Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Mlinar ne za drugo kaj ga skopil

12.08.2013 08:55

Jožek radnik

Piše: Jožek radnik

Minulo je čakosko glavno proščeje Prcinkulovo. Pater Stanko čakoski župnik, dekan i međimorski gvardjan je obslužaval 354. proščeje, a čakoski turistički težaki so meli svoje, stopram, 49. Prcinkulovo. Tu smo mam zazvedili da so se turistički težaki čuda kesneše hapili ili pak so čuda kesneše zazvedili za Marijico Kraljico Anđela. Pak smo niti nej mogli preveč očekivati od turističkih težakov vu ona, kak se to veli, olovna vremena 1964. leta da je proščeje v Čakovco došlo z cirkve vum na v ulice. Pitate me kak sam to zazvedil da se to pripetilo? Kaj kak sam, sam od 2013 oduzel 49, pak je to ne tak teško. No, idemo mi na proščeje , a statistiko bodemo prepustili profesoro Kapuno jemo to ide čuda bole nego meni. Morem vam reči da je proščeje bilo jako lepo, kak ono v cirkvi, tak i ono na vulici. Najbrž mi je čakoski gradonačelnik stiha pošepetnul da bode patra Stankija zel za savjetnika Gordano Vrbanco i Ivani Maltar jerbo on ima tak čuda spametnih predlogov i kaj se turistov v Čakovco dotikavle, tak da bi bil veliki greh ne to skoristiti dok je još gvardjan tu. Furt si nekaj gruntam kak so to bila lepa dva proščeja, i dragi Božek je bil zadovolen tak da je i vreme bilo lepo, ne sam lepo nek i vroče, ali je ne curelo. Probajte si ve pregruntati, skupa z menom, kakše bi to proščeje bilo da so se ta dva proščeja skupa obslužavala?

Nejveč je, ipak, bilo ljudi v četrtek navečer da je Jelena Rozga došla k nam popevat. Od teh vsih ljudi pol jiv je ne niti poslušalo Jelico, ali so došli na gvirc, langoše, gemišt ili pivo. Morem vam reči da se je tijam do našega grunta čulo Jeličino popevaje i to tak jako kaj mi se mama žalila da so joj kokoši prestale nesti. Ne bi se štel mešati, ali mami se mora veruvati. Spominal sam se posle z Jelicom i pital sam jo kaj joj je nejlepše v Čakovco? Kaj iz topa mi je otpovedala: gradonačelnik! I joj se mora veruvati!

Na drugoj strani Čakovca pak nam je popeval Duško Lokin.. Čim sam čul da nam on dohaja moral sam ga iti pogledati kak zgledi. I morem vam reči isto kak i pred 40 let. Jedino je ne tak fleten i neje skočil doli z pozornice. Frizura mo je ista kak i 1974. leta da je popeval pre Svetomo Roko, mogel bi reči da se je niti ne počesal od unda. I niti jedno sero las nema. Kak sam jalen tomo čoveko, kak je on lefko preživel svoje živleje i nikše je ne mel stresove. Ak je do ve ne mel unda mo nek tak lepo i dale bode. Prosil sam ga nek mi pokloni flance za frizuro i obečal mi je. A on je navek bil čovek od reči. Pitajte bar žene!

Nebrem veruvati da kukurikač i minster za zdraviče v Zokijovoj vladi, gospon Rajko Ostojič, krade i vara doktore i medicinske sestrice. Još bi razmel da krade i doktore, a vara sestrice, ali ne on krade i vara i jedne i druge. Vsi znamo da nam je zdraviče nejvažneše na sveto, a doktori, sestrice i minister se svadijo dok mi betežni čakamo na red. Bode videl minister kak mo bode vgaslo v pipi dok bode jempot zbetežal pak ga doktori i sestrice zemejo pod svoje. Unda bode mam zazvedil kakši je to posel šteroga kak minister (e moj, Rajko) neće ve pošteno platiti. Znuom da je ne lefko niti ministro, ali mora se nekaj dospomenuti ak nečemo meti betežne ljude. Brzčas se čudite kaj se ja v to mešam? Pak kak se nam, včera sam počel nekaj kašljati, gemišti mi smetajo, a i žena se buni, tak da se pomalem ravnam k doktoro. Pozabil sam bam reči da se mi nekak pomalem zdiže. Dobro ste me skužili, na tlak sam mislil.

Malo, malo naši policaji po cestaj nemajo kaj delati jerbo se mi vsi pelamo kak Božek zapoveda, pak jim unda načelnik Kruno zmisli nekšo akcijo Alkohol. Morem vam reči da smo se na zadjoj takšoj akciji minuloga meseca fest obrukali. Nejveč je napuhal mladi Priločanec i to meje od dva promila. Gde je to od ne tak zdavnja da so te rekordi bili prek tri, pak i bliže štiri promila? Prosim vas lepo, kakši je to rekord ispod dva. Trebali so ga poslati nazaj tua gde je bil i nek se još malo dotanka. Pak se bodo ovi v Zagrebo smijali z nas Međimorcov. Mi tulikše gorice imamo, pune lagve vina, a spijemo tak malo. Nekaj je brzčas ne vredo z nami. Moral bi nešči tem mladima reči da ak očejo dostiči nas stareše da za to morajo furt trenerati, a ne sam kaj dojdejo na utakmice. Z takšim pristupom bodo ispali z ekipe, a policajima bodo zeli posla.

Mlinar ne za drugo kaj ga skopil, več se mo je tretji melin ftopil. Verjem da vam je poznata ta naša stara i lejpa međimorska pesma. A ona mi je napamet pala da sam zazvedil kak se ftopil melin na Muri pre Svetomo Martino, očem reči, v Žabniko. Nej znati gde je mlinar bil i gde je (i čijo) sneho žegetal, a Mura kak je več to globoka voda je, makar je i suša, ona je škrmljala i hitila Melina na kolena. Morem vam reči da je to bilo nekak vu isto vreme, dok je mlinar hital sneho na kolena ili jo je poleguval, Mura je to isto naprajla z melinom. Tulikša leta smo toga Melina delali i lišpali, a ve nam se je prek noči ftopil. Rekli bodete da je tak i z snehom, štero je mlinar na leta nagovarjal, ali ona se posle nasmijala, poravnala si je fortoga, pobrala gačke i zadovoljna odišla dimo. A Kaj bo ve z melinom? Pozabil sam da je tu načelnik Francek šteri je več fljučnul v roke i ne bode čuda vode preteklo prek melina i on bode znova delal. No, da se razmimo, ali z novim mlinarom, šteromo bode sam melin na pameti, a ne i ljucke snehe.

V onomo minulomo tjedno smo se oprostili od negdašjega čakoskoga gradonačelnika Brankija Šalamona, šteroga je smrt našla na dužnosti precednika Grackoga vječa. Vsi so rekli, a i ja se žnjimi slažem, bil je dober čovek i nekaj meje od dvajsti let je bil bil v čakoski i međimorski politiki. Najbrž je ne bilo lepo kaj je nišči od glavnih partijacov ne došel na sprevod. Došel je jedino zagrebečki gradonačelnik Milan Bandić. Istina božek, neje se ftegnul prebleči, pak je došel v belaj hlačaj, ali je ipak došel, makar se je nišči od negdašjih jegovih partijskih pajdašov ne štel žnjim spominati. Vsa sreča kaj si je župan z svojim zamjenikom zel cajta, pak so ga malo zastajli v Čakovco i neje mam odišel nazaj v beli Zagreb grad. Dnevi Prcinkulovoga, a za gosta so gracki oci ne meli cajta'

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA