Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Moramo se dogovarjati, a ne sfaditi

21.12.2015 12:26

Jožek radnik

Piše: Jožek radnik

Nebrem nikak razmeti kaj ste zdigla tak velika halabuka kaj je naš župan, Matek Posavcov, rekel kak bo otpelal našo županijo na svoje ak nam jo bodo šteli zaprti i nas Međimorce denejo skup s Zagorcima i Podravcima. Pak ljudi moji, si mam skačemo v zrak kak da nas je nešči z šilom v rit fpičil i razburjali smo se kak da je to i napravil. Si znamo da je to ne muoči sam tak naprajti, pak jedva smo se 1919. leta vrnuli v Hrvaško, a ne kaj bi ve vum išli. Matek je sam štel reči kak mi Međimorci moramo meti svojo županijo, moramo biti svoji jerbo smo si mi to itekak zaslužili. Mi tuliko sega imamo, spametnimo smo, znamo i očemo delati tak da moremo čistam lefko biti na svojemo i ne nucamo tutore, očem reči, nekoga što nam bode komanderal. Još sam sam nekaj štel reči, si zvonci so zvonili i si so čuli da je to Matek rekel i nejso mogli k sebi dojti, a dok to velijo naši pajdaši z Istre kaj se ravnajo na svoje ili pak k sosedaj prek debele vode, unda je to čistom nekak normalno kaj bi oni to i naprajli, ali dok to mi Međimorci sam velimo mam se si čudijo kak picek glisti.

Isto tak nebrem razmeti kaj je to tak fest vužgalo Darkija Horvatovoga, prvoga i nejglavnešega međimorskoga hadezeovca kaj je svoje vječnike otpelal vum z večnice i to mam čim je župano zbajal kaj je to išel govorit, očem reči, kaj se išel borit za Međimorje i našo županijo. Kuliko vidimo i znamo, Županija je još navek tu i si skupa se moramo boriti kaj bode čim vejč penez dohajalo Zagreba v Čakoveci v Međimorje, a ne kaj bodemo mi tu jeni drugima, desni levima i nazaj, brojili krvna zrnca, sfadili se i grizli. Odnavek je poznato da dok smo se mi v Čakovco med sobom sfadili, ovi v belom Zagreb grado so se z nas (po skrivečki) norca delali i peneze pošiljali Dalmošima (čuda vejč) i Slavoncima (nekaj meje), a mi smo pobirali droptije pod stolom ministra za peneze.

Albert Ejnštajn je rekel: Sam so ljucka glupost i Svemir beskonačni, ali za Svemir sam ne stoprocentno siguren.

Ve si znamo i vidimo kuliko Most vredi i kak brez jega se stoji, očem reči, nikaj ne muoči stvoriti. Niti levi niti desni Mosto nikaj nebrejo jerbo ovi z Mosta očejo kaj bi se levi i desni na Mostu shajali i se tam rešavali, ali je brzčas Most premali za jene i druge i mesta ga je sam za jene. A za štere, to te ja pitam? Kuliko je več spomenki bilo z jene i druge strane Mosta, a na se zadje so se dospomenuli da bodo se pak zišli kaj se dospomenejo. To je ne bogzna kaj, ali je čuda vejč nek nikaj.

Američki političar Harington je rekel: Za politiko i političare so važne sam dve stvari: prvo so penezi, a drugo se nebrem zmisliti!

Zazvedil sam da i mi Međimorci imamo koja za trko, očem reči, i mi imamo svojega fahmana za moste, a to je gospon Danijel Režek šteri je završil visoke škole i dobil diplome i viziperte kaj bode moste delal. Nekaj sam si gruntal kaj bi se mi Međimorci, kak Kneževina, prek Režekovoga mosta povezali z Dubrovačkom republikom, ali ve nevupam jerbo mi je župan zel ono kaj mi je bilo na pameti i ve očejo jega sprajti z pameti, pak vam ja bodem odustal od toga. Ili pak bom počakal nekša bolša vremena. Makar se več na leta si spominajo o tomo kak tre spojiti zelenoga severa (čitaj: Međimorje) i plavoga juga (čitaj: Dubrovnik), ali brzčas je još tua ideja ne čistom zrela, očem reči, još je zelena. Najte to nikomo reči, prosim vas lepo, kaj nem i ja išel na kvartelj v Remetinec.

Dok mi furt gledimo v Most i molimo Božeka nek pomore Božijo kaj si čim predi zbere kompanjone, na drugoj strani nam sosedi Janezi mečejo pikečega drota na mejo i očejo Deželo odvojiti od nas Međimorcov, a i naših sosedov Hrvatov. Teca Franca je ne mogla dojti k sebi dok je to zazvedila sam je stiha, onak sebi v brado rekla: najbrž so jiv nekši hudi vetri obleteli. Brzčas je moralo tak biti. Nikak nebrem razmeti kaj so oni kanili z tem pikečim drotom naprajti? Ak bode pikeči drot na zelenoj meji izbjeglice bodo išle po cesti. Pak so i vekše države od Dežele ne mogle tomo dojti na kraj, a ne kaj bi to mogla Dežela, štera je kak gracki kotar i Evropi. To se mora rešiti negdi drugdi, najbrž v Briselo! A mortik so meli preveč pikečega drota pak sose ga šteli rešiti. Ali morem vam reči da zgledi kak novi. I kaj se je pripetilo? Bunijo se Janezi, bunimo se i mi Međimorci, a nejbole se buni živad štera ne razme te ljucke gluposti jerbo je navek išla kam je štela i nikšega drota ga tu nigdar ne bilo. Što bode to objasnil srnaj, jelenaj, zajcaj, pesaj, mačkaj da so i tu v šumi nekše meje kakši ga nigdar tu ne bilo. Njebole se bunijo lovci šteri se brigajo za to divjo živad. Nekak si gruntam kaj nej bilo dobro kaj bi lovci zeli toga problema v svoje roke, očem reči, puške v roke i na mejo jerbo bi pak došlo do svaje kak je to bilo pred par let dok so Janezi, pre Svetomo Martino i Središčo, iskali mejo na Muri. A kaj bodo ve naprajli moji brežni pajdaši šteri so se ruon tu de je ve pikeči drot shajali, i to na leta, z Špelom i Mojcom? Pak ne bode valjda politika vništila to dugoletno međonarodno ljubezen?

Bil sam vam minuli tjeden v našemo Središčo na Muri i v oko so mi pali nazivi vulici šteri so napisani na zelenaj tablaj. Morem reči da so lepo napisani, ali zakaj na zelenaj? Znuom, bodete mi rekli da je Međimorje naše lepo malo i zeleno i z cvetičem ograjeno, ali zelena je najbrž ne naša farba. Jega dosti drugi farbi. Mortik čistam krivo gruntam, ali takše zelene ploče sam videl v Sarajevo posle otkak so cugle vlasti v roke zeli Muslimani i restirali našo bračo Hrvate i istočne sosede Srbe.

Negdi je žena čula ili pak prečitala da je saka promena posla počinek i dok dojdem z posla mam me čaka usisivač, pralo, metla ili pak motika, zobače, štiherica… I unda nejvečpot dojde do svaje jerbo nebrem se niti ja restrgati. Ve vidite kakše nevole je donesel Internet v našo hižo i ak bodete vidli na cesti nekšega skaramboleranoga Interneta unda bodete mam znali da mi je prekipelo i da sam ga hitil vum z hiže.

Zabadaf televizija, zabadaf Internet jerbo mi ljudi kajkaj toga neznamo. Tak niti Buzovčari ne znajo da jiv sosed Ivek Šoltičov doma sadi i da mo na grunto rastejo sakefele kokoši i to od onih malih i cifrastih, pak se do velikih štere jedva v lonec zidejo. Zazvedili smo da so slavonske kokoši vekše od naših međimorskih, a to je najbrž zbogradi toga kaj so Slavonci odnavek vejč jeli od nas tak da so oni, za obed, zmazali jeno kokoš, a i mi Međimorci jedno sam je jiv bila prek kilo žmehkeša i vekša. No, to kaj so oni vejč jeli to smo mi dostigli pre pijači i tam smo se zglihali. Ne znam kakši je Ivek pre pijači, ali kokoši so mo cifraste, lepe i gizdave, ak ne verjete meni dojdite pogledati sako odvečer dok jiv on na pašo dopela.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA