Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

I braniteli so dobili ministra

21.03.2016 11:51

Jožek radnik

Piše: Jožek radnik

Najbrž se več nam nikaj motal okoli politike. Nikaj vam ja, dragi moji pajdaši i pajdašice, to ne razmem: nejpredi so si prepovedali kak je doktor Božo Petrov i jegov Most nekaj nejlepše i nejbolše kaj se je nam v Lepoj našoj moglo pripetiti, a minulo je stopram nekaj vejč od štiri mesece i več se spominajo kak bodo zrušili toga Mosta jerbo to žjimi nikak nejde. I ve nek tu čovek bode spameten. Nejpredi smo dali na mešo, i to popevano, kaj zafalimo našemo dragomo Božeko za Most, a ve pak se navelikom spominajo kak nam je Mosta ne sam dosti nek i prekpreveč. Ne bi vam znal reči je li je i Mostovcima dosta sega jebo je državna politika čistam nekaj drugo nek so oni mislili. Tak so mi bar rekli. Most je napravleni kaj bode spojil naše leve političare z desnima i to sam zato kaj ne bode med jimi preveč velika graba ili jarek, jerbo nam je sima poznato kak je tua graba bila tak velika kaj so se niti ne mogli spominati brez medija. Najme kaj, bili so saki den se dale jeni od drugi i unda je nekak bilo čistam normalno da se nebrejo nikaj dospomenuti. Kak bilo da bilo, prepoveda se na se strane, a nejglasneši so oni pre čakoski gracki vuri, kak bodo narodnjaki poslali svojo precednico Tesno (ili Vesno) Pusić v ropotarnico povjesti ak jo ne uspejo prodati (ili podvaliti) Ujedinjenim Narodima. To bi i ona štela, a na jeno mesto bodo zebrali Iveka Vrdoljaka, šteri je v „kukuriko“ Vladi zamenil Radomira Čačića dok je odišel na službeni pot v pulski rešt. Došel je stiha, ali se fletno rezmahal v svojemo poslo, a bil je i posilni pre Vesni tak da mo ona bode to vrnula tak kaj ga bode postajla za precednika Narodnjakov.

A dok več bode precednik unda bode se nagnul na desno i tam se bode zišel z hadezeovcima i pomogel bode jim kaj skupa zrušijo Mosta. Tak se to pripoveda i to se glasneše i glasneše, a si znamo di je je dim tam bode se, črez kratek čas, pojavil i ogej. Najte me krivo tazmeti, ali nikak nebrem razmeti te političare, furt jim nekaj ne paše, ali je dobro kaj bar znajo kaj očejo. A saki od jif oče kaj čim dale, čim više dojde i kaj bode čim glavneši kak bi mogel se shoditi za sebe. A kak se do toga more dojti to je ne ruon tak važno, ali čim jif je biračko telo zebralo dale je se lefko. Ne bode čuda vode preteklo pod trnavskim mostom i se se bode zazvedilo.
Na se zadje i braniteli so dobili svojega ministra. Neje to hadezeovec Milijan Brkić, kak je celi tjeden zgledalo jerbo se je gospono Brkićo to zamerilo predi nek se je sel v ministarsko foteljo, nek je to general Tomo Medved, šteri je i sam bil branitel. Žnjim so se i braniteli složili tak da bodo z generalom Medvedom odišli v ropotarnico povjesti i šatori z Savske vulice, isto onak kak je odišel i Fred Matić dofčerašji minister, šteri je se delal sam za sebe. Najme kaj, Fred je bil stoprocentni invalid, trajno nesposoben za se posle, a čim je postal minister, čim se sel v ministarsko foteljo mam mo je invalidnost prestala i sposobnost mo se vrnula. Ali ne tak fest i ne za stalno tak da je ne vrnul stana šteroga je dobil kak invalid. To je minulo, to je za nami, pozabili ga bomo, a ve si gledimo, a posebno braniteli, generala Medveda šteri mora mam fljučnuti v šake i početi reda delati med branitelima, kaj bo se znalo što je med jimi žito, a što pak kukolj. Neje to lefko, ali predi ne bode mira dok se to ne posloži.

Ipak so uspeli zmeniti direktora naše HTV-a Gorana Radmana. Drug Radman je čuda novinarov, težakov i urednikov zmenili za vreme svoje štiriletne (straho)vlade, ali so mo soze išle dok so mo rekli nek se spakera i nek foteljo ostavi novomo ravnateljo Siniši Kovačićo. Jemo so soze došle na oko, a kak stopram bode onima štere je on dopelal po rodbinskaj i drugaj vezaj, a ve bode i jim istekel mandat. Što je z kim došel i žnjim bode i odišel. Toplo se nadjam da bode več jempot tua naša televizija hrvatska i da jo bodo vodili naši ljudi, šteri se razmejo v posel, a ne dotepenci ili pak nekši drugi uhljebi (kak se to stručno ili pak politički veli) i kaj bodemo mogli na našoj televiziji gledati ono kaj je važno, a ne samono kaj so nam šteli pokazati i reči.

Novi ravnatelj televizije je mam pokazal da so cugle vlasti došle v prave roke, tak da bodemo ve i mi šteri plačamo pretplato Hrvackoj televiziji mogli gledati naše labodoritaše kak ričejo labodo, a ne da to bode sam privilegija onih šteri so si to posebno kupili. Ak se po jutro den pozna unda bi to mogel biti pravi posel. Dej Božek!

Međimorski hadeze je obilježil 26. let otkak je bil zafremani, a to so i preslavili v Centro za kulturo. Došel je precednik stranke, a žnjim je bil i prvi potprecenik Oreškovičove Vlade, Tomislav Karamarko. Morem vam reči da se je jako lejpo govorilo o našemo Međimorjo, a i o nam Međimorcaj, a posebno našaj ženaj, Međimorkaj. Kuliko sam mogel zazvediti, precenik i prvi potprecednik se jako štima z nami Međimorcima i prinas mo je jako lejpo. Nadjam se da bodemo i mi od toga meli nekšega hasna, a ne kak so bili bivši ministri i bivši premijer, šterima je, isto tak, prinas bilo jako lejpo i rado do došli k nam, ali smo mo od toga ne meli nikšega hasna. Hasna smo ne meli, ali strošek nam je ostal.

Predi nek je došel na fešto, potprecednik Vlade je bil na spominko z našim županom, Matekom Posavcom, i jegovim pomočnikima. Dospomenuli so se da bode Vlada pomogla kaj se napravijo škola i dvorana v Prislavci, dvorana pre pučki školi v Orehovici i završi Dom zdravja v Čakovco. Kaj reči? Za ovo leto dosti. A ceste i zaobilaznice bodo posle na redo. Kanalizacija ide dale kak je i splanerano, a isto tak i Stari grad. Z Karamarkijom je bil minister kulture Zlatko Hasanbegović, minister turizma Anton Kliman i minister poduzetništva i obrtnikov, naš Međimorec, Darko Horvat, šteri so se čuli kaj je Karamarko obečal, tak da mi znamo koga mora nagajati kaj nam to se obečano napravijo.
Karamarko je rekel i ovo: Nebrem razmeti čoveka šteri ne poštuvle mojo domovino, a još teži morem razmeti čoveka šteri ne poštuvle i nema rad svojo domovino!!!

Grad Čakovec, isto tak, ima svoj Obrovec, očem reči, napravleno je nekaj od čega ga ne nikšega hasna ili kak so teca Franca rekli. Penezi so hičeni v tibro. Najme kaj, ivanjski kukci na raskrižjo v Golobetki so se vgasnoli. Jeno pred osem let so čakoski gracki oci postajli lampaše na sunčane kolektore i to one menše (male kak štamprlini) i mam so svetili kak ivanski kukci, očem reči, čuda slabeše nek se obečuvalo. Ali slabo se vidlo sam po noči jerbo je po dnevo bilo čistam vredo. Kak i zgoreta žarulja. Ne znati kaj se je tu melo za pohabiti ak je od prvoga dneva nikaj ne bilo vredo? Najbrž bi trelo zafremati nekše poverenstvo štero bi zazvedilo ili pak zmerilo zakaj ve v Golobetki sunce čuda slabeše sveti nek negda, pred osem let, i unda bi brzčas znali zakaj se nikaj ne vidi. A unda so nam govorili kak je to čuda faleše, a i struja se nikaj ne troši. No, nejso nam mam rekli kak to ne bode preveč dugo trajalo i kaj bodemo, črez kratek čas, morali znova metati nove lampaše. Najgerek sam, jako sam najgerek je li bodo ve ti kandelaberi za ivanske kukce dobri i za ove prave žarule? Ili bode i to zišlo po onoj staroj engleskoj, očem reči, Englezi bi nam pak rekli: pak vam furt govorimo da nemate tak čuda penez kaj bi kupuvali fal lektriko.

Čakoski gracki oci posluju z gubičkom, očem reči, falijo penenzi v gracki kasi. Neje da oni preveč trošijo nek se premalo penez nazobači, očem reči, čakoski porezni obvezniki se preveč fkrej držijo i nikak nebrejo tuliko penez v kaso donesti kuliko se more potrošiti. Penez ga ne dosti, zajam se jemle, ali to nikaj ne smeta čakoskomo gradonačelniko kaj se malo otpela v Španjolsko i vidi je li tam sunce sveti jakše ili pak slabeše nek v Čakovco. Treba videti kak to delajo oni šteri so bliže sunco?
Nesam uspel zazvediti od da je pajdaš Tonča tak spameten, ali mi je fčera znova nekaj spametnoga rekel: Vidiš, pajdaš, kakša so ovo teška vremena v šterima mi živimo; prevelika kilaža je skorom sima problem, a to kaj ga pameti premalo to nikoga preveč ne sekera!

Kukurikači so još ne čistam do kraja dali z rok cugle vlasti. Tak bar velijo ovi v DORH-o i USKOK-o jerbo dok oni potpišejo primopredajo unda bode kraj mandata. Kuliko sam mel za čuti, premijer i nešterni ministri so ostajli nekše resline, nekše lukje, pak to tre zakrpati!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA