Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Najgerek sam, jako sam najgerek

22.02.2016 09:17

Jožek radnik

Piše: Jožek radnik

Najgerek sam, jako sam najgerek, kak se bodo esdepeovci v Lepoj našoj dospomenuli okoli toga što bo jim dale jahal na čelo kolone, je li to bode denešji vođa Zoki Milanovičov ili pak bodo zebrali drugoga ( za ve se nudi primorsko-goranski župan Zlatkec Komadina) da se naši međimorski esdepeovci nebrejo dospomenuti. Nadica Jelašova je, napriliko, za Zokija (mlajšega i lepšega), a gorčanski načelnik i međimorski potprecednik esdepea, Mario Moharič, je za „staroga lisjaka“ Komadino. I čakoski gracki načelnik, Štef Kovačov, se je izjasnil, očem reči, jegov čovek je Zoki. Ne bi vam znal reči što tu ima praf?

A precednik međimorskih esdepeovcov, Mladen Novakov, je sam tiho. Po cele dneve si grunta v sebi, kuha i nikaj vum ne davle. Najbrž je, bar za ve, nejbole biti stiha dok se ne čuje što kaj od te dva bode ponudil. Si znamo da so naši međimorski esdepeovci bili jako srditi kaj je sam Dragica Zgrebecova bila na listi za sabornike, a čuda je naših levih političarov melo željo sedeti v Sabornici i greti si svoje ritica v saborskaj foteljaj. No, najbrž, kak so se ne mogli dospomenuti prinas doma v Međimorjo, tak je i Zoki napravil po svojemo. Je li mo bodo oni to ve vrnuli i je li vejč verjejo Zlatkeco, vreme bo pokazalo. Ne vreme nek izbori, a oni so ne preveč dauko i posle bomo se znali. Znate kak je to navek: posle bitke smo si generali! I ne sam generali nek spametni kak vrag!.Prosil bi lepo naše partijce nek si dobro pregrunatjo komo bodo glase dali kaj ne bodo pak odišli na krivo stran i potepli glase, kak je to šega med našaj političaraj. Ovak so ne v cukor-piksi, a unda, pak na leta, ne bodo niti vupali prek dravskoga mosta brez poziva.

Zmislim se kak je to zišlo dok so esdepeovci hitali vum z Partije svojega pajdaša i ministra Slaveka Liničovoga. Verjem da se i vi zmislite kak je tua utakmica knap završila: Glavni ili pak nejglavneši partiski odbor je zglasal i Slavek je odišel po riti k meši, kaj se Partije dotikavle. Pedesetjeden procent partijcov je bilo za to da se Slaveka hiti vum z Partije, a četrdesetdevet procentov je bilo da ostane. Ak sam dobro zapamtil one šteri so bili za Slaveka je vodil Zlatkec, a žnjim so bili i jegovi pajdaši z Reke. Ne znati je li se je kaj tu spremenilo i je li bode i ve tak knap? Je li ga vejč onih šterima je Zoki dobro napravil ili pak bodo prevagnoli oni šteri očejo kaj se nekaj spremeni? Kuliko se ve zna, i Zoki i Zlatkec imajo vejč od pol glasov. To bodo, brzčas, još jeni izbori gde bodo obedva pobedili.

Si znamo kak je naš župan Matek Posavcov pobedil na zadjim izborima!? Odišel je v Međugorje i dal se je v roke Marijici! Ona mo je pomogla i naše biračko telo je bilo na jegovoj strani. Tak nekak je napravil i naš rokometni izbornik i trener Željko Babičov. I jemo je Marijica z Međugorja pomogla kaj je došel do kolajne, makar bronaste, ali kolajna je kolajna i ne gledi se kak blešči. Po tomo navuku bode i precednik esdepeovci postal on šteri bode prvi v Međugorje došel. Najbrž bi i Zlatkec i Zoki nejrajši odišli v Međugorje, ali jim vjera ne dopušča. Oni najme verjejo da Božek i Marijica ne postojijo.

Najte mi, prosim vas lejpo, zameriti kaj sam vam zadjipot pozabil reči, kaj se maškorov i maskeraja dotikavle, kak se je moj sosed Tonča, šteri je edepeovec od glave do pete i neje zišel vum z Partije več četrdeset let otkak je nutri došel, zamaskeral v poštejaka. Dok je došel dimo z glavnoga maskenbala pofalil mi se je kak ga je nišči ne prepoznal!
Tonča vam je moj levi sosed, a moj desni sosed, i to tretji, je Pišta šteri si je kupil novoga auta. I to ne bilo kakšega, nek đipa i to Merđija. Črnoga, velikoga, a mortik i nejvekšega. Dok sam ga videl, ne sam se mogel prepoznati, a i ve vam nebrem reči kaj se je z menom pripetilo? Kak bilo da bilo, opče sam mo ne jalen!

Pajdaši postojijo zato kaj se jeni od drugih vučijo i kaj jeni drugima pomažejo. Tak je i pes nejbolši čovekov pajdaš, tak bat ljudi velijo jerbo je pesa nišči o tomo ne nikaj pital, ali se i od jega moremo nekaj navčiti. Na Valentinovo vjutro, dok sam z vnukima pobiral kolačeke štere so ftičeki po grunto posejali, naš pes Floki je išel v snoboke, očem reči, odišel je nekaj pošepetnoti sosedovoj kusici Fifici. A kaj bom vam rekel, ja sam ne vupal oditi do sosede Barike, nekaj joj toploga reči ili pak friškoga klinčeka porinuti v jeno vazico štero furt ima na bločeco. A kaj bom vam rekel, z Barikom ne da smo si dobri nek jako dobri, kaj nem rekel, nejbolši. Malo me je Floki posramil, ali se toplo nadjam da ga je soseda Barika ne vidla dok se z Fificom spominal.

Za negdašjo ministrico, a ve potprecednico Sabora, Milanko Opačič, se kajkaj toga pripovedalo i pripoveda. Si so se složili da je fajna ( i moj pajdaš, šteri navija za hadeze, je priznal) i da jo je lepo videti. Kaj se jenoga posla i jene politike dotikavle tu so ne ruon si bili istoga mišlenja, ali si znamo da ona ima rada peseke i to ne one velike nek ove male i navek si jenoga pelja sobom. Ak ona ima rada peseke unda nebre biti huda.
Si znamo gde je Nedelišče. Negda so Čakovčanci prepovedali kak je Nedelišče poznato po tomo kaj se črez jega ide v Čakovec, a posle so Nedeliščanci vrnoli Čakovcčancima jerbo se črez Nedelišče išlo za Zagreb. Otkak je napravleni autoban se se je spremenilo i več je niti jeno, a niti drugo ne čistam točno. No, Nedeliščanci so se pobrigali kaj oni nekaj značijo na gospodarskoj karti Međimorja i ne hodajo sam v Čakovec na posel nek imajo čuda poduzeči, a još več obrtnikov. Kaj se ne bodemo za Aton i gimnastičare spominali jerbo so v temo nejbolši v Lepoj našoj, a za Nedelišče znajo si od Rusije, Kine, Australije, pak se do Brazila, seposot kud Filip Ude jaše svojega koja. Nedeliščanci so negda bili na glaso po dilerima droge, kralo se je po kladionicaj, pljačkala se banka, ali najbrž so se popravili, ak je minuli tjeden došel v Nedelišče đekpot na loto i to nekaj malo meje od šest milijonov. Sima nam je poznato da sreča nigdar nejde tua de so si ljudi to ne zaslužili i ak so ve penezi došli v Nedelišče, a došli so, unda so si Nedeliščanci to i zaslužili. I ve mi rečite, prosim vas lejpo, kak mi Međimorci ve ne bodemo jalni Nedeliščancima?

Lepo je to, kaj lepo, jako lepo je to napisal naš glavni urednik, Dejan Zrna, kak se zakoni v Lepoj našoj pišejo sam za nas na Severo, očem reči, na kontinento. No, nej to ruon tak, pišejo se oni za celo Lejpo našo sam kaj jif naši sosedi na Jugo, štere mi od milja zovemo Dalmoši, ne čitajo i ne fermajo preveč. Najme kaj, naši inšpektori so navek vekši katoliki od Pape i za se kaj mi malo skrenemo z pravoga pota (čitaj: ne delamo ruon po zakono) nas štrofajo i to tak kaj se nam žepi smodijo. Kak da so plačeni po učinko. Naši Dalmoši isto tak imajo svoje inšpektore, ali oni vam nikaj ne bogajo, pak tam ljudi imajo sam jenoga života i tre čim bole i lepše preživeti i to, ak je kak muoči, na teret države. Pitajte naše inšpektore kakša je situacija dok dojdo k Dalmošima? Oni se napravijo kak i prinas, ali zapisnik se navek zgubi ili pak završi v zadji kištici, štera se otpira sako peto leto. Kak je i Dejan rekel, si trenerajo strogočo na nami na Severo, a ministri navek dohajajo z Juga. A nejso te ministri takši kaj bi reda vučili svoje, ne, oni peneze skupljajo na Severo, a pošiljajo ga na Jug jerbo mi smo na ovomo sveto za delati, a oni za uživati. Nikak se nebrem zmisliti komo je bole i lepše. Najgerek sam, jako sam najgerek je li bode tu mogel kaj Most napraviti???

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA