Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Labodoritanje, kruh z sedem kori

13.07.2015 11:47

Jožek radnik

Piše: Jožek radnik

Ne znati je li so došli cajti kaj bode prinas v Lepoj našoj vsaka rit došla na šekret ili pak je tu nekaj čistam drugo v pitanjo. Najme kaj, to pitam ja vas, a i spituvlem sam sebe posle ovoga vsega kaj se pripetilo našim labodoritaškim težakima Zoranu Mamičo, trenero Dinama i jegovomo brato Zdravkijo, šteri je več na leta, vedril i oblačil po hrvaškomo labodoritaškom nebo. Vsi si mi gruntamo kak je labodoritanje kruh brez motike, a vsi oni šteri ga jejo i služijo prepovedajo kak je to kruh z sedem kori i kak ga je jako teško zamesiti, još teži speči, a nejteži jesti. Mi se navek spominamo sam za one šteri so na vrho, očem reči, za falaček sante leda, štera se vidi ober morja. A ono kaj je v morjo to nišči ne vidi, a te falat dela nejvekše nevole. Najbrž so i ovi naši inšpektori i šekutori v Uskoko ruon tak gruntali, pak so si zeli cajta mesec dni kaj se na svojemo tereno (čitaj: v Remetinco) pospominajo z Mamičima, izvršnim direktorom Labodoritaškoga saveza Damirom Vrbanovičom i poreznikom Milanom Pernarom. Gruntal sam si, pak zakaj je tu poreznik, pak je on ne labodoritaš i preveč se ne razme v labodoritanje, no, posle sam čul da navija za Dinamovce i redovito je hodal na tekme i posle kak so Bed Blu Bojsi spraznili svoje severne tribine i tak je postal sumnjiv. Dok sam si malo bole pregruntal, pak jim je ve Milan jako dobro došel, očem reči, on je četrti tak da imajo kompo oliti kvoruma za kartati belota. Nekak mi se čudno držite, ali kaj ste nigdar ne vidli da se ljudi kartajo prek rešetki? Oni se kartajo, a stražar jim piše kaj se ne bi posvadili. Morajo i oni nekaj delati jerbo so ne na ispitivanjo cele dneve.

Jeni prepovedajo da so Mamiči lopovi, drugi jif branijo, ali vreme bo pokazalo što so i kaj so pravzaprav Mamiči. Morem vam reči i da ovi naši klošari pre čakoski gracki vuri, šteri vse znajo nejbole od vsih, da se niti oni nebrejo složiti i oni još navek slažejo kockice v svojemo mozaiko šteri se zove: Mamiči poštejaki! No, najgerek sam je li bodo te modre labodoritaške riti ipak došle na šekret ili pak bode vse zišlo tak kak je to bilo z zagrebečkim grackim načelnikom Milanom Bandičom, šteroga so otpelali od hiže v nedelo navečer, a dok do ga pretepli v Remetinco pustili so ga dimo i dale hercuje, očem reči, vedri i oblači v belom Zagreb grado kak da se je nikaj ne pripetilo. Posle toga smo meli labodoritaškoga mafijoza, tak so bar rekli, v Zadro, Rene Sinovčiča i on je bil nesnaga tak dugo dok so ga otpelali. Stepali so se bregi, a na vse zadje skotil se je miš, šteroga več denes nišči nebre nigdi najti.

Kak zgledi nekši hasen bode od toga urlaba Mamičov v Remetinco jerbo se Bed Blu Bojsi ravnajo nazaj v Maksimir i ve jim je kak as na desetko došla prva tekma v novomo prvenstvo kaj Dinamovci igrajo z Hajdukovcima. Najgerek sam kak bode to vse zišlo jerbo se Hajdukova Torcida ravna na tekmo v Zagreb tak da bi se tu moglo ziti čuda publike, mortik vejč nek so Dinamovci, z Mamičima, meli celo minulo prvenstvo. Neje to vse, jerbo so se več BBB i Torcida dosti dugo ne zbili, ali ne bi štel kaj bi znova vse počelo po staromo jerbo bi unda zišlo na to da je stareši Mamič mel prav da je svoje BBB stiral z igrališča, a Torcido je prebiral. Vsi znamo da je labodoritanje nejvažneša stvar na sveto, posle politike, i verjem da i tu jempot mora vse dojti na svoje mesto, očem reči, kaj bodo znova labodoritaši nagajali labodo zbogradi publike, a ne radi izvršnoga direktora.

Nesam dokraja vpučeni pak ne znam je li glavni hrvaški rešt v Remetinco ima max tv za vse šteri so nutri ili pak si je to shodil Ivo Sanaderov sam za sebe jerbo sam tak bi Mamiči, Vrbanovič i Pernar mogli v nedelo drukati za svoje liblinge na tekmi protiv Beli ftiči z Splita. Ako pak to nemajo v Remetinco, mogel bi Mamičov kum i naš nejbolši trener vsih cajtov, Čiro Blaževič, dati nekšo donacijo kaj malo zdigne standarda v rešto za svojega kuma i jegovih pajdašov. A vsi znamo da je Čiro navek bil široke roke i velikoga srca dok je trelo. Ali, imate praf, kak za koga jerbo je
Sinovčič ne bil te sreče.

Kaj smo mi Međimorci dali Evropi za ove dve minule leti otkak je Lejpa naša tam za sneho, a kaj je to tua ista Evropa dala nam - to te ja pitam? Mi smo joj dali našo deco, očem reči, naše študente šteri so završili visoke škole na prvomo kato našega Međimorskoga Veleučilišta. Najme kaj, dok se naši študenti vse navčijo i kaj nekaj znajo unda odidejo vum, očem reči, v Evropo i tam delajo za druge. Znuom, bodete rekli da oni dimo nosijo oere. To je pravzaprav tak sam bi bil čuda vekši hasen da prinas delajo i da ono kaj prinas napravijo prodamo v Evropo ili pak i nekam dale. Oni bi i prinas unda isto služili sam bi mi vsi skupa meli čuda vekšega hasna. I ne bi nam bilo žal oni penez štere smo potrošili na našo deco dok smo jiv školali. Ve vidite, mi smo Evropi dali deco, i to ono nejbolšo, a oni nam davlejo posla. Najgerek sam gda se to bode itak spremenilo?

Našoj Županiji i našemo župano ne cvetejo rože jerbo furt falijo penezi za vse ono kaj se oče ili pak kaj se mora naprajti. Neje to nikaj novoga, tak je bilo i dok je Ivek Perhočov držal cugle županiske vlasti vu svojim malim, ali žilavim rokama. No, nekaj se je tu spremenilo, pak se je Županija hitila v strošek jerbo je, kak se to veli, po sili zakona, morala župano povečati plačo. I to za, brojkama i slovima, 16 kuni. Kakši mi je to zakon kaj se tu postavlja na zadje noge za pišljivi 16 kuni? I još nekaj: što itak piše te naše zakone kaj se dotikavle plači za te lokalne političare, očem reči, dužnosnike, šteri gledi v tajer oliti točneše rečeno, v žepe županiskih dužnosnika, ali za načelnike ili pak gradonačelnike se niti ne briga. A vsi znamo da so i te nejmenši lokalni dužnosniki črleni pod kožom i oni si isto tak znajo vrezati boto i to hajdipot čuda vekšo nek so si zaslužili. Ak je zakon, a jeje, unda nek bode za vse jednaki. To je unda pravica.

Ne znati kaj se je to ipak pripetilo vu tomo našemo Muzejo kaj so težaki z nožom išli na svojega ravnatelja? Nebrem nikak k sebi dojti kak so to itak falingo našli ravnateljo kaj so ga šteli sfondati? Ljudi moji, kaj očete bolšega posla od ovoga v Muzejo: delaš kuliko moreš, nigdar se ne moraš vroći vode napiti, nigdar ne delaš po dežđo, snego ili pak sunco, a plačica ti lejpo dojde čim se mesec na kalendaro obrne. Kakše so to itak hude coprnice obletele Nikico i Štefa ili pak je puhal južni veter, kaj so šteli zeti pravdo vu svoje roke i ravnatela Vladija zeti pod svoje i vuha mo obrezati. Kuliko sam mel za čuti, pak jim je Vlado ne skinul stimulacijo, niti jim je zmenšal plače, jedino kaj se je tu moglo pripetiti da se je naš čakoski pozoj, šteri spi pod starim gradom, zbudil i dečke natiral kaj so te hucvutarije išli delat. Drugač nikak je to ne moglo biti, a noža pak so našli v etno zbirki Međimorske koline!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA