Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Kam plava zidarski brod?

20.07.2015 11:09

Jožek radnik

Piše: Jožek radnik

Vreme je urlaba pak se vsi nekam giblejo. Mi z kraja giblemo prema debeloj vodi i Dalmošima, a oni pak dohajajo k nam v sadovjake i gorice. Oni jako dobro znajo da je po temaj velikaj vručinaj nejleži magdaiti v pelnici polek punoga lagviča oliti kupičke. Tak vam se je k meni dotepel moj dalmoški letni pajdaš Šime z Omiša i čim smo na stol deli naše domače dobrote i finote, natočili kupico pušipela, mam so i Mamiči došli na stol. Veli Šime moj da so Uskoki zaprli Mamiče kak bi navabili dalmoško biračko telo, kaj bi oni vidli da so "kukurikači" poštejaki kakših je još ne bilo na ovom falačko kugle zemaljske, očem reči, kakših je još ne bilo v Lepoj našoj. Nesam mo znal kaj na to reči. A mortik bi se mogel z te Šimeove mele jesti kakši-takši kruh jerbo je on Hajdukovec i nejso mo Mamiči všeč, a najbrž se oni (čitaj: Hajdukovci) nadjajo da bi i oni mogli biti, več jempot, labodoritaški prvaki Lejpe naše ak uspejo Zdravkija Mamiča vugnuti fkrej od labodoritaške labode i socov. Ne znati kaj bodo za Mamiče rekli zagrebečki purgeri čije je peneze troši (tak bar velijo uskoki), a stopram Lalovcovi poreznjaki šterima je ne daval jivoga frtalja? Što zna kaj bode z toga cirkusa zišlo? Vsi šteri so dopelani v remetinečki rešt so i vum zišli sam je bokček Ivek Sanaderov furt nutri. No, ali je nišči niti od jega ne zel nikše peneze i mesto da bi vrnul kaj je zel, mi porezni obvezniki mo još i kvartelja (čitaj: hrano i posteljo) plačamo v Remetinco, očem reči, još nam stroške dela, a odjega ga ne nikšega hasna.

Naši čakoski klošari, šteri se shajajo okoli čakoske gracke vure, se slažejo da so Mamiči krivi jerbo je Dinamo nejmeje deset let zaredom bil labodoritaški prvak Lejpe naše kaj je ne vredo jerbo se ne igra naše prvenstvo sam zbogradi Dinama.

Zakaj se srpski političari furt bunijo? Oni bi šteli kaj bi i denes bilo onak kak je negda, predi zadjega rata, bilo. Tak je napriliko v sisačko železaro negda hodalo na posel četrnajst jezeri težakov, a žnjimi je kormanilo, niti vejč niti meje, nek tridestitri direktorov. Od vsih direktorov, tridestidva so bili Srbi, a jeden je bil Makedonec, a kuliko sam uspel za zazvediti i jemo je žena bila Srbije. I kaj se unda čudimo kaj so se oni 1991. leta zdigli na zadje noge da se to hapilo mejati. Kaj je nejhujše, denes ga nega niti železare, niti težakov, a niti direktorov!

Prometni minister Siniša Hajdaš Dončič je pred kraj svojega mandata predložil kaj bi se zagrebečki aerodrom vu Velikoj Gorici prekstil i kaj bi mo dali ime po Franceko Tuđmano i to sam zato jerbo je Francek bil Zagorec i partizan. Ak si je on to tak pregruntal i ak Francek nema nikše druge zasluge v Lepoj našoj, unda je čuda bole da Franceko dajo trga v Zagrebo, šteroga ve ima jegov zemljak, a isto tak Zagorec i partizan, Jožek Broz Tito.

Več si hajdig dugo gruntam zakaj itak ovi z Osterajha vozijo k nam v Čakovec prat zmazanoga veša? Pak jim je ne faleše da ga operejo pre sebi doma, nek da zmazanoga vozijo v Čakovec, čistoga nazaj v Beč, a foriga je draga? Ak je to tak čisti posel unda bi bilo nekak čistam normalno da to delajo pre sebi doma! Verjem da vu toj veš kuhji mora biti nekši vrag šteroga mi ne poznamo i zato oni to delajo prinas v Čakovco? Neje mi vrag dal mira, pak sam odišel pitat mojo nejstarešo teco Franco kaj ona itak misli o temo? Rekla mi je: Tonček, nej mi, prosim te lepo, nikaj zameriti, ali o temo ti nikaj ne bi znala reči. A dok teca Franca nekaj ne zna unda je v pitanjo veliki i črni vrag!

Kaj vse mi ljudi moremo doživeti od naše državne birokracije, nebrem drugač reči nek birokracije, jerbo kak smo zazvedili, državna birokracija je ponudila labodoritaško igrališče skupa z slačionicaj i parkingom v Zebanco za oranje i sejanje poljoprivredniko, šteri se je javil na natječaj. Negda so na tom hataro bile grabe z vodom, a nutri so stanuvale žabe i rasla je trstina i šaš, a unda so labodoritaši, skupa z publikom, to vse zavozili i porihtali igrališče. No, tridesti let fletno mine i to tak fletno kaj ovi v državni birokraciji nebrejo zazvediti kakšo zemlo gde imajo i kaj je gori. Kaj je preveč preveč je, a kaj je preveč je niti z kruhom ne dobro!

Čakoski gracki načelnik si je podsukal rukave i prijel se je posla kaj se Vanovca dotikavle jerbo je nakanil završiti školsko šporcko dvorano za štero je več fondoš napravleni i postavleni. Kak se gracka kasa ne puni onak kak bi trelo, gradonačelnik, Štef Kovačov, bode zel zajma i to si je ne zebral onoga v kunama, nek mo je čuda povoljneši on v oerima. Neje bilo tak zdavnja dok so zajmi vu švicarskaj frankaj bili nejpovoljneši, a posle je vrag (čitaj: Švicarci) došel po svoje. Kaj se zajmov dotikavle tre jako paziti jerbo ak čovek (čitaj: gradonačelnik) tu sfuša mogel bi oditi po riti k meši.

I druga naša zidarska fabrika, Međimorje graditeljstvo, je odišlo v predstečajno nagodbo, tak da si nekaj gruntam što bode itak prinas v Međimorjo zidal ak nam bode nekaj trelo? Znuom, rekli bodete, pa ak je odišla fabrika po riti k meši, neso odišli zidari. I to je istina, sam što bo jif držal na kupo i što bo za te restepene meštre posla dobil? Pak ljudi moji, mi smo v Evropi, a tam ne moči posla dobiti prek pajdašije ili pak v krčmi, vse to mora biti po zakono i prek natječaja! Tak da ve ipak, na vse zadje, ne znam što bode itak zidal, što bode posla našel, što bode šefoval na gradiliščo, što bode pobiral vrhje, ali zato znuom komo bode sirotka ostala!

Minuli mesec je v Čakovco na grackomo labodoritaškomo igrališčo popeval Marko Perkovičov, z imenom i conom zvani Tomson, i pil je samo vodo, a of mesec nam je v Dragoslavec selo popeval Mladen Grdovič i pil je, ne bodete veruvali, sam bevando. Jako sam najgerek da nam bode nešči došel šteri bode, kak se to šika v Međimorjo, pil vino ili pak gemište. Najbrž bodo čakoski turistički težaki morali znova pozvati Črleno jabuko, pak bo jim unda Žera pokazal kak se živi (i pije) v Međimorjo.

Vsi znamo kakše nevole Grkljani imajo sami z sobom i kak Evropa nebre žnjim nikak dojti na kraj. Oni so, po što zna šteripot, pak bankroterali, nebrejo nikak zvezati kraj z krajom, ali so žilavi kak vrag i nikak se nečejo navčiti šparati ili pak kaj vrnejo ono kaj so si posodili i potrošili. Mortik bi bilo dobro kaj jim mi posodimo našega Brakeca Grčiča kaj jim on pomore jerbo on ima rešenja za vse situacije, a nekak i po prezimeno bi mogli reči da je jegov prajapek došel z Grčke.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA