Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Ivo, nej me krivo razmeti, ali nebremo ti veruvati

29.12.2014 10:13

Jožek radnik

Piše: Jožek radnik

Ivo Josipovičov nam je lepo obečal, i to znova, kak nikaj ne bode menjal vu svojemo poslo ako ga znova zberemo za precednika. Čim so izbori poranjkali na vrata i prešli prek poceka, mam se je vsega zmislil kak je nikaj ne delal, a i nikaj je ne napravil. A ruon zato je i nikaj ne sfušal. Pet let mo je trelo kaj spregledne i kaj mo se rezbistri kaj bi itak trelo Lepoj našoj i kaj bi on mogel tu nekaj pomoči. Zišel je vum z novim programom vu šteromo nam obečuvle kak nikaj ne bode menjal, ako ga, nedaj Božek, znova zberemo, kaj znači da i dale ne kani nikaj delati. I kak bode unda nam bole-to te ja pitam? Ve mo je Ustav vse kriv. Našel je na kaj se bode zvlačil i ve ga bo on menjal, a vsi znamo da to precednik nebre, kaj znači da nam Ivo pak hiče peska v oči. Vse vu vsemu, Ivo je pokazal kaj je znal, napravil je na pol meje od nikaj i vreme je kaj tu nekaj spremenimo. Ako me pravzapraf pitate, Kolinda mi je čuda lepša od Ivija!

Nekaj sam si gruntal o Ivijo i jegovih minulih pet let. To jegovo hercuvanje z Lepom našom kak precednika mi je čistam slično kak da se je on oženil pred pet let, a ve smo zazvedili, očem reči, sneha je priznala da je još navek cela, očem reči, neje niti načeta. Kak je rekla, Ivo se je sam vsako večer prepravlal kaj bode nekaj napravil, ali je nigdar ne fpičil v sredino makar je ona bila prepravlena. Rečite mi, prosim vas lepo, kak mo moremo veruvati da bode, posle tulikšega cajta, zel stvari v svoje roke i to tak kaj bode mladenka (čitaj: Lejpa naša) zadovoljna. Ono kaj se jempot zahuza, vu tem i takšem poslo, nigdar se nebre dostiči. Pitajte bar naše žene.

To kaj Ivo šteči od nas još jednoga mandata, a do ve se je ne znašel na poslo, me je znova zmislilo na ono pričo iz živleja kak je gazda fabrike dal svojega šofera kaj mo je vozil ženo kak se to veli v šoping. Jedno dopolne doleti žena v kancelarijo i preleti polek tajnice, štera jo je ne ftegnula zabrenzati jerbo se ne uleče v kancelarijo direktora i gazde brez najave. Kak bilo da bilo, žena vsa zbešena jedva se je zastajla pre šrajptišo svojega moža i onak v jenomo daho se požalila na šofera: Dragi, moraš otpustiti šofera, pak denes me je v grado skorom dvapot sfodal, očem reči, vmoril. Dlaka je falila! Mož jo je milo pogledal i to nejlepše i nejtopleše kaj je mogel i mirno rekel: - Ljubljena moja, nej takša biti, pak ti znaš kak dugo več Tonča prinas dela i zato mo moramo dati još jedno šanso. Kaj nebomo i mi tak naprajli, pak unda, skup z Ivijom, bankroteramo!

Nebrem veruvati kaj smo krivi dragomo Božeko i našemo, još navek, precedniko Ivijo kaj nas ovi jegovi šekutori pregajajo za vsako pesmo štero spopevlemo v krčmi ili pak negdi na zrako, v šumici, pod kostajom ili pak pod brajdami z starimi pajdaši. Najme kaj, ovi šekutori so nam furt za hrptom, hujši so od negdašje porezne šekucije, štera je vse znala kaj imate na grunto, v koco ili v štali. Ne sam da čovek nesme popevati, nek nesme niti poslušati i mam mora platit poreza ZAMP-o. Jako sam najgerek je li ovi ZAMP-ovi šekutori tak zobačijo peneze i po Dalmaciji, Istri kak i prinas ili pak se Dalmoši žjiv smejejo. Prinas v Međimorjo ako čovek, nedaj Božek i prdne po nekšim notama dečki so mam tu z čekom. A vse to nam je shodil dober čovek, šteri lepo govori i nikaj drugo ne dela, Ivo Josipović. Vsi znamo da se tu prek ZAMP-a nabere čuda penez ili kak je teca Franca rekla, prokleto čuda penez, a oni šteri pesme pišejo dobavlajo nekšo crkavico. Jako sam najgerek kak Ivo, te dober čovek, podeli te kupe penez, štere okoli nazobačijo jegovi težaki.

Minulo soboto, dva tjedne posle Svetoga Mikloša, v Čakovec je došel Ded Božičnjak. I to ne jeden nek tri. Posle se zazvedilo da so te tri Dedi bili čakoski gracki oci (Štef, Mario, Romano), a delili so deci, ljudima i ženama hot-doge. Neje minula vura, a več je podeljeno dve jezeri prepravlenih hot-dogova. Ne sam da je ne bilo dosti nek je i sfalilo, ali Dedi Božičnjaki so delili tak dugo dok so ne potrošili vse zalihe. Ak je sfalilo, a sfalilo je, znači da je kriza v Čakovco čuda globleša nek so to gracki oci zračunali. Ovi pre gracki vuri so se žalili jerbo so se ovi v grado preračunali, makar sam posle zazvedil da so ovi čuvari gracke vure išli tripot po svojo porcijo. Kriza je globoka, dosti je oni šteri vsaki den preskačejo zajtreka kak bi mogli skrpati za obed i večerjo jerbo i kontejneri se vse slabeše punijo, a te so se ve ne rivali k Dedima Božičnjakima jerbo jiv je bilo sram. Vsi znamo dok se tak nekaj deli dobavlajo sam oni prvi, jerbo sam što je prvi jegova je i puca. Minuli bodo te lepi dnevi Adventa, kak v Čakovco tak i vseposot drugdi, a posle novoga leta bode pak tre fljučnuti v šake i kruheka služit. Kuliko vidimo igrače ga vseposot dosti, ali kruh vsako malo sfali. Isto onak kak so sfalili i hot-dogi v minulo soboto. A jesti i živeti tre vsaki den.

Čakoski gracki načelnik Štef Kovač je pozval novinare na spominek za kraj leta kaj jim zafali za vse dobro kaj so za jega i Grad naprajli, a i kaj jif zašpota ak so negdi nekaj zahuzali. Na vse zadje je bil skupni zajtrek (i to tradicionalni, več drugipot) z šterim je zafremani kamen temeljac za dobro suradnjo v novomo leto, štero več čaka pred potnom lesom. Neje lefko niti Štefo v ove dneve: zajtrek z novinarima gablec z kujlturnjakima, obed z športašima, večerja z udrugom žena Kaljinka i unda je čistam normalno da je doma z familijom na dijeti ili bi si, vsaki tjeden, moral kupuvati vekšega, očem reči, dukšega remena.

Vsi znamo da je naš župan, Matek Posavcov, predstavnik nas Međimorcov i Međimorki kam god dojde, a kak smo vsi mi Međimorci poštejaki (ak nikak drugač nejde) unda on vseposot mora govoriti istino i samo istino. Ali ako se toga ne pridržavle unda mora to na spovedi pre gvardjano ili pak župniku reči. A kak je naš župan isto tak poštenjak kak i mi drugi Međimorci, unda vseposot govori kak mi imamo nejmenše, očem reči, nejnižeše plače vu celoj Lepoj našoj. Vsi mi znamo da penezi kvarijo ljude i zato tre delati preventivno, a to naši tajkuni, očem reči, gospodarstveniki furt delajo kaj ne bi posle bilo prekesno, pak bi nešči od nas završil v komuni, psihijatriji, a ak pak mo banka napiše uputnico unda bi mogel na seanso k doktoro Sanadero. Penez pravzapraf kvari ljude, ak ne verjete meni pitajte one šteri ga nemajo.

Župan prosi poduzetnike i tajkune kaj bi zdigli plače težakima, a dok to poslušam (vse vejčpot i vejčpot) na pamet mi je opal Ivek Goran Kovačić, naš hrvaški pjesnik, ali ne zbogradi stiske i prometnih štoplinov v jegovoj čakoskoj renoviranoj vulici, nek mi županove reči o vekšaj plačaj zgledijo kak: . vapaj utopljenika, glas molitve za spas.! Dej Božek da to ne bode tak završilo. Vidite kak je to: pjesnik popevle, kokoti kukuričejo, župan prosi, pesi lajajo, a karavana ide dale po svojemo poto i nikoga ne šmirglja niti pet posto.

Pred nami je Božić, svetek opraštanja, darivanja i ljubavi. Vsima Vama, kak i vsima Vašima želim srečnoga Božiča da ga sprovedete v miro i Božjemo blagoslovo!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA