Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Narodil nam se Kralj nebeski, kak za desne, tak i za leve!

27.12.2011 11:06

Jožek radnik

Piše: Jožek radnik

Državno izborno poverenstvo je zatuklo i zadjo nado desnih stranki gda bodo znova ostali na vlasti i posle ovi decembarskih izborov i to tak kaj je objavilo konačne, očem reči, zadje rezultate izborov po šterima so kukurikači i jivi, bole i meje glasni, kibici došli na vlast. Ak je tak, a tak je, unda meni ne preostaja nikaj drugo nego gda vam rečem kak je Lejpa naša genula vu levo kaj se dotikavle sabornikov i državne vlasti. Je li to bode dobro ili pak sam bole, vreme bode pokazalo. A kaj se vremena dotikavle več ve je hajdik zima, čuda bole nek dok je hadeze bil na vlasti, ali snega smo preveč nej vidli, ali vu Hrvaškoj ga čuda vejč palo kajbi rekli gda je i po temo nastavljena nejednaka raspodjela državnih dobara kak je i do ve bilo.
Na drugoj strani naša međimorska sabornica, gospođa Nadika Jelaš, nas uvjeravle gda bode vse bole dok oni primejo pravzaprav cugle vlasti vu svoje roke. Obečala nam je vse kaj smo šteli čuti: čuda vejč pošteja, čuda vejč posla, čuda vejč radni mesti i plače vsaki mesec. Najgerek sam, i to jako, kak bodo ve oni uspeli prejti z oporbe na vlast i je li se bodo znašli? Najme kaj, osem let so igrali vu drugoj ligi i šinfali ove na vlasti, a ve najempot tre zaigrati vu premijer ligi i pobjeđivati. Nekaj si gruntam je li bodo to mogli, a kaj ne bodo kupili niti jednoga igrača z nešternoga drugoga kluba šteri več ima prvoligaškoga staža? A mortik so oni po skrivečki trenerali dok so ovi drugi hercuvali. Isto tak sam najgerek je li bodo i oni delali tuliko toga hudoga pak jiv bodo i ovi novi oporbenjaki i Dragec Lesar kak starosjedilac meli zbogradi čega šinfati i na red pobirati.
Jako sam najgerek kaj bode z nami šteri delamo, rastemo i hmiramo na falačeco zemle med dvemi vodami? Znate več gda so i prinas kukurikači potukli vse svoje protivnike i to čistam do zemle, ali mene vam bole muoči to kaj so naši esdepeovci preslabi kaj bi mogli zastajti zahuktale haenesovce. Kuliko sam mel za čuti pre čakoski gracki vuri, ovi z hrvacke nepotrebne stranjke (kak od milja zovejo haenesovce) bodo pobrale vse glavneše funkcije vu našoj županiji. Rekli so mi: pogleč, pak bolnico več hajdik dugo imajo, još dok je Jožek hercuval z županijom, a ve so, vu kratkomo cajto, zgrabili ceste, pak i plina. No, to je još nej vse: do ve so se sam stiha spominali, a pomalem so počeli govoriti i na glas, kak bi šteli dobiti i Elektro, pak Hrvaške vode, hodajo več i po šumaj i inventure delajo, a nekaj se grozijo i Zokijo, našemo glavnomo vodovodačo. Kakši so oni več je, brzčas bodo vse to pograbili vu svoje roke sam ak jiv bode dostik, a esdepeovcaj bode sam smetje i Čakom ostal. Jim je trelo kaj jim nešči izbore dobi, a to jim je esdepe napravil, a ovo dale oni vse morejo sami. Kuliko vidimo vsaki je za nekaj je, jedni kaj kontrolerajo izborno telo,a druge kaj bodo fletno i trdo zgrabili cugle vlasti. To je prava koalicija vu šteroj vsaki dela ono vu kaj se nejbole razmi.
Božič nam dohaja, nej sam gda nam je na poceko nek več i pomalem ranjka na naša vrata. Ve bodemo vidli kak bode zgledal tej levi Božič, očem reči, prvi Božič posle dugo cajta, a gda so nam levi ili kak moja teca veli, tej antikristoši na vlasti. Nejsam uspel zazvediti zakaj jiv teca nema rada. Za svetek Božiča se pripravlamo vsaki kak nejbole zna ili kak mo nejbole paše, ali verjem gda bodemo vsi meli cmreke i nekše zamotane kaštule spod. Jednima so važne kaštule, a drugima je nejvašneše kaj pejo vu cirkvo i kaj se zidejo z malim Isusekom. Nebi vam točno znal reči zakaj je vu cirkvi navek stiska na desnoj strani,a na levoj ga navek dostik mesta, ali ljudi se nekak tua nedajo, bar ovi kaj stisko vu cirkvi delajo. Moram vam reči gda so več božične spovedi minule, a župnik mi je, onak stiha, pošepetnol kak je hajdig ljudi priznalo kak so glasali za leve, očem reči, kukurikače pak jiv je brzčas terh opal z srca gda jim je Božek oprostil toga velikoga greha. Božek jim je je, ali za župnika sam nej siguren. Kak i vsako leto, nedelski pjevači so otpopevali svojega koncertlina vu Atono. Na krajo so vsi pjevači, a žnjimi i župan Ivek, pak i nedelski načelnik Mladen otpopevali nejlepšo hrvaško božično pesmo NARODIL NAM SE KRALJ NEBESKI. Nebodete veruvali, kak sam niti ja nej vu prvi mah, popevalio so i Ivek i Mladen. Najgerek sam kaj se bode jim pripetilo dok jiv šef i gazda stranjke, Zoki Milanović, zazvedi kak ovi dva popevlejo drugomo Kraljo šteri je nej vu jivoj stranjki?
Vsima vama šteri me čitate i vsima onima šteri čekajo maloga Isuseka želim srečnoga i blagoslovljenoga Božič kaj ga sprovedete vu miro i veseljo

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA