Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Kuliko kavici Tihi sme spiti???!!!

06.06.2016 10:21

Jožek radnik

Piše: Jožek radnik

Naš precednik Vlade Tihi Tim Oreškovič počel je se probleme Lejpe naše rešavati za stolom za šterim se pije kavica. Nam Međimorcaj je to jako čudno i nejde nam nikak v glavo jerbo prinas so problemi za stolom dok se pije graševina i to ne predi dok četrti liter ne dojde na stol. No, kak bilo da bilo Tihi si je zebral kavice i to nejpredi kavica z precednicom Kolindom, unda kavica z prvim potprecednikom Vlade, Tomekom, a unda i z drugim potprecednikom Božijom i dok je ne nekaj kak tre unda nastrada kavica okoli štere se vodijo spominki od ve do ve. Ne znati je li Tihi zna kuliko se sega zvenodjalo i kuliko je sam dece napravleno posle poziva na kavo? Nebrem reči, ali Tihomo te kavice idejo od roke sam ne znati kak bode dugo to trajalo i je li mo ne bode nešterna kavica naškodila?

Ne znati je li ste čuli kak je pajdaš Štef zišel z kavicami? Došel vam je Štef k doktoro i počel se spovedati: - Gospon doktor, moram vam spripovedati kaj mi se je pripetilo zadji pet-šest meseci, a unda vas bodem pital kaj me prafzapraf muoči. Počelo je pred pet- šest meseci dok sem jednoga dneva došel malo raneše z posla i našel sam svojo ženo Štefo, štero imam jako rad, v posteli z kumom Tončom. Moram vam reči da mi je mam opal mrak na oči i letel sam v lovačko shižo po kuburo, ali me je kum zastavil i prosil me je nek se zmirim i da je ne ruon se tak kak sem videl. Mi smo se počeli spominati, a žena je skuhala kavico. I tak reč po reč kum mi je lepo objasnil kak je i zakaj došel v mojo posteljo k moji Štefi. Morem vam reči da sam se zmiril i se je bilo vredo jeno mesec dni dok sam pak ne mojo ženico Štefo našel z mojim nejbolšim pajdašom Francom v onoj istoj našoj postelji. Ne moram vam niti govoriti da mi se je črez kratek čas kubura našla v roki, ali me je pajdaš Franc zastavil, zmiril, posel za stol, a ženica je skuhala kavico. Kavica i spominek so naprajli svoje tak da sam kuburo pospravil nazaj v kaslin i rezišli smo kak pravi pajdaši. Na se zadje smo i zapopevali. Neje čuda cajta minulo i našel sam mojega kartaškoga pajdaša Drageca v postelji pre moji ženici Štefi. Ne moram vam niti govoriti da mi je kubura bila v roki predi nek sam nekaj pital i predi nek so se moja žena Štefa i pajdaš Dragec ftegnuli obleči. Dragec je skočil onak v radni opravi v kakšoj je bil na poslo pre moji Štefi, zgrabil mi je roko z kuburom i prosil me je nek se zmirim i sednem se za stol, a mojo ženo Štefo je prosil nek skuha kavico. Verjem da ste več pogunuli kak mi je Dragec se lepo pojasnil i da je on tu nikaj ne kriv, ali me je prosil nek se nikaj ne srdim jerbo je to bilo jakše od jega. Doktor je poslušal se te huncvutarije kaj so se pripetile Štefo i kak je več ne mel cajta prosil ga je nek mo zapraf reče kaj ga muoči. Štef je mam otpovedal: - Gospon doktor, prosim vas lejpo, rečite mi, ali po istini, kuliko kavi smem ja još spiti?

Verjem da ste razmeli zakaj sam vam spepovedal ovo pričo o Štefo i jegovoj Štefi? Najgerek sam, jako sam najgerek, je li i naš Tihi ne bode pretiral z temi kavami?

Ne znati kak bode prešel prvi potprecednik Vlade, Tomek Karamarko, očem reči, je li bode preživel? Najme kaj, nišči je još nikaj ne rekel da bi svojega glasa dal za jega, a saki den ga se vejč oni šteri pripovedajo kak bodo protiv jega. Mosta ne bode nikak prešel jerbo je ne platil mostarino, a isto tak mora paziti kaj si hlače ne strga dok bode plazil prek Živoga zida, a moglo bi se pripetiti da i padne z Hridi, ak mo Ivek Vrdoljakov i jegovi narodnjaki ne podržijo lojtro. I unda bo nešči rekel kak je lefko biti političar? Navečer odideš spat kak potprecednik, i to prvi, a v jutro se zbudiš kak posilni ili kak naši sosedi Dalmoši velijo, mali od kužine. Čuda je oni kaj so se glavneše stvari naprajli prek noči, a još je več oni šterima je noč odnesla skorom se. Navek je noč mela čudnu moč, makar i pun mesec sveti.

Nikak nebrem razmeti kaj se si svadijo okoli toga kurikuluma. Pak deca so hodala v školo i predi, a hodajo i ve i moramo priznati da se nekaj nafčijo jerbo so spametneša od druge dece v Evropi. Da je ne tak ne bi ovi z Evrope zvali našo deco k jim delat. I još nekaj, pak nas v Lepoj našoj je prek štiri milijone i ve se nišči drugi nikaj ne razme v te kurikulum jedino Boris Jokič? Najte me krivo razmeti, ali to nemre biti tak. Imamo mi još hajdi spametni ljudi!

Verjem da ste čuli kak Nemci z Dojčlanda iščejo prek šestojezeri težakov. To je jif problem, ali ne znati zakaj gledijo, očem reči, zakaj so jim oči vprte v Lejpo našo, pak prinas ga sam cirka okoli tristojezeri brez posla?

Kakši smo itak mi ljudi kaj furt pripovedamo kak je v Lepoj našoj se črno, a precednica nam je plava?

Glavni labodoritaški trener v Lepoj našoj, Tonček Čačičov, je dopelal naše nejbolše labodoritaše v naš Sveti Martin kaj si napunijo baterije za Evropsko labodoritaško prvenstvo štero drugi tjeden počne vu Francuskoj. Čuda je Međimorcov došlo glet naše labodoritaše kak trenerajo i morem vam reči da so se dečki skazali, a isto tak i naši Svetomarčani z svojim načelnikom Francekom Makovcom. Pofalil mi se načelnik kak je se bilo još bolše nek so splanerali jerbo so i komarci z Mure doleteli do ograde i gledali so treneranje i nejso fpičili niti jenoga labodoritaša. Ne znati kak je Francek to uspel zrihtati, ali bilo je tak. A mortik so naši labodoritaši čuda fletneše drkali po igrališčo nek so komarci leteli? Kak bilo da bilo, labodoritaši so dobro prepravleni i nek nam brez želenciji ne hodajo dimo. Verjem da me je Tonček razmil dok sam mo o temo govoril?

Ne znati kaj je to z našom čakoskom političkom desnicom? Najme kaj, stopram je nekaj vejč od mesec dni minulo otkak je Neno Mekovec zasel vu vročo foteljo čakoskoga hadezeja i več je hitil puške v kuruzo i spraznil je foteljo. I veli onak kak si je pregruntal tak je i napravil! Najbrž je ne poslušal glas naroda, očem reči, glas Čakovčancov jerbo so se več navelikom spominali, skorom si okoli čakoske gracke vure, kak bi on bil čistam kreden gracki načelnik.

Na jednoj strani je odišel na cug šteri ne vozi nazaj, vodeči čakoski hadezeovec, a na drugoj strani prvi međimorski hadezeovec i minister v Tihoj Vladi, Darko Horvatov, je postal potprecednik hadezea. Se je to lepo i dobro, ali jena lastavica je nigdar ne mogla donesti prtuletje, pak ne bode brzčas niti ve. Očem reči, da je jena lastavica premalo kaj bi se dobili lokalni izbori.

Čuda je Međimorcov dobre duše i još širešega srca šteri volonterajo po sake fele udrugami. Jeni pomažejo okoli dece, drugi okoli starcov, betežnikov, tretji hranijo mačke i pese i kaj ne bodem dale nabrajal. I dok to delajo na leta unda dobijo od opčine, grada ili županije zahvalnico, priznanje ili pak kakšo želencijo. Tak je dok so v pitanjo obični smrtniki, a dok volonterajo načelniki opčini oni dobavlajo zahvalnico saki mesec. I to v penezi. I ne tak malo. No, a kaj se čudimo, pak nigdar ga ne bilo pravice niti med cvetjem, a kaj nebom ljude spominjal!? I nigdar je niti jeden cvet ne bil v sukobo interesa makar si rastejo v istom vrčako, pak je najbrž tak i v ovom našemo vrčako „Med dvemi vodami“.

Mi Međimorci nikak nebremo dojti na zeleno kito z novim ministrom za zdraviče Dariom Nakičem, a furt gruntamo kak bi došli v jegovo cukor-pikso kaj bi on nam dal ono kaj mi iščemo, očem reči, ono kaj nas pripada. Verjem da so mo naš župan, Matek Posavcov, isto tak i Alen Kajmovičov, kak novi precednik Upravnoga veča bolnice, kaj naše doktore nebom spominjal, da smo si mi Međimorci sami zazidali bolnice i da ne kanimo unda hodati doktore nagajat na ljucke hatare. Ak pak se z ministrom Nakičom ne bomo mogli nikaj dospomenuti unda nek se ne čudi kaj se bomo znova počeli, mi kak Kneževina Međimorje, spominati z Dubrovačkom Republikom o reformama i to ne o odvajanjo nek o spajanjo. Tuliko let smo tu na našemo hataro, došli smo i predi od Hrvatov i malo, malo pak moramo znova iskati mesto pod suncom. Nebre to tak, sunčece mo presvetlo!

Minoli so Dnevi grada na severo Čakovca. Bilo je hajdi toga lepoga, očem reči, jeno lepše od drugoga, ali je tu bilo tak čuda sega kaj je čovek niti na peciklino ne ftegnol se obletati. Fešte na severo so minule, a drugi tjeden so na redo ovi na čakoskomo Jugo. Najme kaj, na Jugo se obslužavle proščeje svetomo Tončeko, patrono južne čakoske cirkve i župe. Sa je sreča kaj je tak fletno došlo južno proščeje kaj ovi z Juga ne bodo bajali gradonačelniko, a posebno zamjeniko Medvedo, šteri je z Juga, da Jug nigdar ne spada v Čakovec dok se fešta.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA