sam to zmislil, ali čim sam se pobunil mam mi je zaparažil jedno inekcijo. I neje nikaj pomoglo. Rekli so mi da je to od zoba. Odišel sam i k zobaro, ali i tam ja vse bilo vredo. Posle so mi rekli da so mislili na zob vremena, očem reči, jmbg. No, ali nebre me leva roka boleti, a desna ne jerbo so jednako stare ili pak mlade. Morem vam reči da mi je črez tri mesece to vse onak minulo kak mi je i došlo. Najbrž me je leva roka bolela jerbo sam se furt delal norca z Zokija Milanovića, a ve več nebom, pak sam najgerek je li me roka več nebode bolela. Kaj nebo zišlo da se hecam z doktori, (ak zazvedijo pak bom na iglo naletel), ne oni so čistam vredo, bolnica je vredo, nek so vremena nekša čudna. Pak i sami vidite da je doktor Mirek zrihtal bolnico, a ve župan Matek oče zajma zrivati na državno grbačo, a naši političari nedajo. Tak i treba, i moj japica je navek govoril, ak sam ga zel ja ga bom i vrnul. Ima japica praf, pak nam je država zela bolnico, pak nek unda i zajma vrne.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA