Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Leto v Zrinskomo grado

21.07.2014 12:32

Jožek radnik

Piše: Jožek radnik

Leto dni je minulo otkak smo v Evropi kaj god to značilo. Kak da smo predi ne bili? Još predi nek so nas pustili nutri sam govoril kak oni nucajo nas, a ne mi jiv. A da je to tak pokazala nam je istina da mi još dendenes več plačamo jim nek oni nam. A što je za to kriv? Oni velijo da mi, a mi z prstom kažemo na jiv i mašemo z projektlinima za štere nam nečejo dati peneze. A oni v Briselo furt kažejo na nas i gombajo kak se slabo kcoj držimo. A oni naše peneze žmulijo kak da so jivi. Furt sam govoril: prosim vas lepo, pak komo bi mi z Hrvaške bili tak lepi i dobri kaj bi nam svoje peneze dal onak gešenk? Vidite pravica se fletno skazala. Ne sam da nam nedajo svoje nek nam nečejo dati niti naše, nek se žnjimi gavalerijo pred drugim državama, štere isto tak čakajo na poceko Evrope, kaj jim te „dobri ljudi“otprejo vrata, obečajo jim još več nek nam i pustijo jiv nutri. A dok dojdo včasi bodo vidli kam so došli. Ali to ti je isto tak kak da se oženiš: dok zazvediš kam si došel več ti je prekesno jerbo so ti več prstena naheznuli na roko. Tak se i mi furt nadjamo da bodemo jempot dobili sve naše paneze nazaj. No, znate da to nigdar ne bode, pak nam je ne Evropa dala zabadav svojo zastavo kaj slobodno mašemo žnjom i kaj ne moramo kazati pasoša dok jempot zidemo vum z Lejpe naše. A to košta. I zato tulikše peneze pošiljamo v Brisel. Za nas i naše ljude, žene, đake, študente more sfaliti, ali Evropa je odnavek, još od Austro-Ugarske, na prvomo mesto.

V Evropi so nam lepo rekli kak mi Hrvati (a to vredi i za nas Međimorce) moramo poštuvati vse one šteri po našoj zemli hodajo i v njoj se gavalerijo: Srbe, Mađare, Muslimane, Bosance, Makedonce, Janeze, Čehe, Slovake, Švabe, Ruse, Ukrajinke, Bugare, Šiptare, Kineze, Japance, Talijane, Crnogorce, Rome…, a onima šteri so prinas na kvarteljo i na jaslaj jim so nikaj ne rekli. I tak moremo mi na leta čakati kaj bodo nas oni počeli poštuvati ak je jim nišči nikaj ne rekel. Niti to evropsko cvetje ne cvete za vse jednako, a niti pak jednako ne deši!

Uspel sam zazvediti kakši je to bil šok za Brazil i Brazilce dok so zgubili od Švabov 7:1. Mi to nebremo razmeti jerbo so Brazilci zmislili labodoritanje i tam prek trinajst milijonov dečkov i puci nagaja labodo. Ve dok sam vam to rekel ve vam je malo bistreše. Posle te labodoritaške sramote so i brazilski majmuni v prašumi ne dva dni banane jeli. Neso jim pasale. A znate zakaj so ne jeli? Zato kaj so majmuni. Jerbo labodoritanje je, pravzapraf samo igra. Dok so zgubili od Niskozemske 3:0 već je to bilo čistam normalno. I majmuni so se prifčili. A prosim vas lepo, što bi to mogel v Brazilo sam tak strpeti da se zna da jim je država v krizi kak i naša, ak ne i bole, a potrošili so cirka, okoli dvanajst milijardi dolarov za mesec dni labodoritanja. Pitate se kak bodo dugo to plačali. Navek i nigdar ne bodo splatili, kak i mi v Hrvaškoj naše dvorane i naše Svecko prvenstvo v rokometo, štero je bilo prinas pred pet let.

Dok je bilo labodoritaško prvenstvo v Brazilo prinas se je igralo svecko prvenstvo za puce. I to ruon na ovomo našemo hataro, od Zgreba prek Dugoga Sela, Čakovca, pak do Koprivnice. Prinas v Međimorjo je vse to lepo minulo jerbo je dirigencko palico mel v roki zamjenik župana Zoran Vidović, a dok on neka zeme v roke unda to vse dela kak švicarska vurica i to ona stareše generacije štera je bila z rokom delana. Vsaka čast Zokijo i jegovoj ekipe, vsi so z Čakovca i Međimorja odišli zadovoljni, a i obečali so da bodo znova došli jerbo je prinas raj zemaljski. Štel sam vam pravzaprav reči da so svecke prvakinje postale rokometašice z Južne Koreje, štere so pobedile vse svoje protivnike makar so bile v nejmenše na prvenstvo. Nejbolša igračica na sveto je velika samo 163 centimetra, (kak Leo Messi), a nišči joj je ne mogel doseći do nosa jerbo je pokazala veliko brzino, snalažljivost, a bila je i nejbolši tehničar. Verjem da bodo to naše žene zele v pamet da je ne vse vu veličini i da mali i tehničari, isto tak, morejo biti nejbolši na sveto, jerbo ovi kaj so mele same velike (Angola, Kongo) te so osvojili zadja mesta.

Naš novi minister za zdraviče Siniša Varga ne zna niti hrvaški govoriti, a hrvaški je minister. Makar je to priznal na spovedi, v Saboro, pred potprecednicom Dragicom Zgrebec i makar se je gospon-drug Siniša rodil v Kanadi ipak se je trebal navčiti govoriti ak je štel biti minister. Pak je na leta bil ravnatel Hrvaškoga zavoda za zdraviče. Ali kak zgledi tam je ne moral znati hrvaški. Ne znati, mortik je mel prevoditelja? Vsejeno, još jen šteri nas je prevel žene prek vode! A mi porezni obvezniki smo sam tiho i plačamo!

Neje ruom lepo, ali pak se moramo, i to znova, spominati kaj je nejvekše zlo za naše mlade? Je li je to pijača ili pak droga? A tu nešči zna dete kcoj i venodjanje. Kuliko vidimo ipak je droga nejvekše zlo jerbo se za drogeranje nejkesneše zazvedi jerbo vsi to skrivlejo kak maček dreka. Nejvečpot roditeli zadji zazvedijo (kak i mož dok si žena privošči drugoga) da jim je dete zagunulo v drogo, a to je nejvečpot prekesno. Znamo da deca hodajo v komune, da se jezere i jezere kuni trošijo za to, ali čim zide vum dileri ga znova najdejo i tua leta lečenja so pravzapraf zabadav potrošena. Z pijačom je malo drugač. Isto tak počne v šestomo-sedmomo razredo, predi se vidi, ali i duže traje. To je nevola, očem reči, vuteska, štero je isto tak teško zfondati. Ak mene pitate, ipak je nejbole da se nam deca bavijo z športom, onda nemajo čas za te gluposti ili nevole kak so alkohol i droga, a posle se morejo i venodjati, jerbo posledice se morejo videti nejraneše za devet meseci ak ne i predi. Ali i tak ga preveč mesta vu vrtecaj, štere smo več zazidali.

Leto v Grado Zrinskih je dovleklo v Čakovec beogradskoga benda SARSA. Čuda je došlo mladih, a još vejč jako mladih, očem reči, premladih, šteri so plesali i hupsali dok so jim naši sosedi z istoka igrali. I naš Stari grad je zdržal vsa ta stepanja i potrese. Fala Miklošo Zrinskomo kaj je to tak dobro zazidal. No, to je još ne vse: mladima je ne bilo dosti kaj so mogli poslušati i plesati nek so se morali i zbiti vu dvoriščo Staroga grada. Nebre biti dober koncertlin ak se malo i ne pokefajo. Beograđani igrajo, jeni plešejo, drugi se bijejo, a policaji nikaj ne znajo ili pak v krej gledijo. Ne znati kaj velijo starci čije dete dojde dimo z koncertlina z plavim okom ili pak z frugom na glavi?

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA