Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Jeste Miga vidli???

29.09.2014 10:53

Jožek radnik

Piše: Jožek radnik

Nikak to nebrem razmeti kak je agnostik ili kak mi Međimorci velimo nezerenuš, Ivo Josipovič naručil mešo za naš Spomendan? Kak bi se on opče zmislil za mešo, a v cirkvo ne hoda i verje kak Božek ne postoji? Meša je bila i minulih 22 leti makar je nišči iz Zagreba to ne iskal, tak da je ne za veruvati da je Ivo iskal mešo, a neje bila v programo. No, mortik je i to istina, mortik precednik Ivek, posle Ludbrega, gde je bil na Sveti nedeli, čistam drugač gledi na cirkvo i Božeka. V denešje vreme se čuda retko događajo, ali se ipak događajo, pak je Ivek brzčas mel srečo v Ludbrego. A i naš Božek zna kaj dela. Ali, ak je tak, zakaj je unda zabranil molitvo?

Ivek je naručil mešo v Čakovco. Jako sam najgerek kak je to itak napravil? On šteri ne hoda k meši i ne dela stisko v cirkvi je naručil mešo? To vam je isto kak da ja dojdem na Glavni odbor SDP-e i iščem kaj bodem partijcima držal prodiko!!?

Z druge strane moram reči kaj je istina: Ivek je prvi agnostik (čitaj: nezerenuš) šteri je napunil Katoličkoga doma. No, ali neje on to napunil sam. Pomogli so mo branitelji, kak i 1991, leta gda so pomogli jugosoldatima kaj odidejo z Međimorja, kaj odidejo prek Drave, još i dale i to tak kaj so se nigdar ne vrnuli.

Oni kaj vse nejbole znajo navek se shajajo okoli čakoske gracke vure. Tak je bilo i minuli tjeden. Malo smo pretračali i našega međimorskoga Spomendena gde je bil i precednik Ivek. Rekli so mi da nikaj ne razmem i da je vse to bilo po onoj staroj pesmi još od naših Zrinskih: U boj, u boj, za novi mandat moj! Pak zato je i Ivek došel!

Na Spomendnevo v Katoličkomo domoje govoril je, kak se i šika, matek Posavec, naš međimorski župan. Lepo je rekel vsima šteri so bili tam, a i onima šteri so čitali ili čuli, kak je Međimorje nejmenša, ali nejbolša i nejbogateša županija, županija marljivih i vrednih ljudi, šteri furt delajo i vse sami morejo. Najte me nikaj čudno gledati, da sam ne bil tam niti ja ne bi znal!

To kaj so političari hitili molitvo vum z programa proslave našega međimorskoga Spomendneva na 17. septembra gda smo zadji pod (???) oslobodili Međimorje od mrskoga neprijatelja je ne resrdilo čakoskoga župnika i međimorskoga gvardjana, patra Željkija, nek je on, pred par dni, dopelal pedeset bogoslovi i pet-šest fratrov tak da so oni vsi skupa, pred zidom z slikami naših poginulih i nestalih branitelja, zmolili za jiv v miro Božjemo brez buke, galame i brez političarov. Nišči jim je ne branil. Dušice branitelov i Lejpa naša so ipak došli na svoje, pak si nek Ivek misli kaj god oče!

Za 23. obletnico naši međimorski braniteli-avijatičari dobili so spomenika na Prislaskomo aedromo i to niti vejč niti meje nego MIG-a 21. Trebamo se vsima zafaliti šteri so pomogli kaj i mi v Međimorjo imamo svojega reoplana, jerbo takši so nas plašili i raketerali pred 23. leti i uspeli smo jim zbeči i z našaj malaj avijonekaj pomoči kaj smo oslobodili, nejpredi Međimorje malo, a posle i Lejpo našo. Kak je i župan Matek Posavcov rekel, nejveč je okoli toga MIG-a skakal jegov zamjenik, Zoki Vidović, a čuda so pomogli braniteli i međimorski jakši gospodarstveniki. Dok denemo glave skupa unda smo Međimorci nejjakši. Tak je bilo i 1991. MIG je tu, ak ste ga ne vidli morete ga videti vsaki den. Naši međimorski železni meštri so ga dobro zašvasali i tak da naš minister obrane Tonček Kotromanovič, šteri je potpisal putnoga naloga MIG-o za Međimorje, more biti siguren da mo te MIG ne bode opal kak mo je on za Den pobjede. Em, imamo dobre pilote, em, so ga međimorski železni meštri prepustili črez šake.

Minister Branko Grčić je otpiral šporcko dvoranu vu Svetomo Đurđo, štera se je delala pre preveč dugo i što zna je li bi bila i denes gotova da so se naši međimorski meštri ne prijeli posla i da je načelnik Anđelko ne zel stvari vu svoje roke. Brankec nam je na otvorejo lejpo rekel da bi se za
ono milijardo kuni štera je potrošena za šporcko dvorano Arena v Splito mogle naprajti 100 takši dvorani kak je ova pre Jurjo. Pozabil je reči da bi se za one peneze (nekaj vejč od milijarde), štere so ministri i jivi pomočniki i zamjeniki, lani potrošili vejč nek so jim saborniki, prek državnoga proračuna odobrili, bi se moglo, isto tak, zazidati još sto takši dvorani. Da bi mi v Lepoj našoj šparali dok imamo, a ne dok nemamo (kak moja žena) unda bi zazidali tuliko dvorani kaj bi jif meli za izvoz.

Pred nekaj vejč od dva tjedne smo meli priliko zazvediti kak je Čakovčanec Davorček zgubil familijarnoga mira jerbo mo je črvek sumnje počel rovariti o temo kak ga jegova ženica Irenčika vara, kaj bi rekli, kurva se. I tak dugo je ne mel mira dok jo je ne našel z mlajšim, brzčas i močnešim, Tomekom. I zel je pravicu vu svoje roke, a čistam slučajno mo se v rokaj našel pajser. Ne moram vam niti govoriti kak je posle toga zgledal Tomek, a kak jegov auto. Razmem kaj je pajser bil glavni v spominko z Tomekom, ali kaj mo je auto bil kriv? A Irenčiko je preskočil. Najbrž još navek računa na jo? No, to je još ne vse kaj se zna pripetiti vu tem nočnim odnošajima med ljudima i ženami. Žalil mi se pajdaš Tonča kak je našel svojo ljubavnico z ljubavnikom, šteri mo je, kak je unda zazvedil, konkureral i kratil vreme jegovoj pajdašici dok je jega čakala. Neje mi nikaj štel reči kak je to na vse zadje zišlo, ali posle toga vse gosteše Tonča viđuvlem na šanko pre Juliki. Nigdar čovek ne zna gde ga kakša nevola čaka.

Zdavnja je to bilo da sam hodal v pučko školo, još v minulom jezeroletjo, i tam so nas unda vučili (ak se dobro zmislim v tretjem razredo) kak nam voda kruži v priprodi. Nejpredi ide dežđ, unda sveti sonce, para se zdiguvle v zrak i od te pare znova ide dežđ. Vse je to lepo i dobro i vse smo to mi lepo razmeli, ali ovo leto je čuda več dežđa palo z oblakov nek je ftegnulo pare oditi v zrak. Je li se tu nekaj pošemerilo v prirodi, v zrako ili pak so ovi gori prešli na umjetno proizvodnjo dežđa? Najme kaj, kuliko je ovo leto palo prinas dežđa tuliko smo ga ne dobili na leta. Verjem da nam bodo znanstveniki rekli kak je do toga došlo, a jako sam najgerek kam bode itak odišla tua vodo štero smo spumpali (i još navek pumpamo i nosimo) vum z pelnici. Ak bode tua voda pak odišla v zrak unda se dežđov ne bodemo tak fletno rešili. Najbrž bi nam tu čuda mogel pomoči profesor Baltazar, pak bi prosil kaj bi naš župan, skupa z svojimi suradniki, čim predi odišel do profesora kaj nas dežđ i voda ne bi pak, prek noči, zalijala.

Na leta je Trnava ne mela vodo i ve je voda jempot došla, a kanali so ne navčeni i čistam je normalno da voda teče tam gde ima placa. Ak bi to ovoletošjo vodo v Trnavi preračunali na deset let unda bi dobili da je, čre to vreme, v Trnavi, u prosjeko, bilo vode niti do kolena. To je te prosjek šteri jednima davle, a drugima jemle. Po tomo prosjeko vam i ja imam deset kvadrati vikendice na moro. Tak so mi bar zračunali, ali ovi v gruntovnici nikaj ne znajo o tomo.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA