Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Neje za vse laboda jednako okrogla

14.05.2012 13:31

Jožek radnik

Piše: Jožek radnik

Negdašja vlast, štero je vodila Jadranka – Jaca Kosor, nam je, i to na leta, hitala peska vu oči dok nam je prodavala fal strujo, fal plina, fal nafto i benzina i dok joj je bil dostik, dugi ili veliki, pedeve od 22, a mi smo gombali… Došli so izbori i mi smo se hadezeovcima zafalili i poslali jiv vu oporbo, a „kukurikačaj“ (čitaj: Čačićo i Milanovićo) smo dali cugle vlasti vu roke, a oni so, tobož, deli stvari na svoje mesto (tak bar velijo) i zdigli so cene benzina, nafte, plina struje, a i pedeveja, a nejso nas niti pitali je li mi to moremo zdržati i je li imamo od čega živeti, je li bodemo meli za kruh i mleko ak poplatima vse te čeke. No, to jiv nej brige. Mi smo jiv zebrali i ve jiv moramo magaditi štiri leti.Malo vejč od štiri mesece je minulo i več nam falijo oni šteri so nam hitali peska vu oči.
Minister za poljoprivredo Tihomir Jakovina je kesnil na svetešjo sesijo Županiske skupštine jerbo se zgubil od Zagreba do Čakovca. No, tak se bar zgovoril. Nebrem veruvati gda se mogel zgubiti!? Najme kaj, pak kaj je to tak teško dojti vu Zagrebo na autoban i vu Svetomo križo zijti doli. I vse lejpo piše. A gde se tu čovek more zgubiti i to jen minister i to naš hrvaški – to te ja pitam? Čakoska Zrinska garda je dobila županisko nagrado „Zrinski“ za to sam zato kaj je, vseposot kud je išla, promovirala naše Međimorje malo. Vsaka čast, dečki, župan i Županija so vas zeli vu pamet i vas i vse ono kaj delate, pak so vam dali nagrado. Ali probajte nekšo nagrado dobiti vu grado Čakovco ak morete.
Od kak je Neno Hranilović došel vu naš Međimorski plin furt cena ide gori i furt mo, još navek, penezi falijo. Nejpredi je stiha zdigel ceno gda je počel plina meriti z kilovatima mesto z metrima, a unda mo je niti to nej bilo dosti nek je zdigel ceno još 22 posto i još je kcoj dodal štrofa za priključak. Ve vidite, a mi smo si Međimorci sami delali i mrežo i priključke, a ve moramo Nenijo plačati za ono kaj smo si sami naprajli. Niti je sto dni nej minulo otkak je Neno vu plino več nam je žal za Ivkovičom, makar smo i jega šinfali, ali on se nigdar nej žalil gda premalo zasluži (kak Neno), nek je vsima (opčinaj i gradaj) i to vsako leto, delil dobička, a još je nekaj podelil kulturnjakaj i športašaj. A tak smo ga fletno i z veseljem zmenili.
Pred dva tjedne sam došel pogledati mamo, štera več ima hajdig let za sobom, i nekak mi je slabo zgledala. Pital sam jo, kaj jo muoči. Nikaj mi je nej povedal nek mi je dala čeka za vodo. Nejsam nikaj razmel, ali sam joj donesel vodo z cukorom. Včasi je došla k sebi, pak mi je priznala kak je vu šoko i tlak joj je skočil, jerbo so novi čeki za vodo menši od starih. I kak mi je rekla gda je to još nigdar nej doživela vu svojemo dugomo živlejo. No, tua slaboča je nej dugo trajala, jerbo je drugi den došel ček za strujo i mam joj se zdraviče poprjlo, a i tlak je došel na normalo.
Ne znam gda ste se zadjipot pelali črez hatar naših sosedov Janezov? Najme kaj, po vsim mestima, selima i gradima sosedne Dežele morete se pelati 50 na vuro i nikaj vejč. Respital sam se pre mojemo pajdašo Janezo z Jeruzalema zakaj je to tak. On vam dela vu turizmo pak mi je pojasnil gda je to zato kajbi se turisti čim duže peleli po Deželi i kaj bi zgledalo gda je to velika država. Prefrigani so te Janezi kaj god bodete vi rekli. Kak jim sam to palo na pamet?
Kak se vse to spremeni prek noči. Najme kaj, do včera smo vsi falili naše komunalce z Čakoma kak oni lepo lišpajo našega Čakovca i kak vse smetje štero mi napravimo pospravijo na svoje mesto, s zemljom pokrijejo i travo posejajo. I unda najempot, kak strela z vedroga neba, je došel gospon Šalamon z predlogom gda mora nešči drugi to smetje vu red pospravljati i gda mi Međimorci to ne znamo. I gda bi to moral biti nešči stranjski. Nebrem razmeti kak smo do včera znali, a od zutra več to kaj smo znali nikaj ne vredi. A furt govorimo vsi mi, a i gospon Šalamon isto tak, gda so naši ljudi naše nejvekše bogactvo, a dok jim trebamo nekšega pravoga poslati vu roke dati, unda pozovemo druge. A još so naši stari i stareši rekli gda je nejsigurneše dok verješ vu sebe i svoje kljuse.
Minuli vikend so naši međimorski labodoritaši pobedili svoje pajdaše z Gorice 4:1 i zapopevali: A ve adijo Drugo ligo… Kak se mej vidi naši labodoritaši idejo vsako leto jedno štengo niže na hrvaškoj labodoritaškoj lojtrici, tak gda so ve dojšli vu Tretjo ligo gde jiv čakajo labodoritaši Nedelišča, Čakovca, Preloga i Kotoribe, tak gda bodo tu med svojimi. Škoda kaj bodo Prislavčari ispali, jerbo bi to, od jeseni, mogla biti Hrvaško-Međimorska liga.
Labodoritaše Rome z Kotoribe bodo hitili vum z Tretje međimorske lige jerbo ne dohajajo vsako nedelo igrat utakmice. Ak je tak, a tak je, unda jiv i tre hititi vum. No, vse je to vredo, ali to je Roma i čim se to bode zazvedilo mam se bode javil Željko Puhovski i Hrvaški Helsinški odbor i tožil bode nas vu Štrazbur ili pak vu Brisel, pak unda se nek mi tam zvlačimo kak smo tak nekaj vupali naprajhti. Neje ruom za vse laboda jednako okrogla!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA