Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

I Zrinski je delal brez dozvole

25.07.2016 10:49

Jožek radnik

Piše: Jožek radnik

Verjem da ste čuli da je za novoga precednika hadezeovcov zebrani Plenkovič, a da so oni listeki na šterima je bil zaokruženi Andrej ne vredili. Ne znati je li je Andrej ne skupil dosti potpisov, ali nekaj je ne bilo vredo jerbo da je bilo se vredo bili bi se brojili listek sih onih šteri so došli glase davat. Ne znati komo je itak svojega glasa dal naš čakoski hadezeovec Leksi Makovcov, a to so mi ne mogli reči niti ovi pre čakoski gracki vuri šteri nejvečpot se znajo. Ali vam se moram potožiti, jer mi v zadje vreme, otkak gracke vure nedejo točno, očem reči, saka svoje vreme kaže, ovi moji klošari se meje znajo. Kak zgledi moral jif bodem gosteše navijavati i podmazivati.

Ne znati je li se je, ve več, precednik HaDeZeja Andej Plenkovič Plenki pospominal z našim, ve več negdašjim, precednikom čakoskoga grackoga hadezeja predi nek se je sel vu vročo hadezejovo foteljo? Jeni velijo je, a drugi velijo ne? Dosti dugo je bil v Čakovco predi izborov, večina mo je dala podršku, ali niti Andrej, a niti pak Neno nečejo nikaj priznati, stiha so kak ribe vu vodi. Kak bilo da bilo i međimorski hadezeovci so svoje glasi dali Plenkijo, tak da so ve svojega glasa ne dali krivomo.

Kuliko sam mel za čuti nejbole so se razveselili, dok je bil Plenki zebrani, Zoki Milanovič i jegovi stareši partijci. Zokija razmem jerbo mo je Plenski školski drug, skup so hodali v političke škole, ali ne razmem zakaj mo se partijci veselijo? A mortik so to oni šteri se podržavlejo kaj gazda Zoki veli?

Još navek kulturnomo ministro Zlatkeco Hasanbegovičo partizani spočitavlejo da je negda i negdi, pred nekaj vejč od dvajsti let, mel na glavi, jen kratek cajt, črno kapo z slovom U. Neje mo to mam bil tak veliki greh jerbo i drugi kajkaj toga nosijo po glavaj, nešterni so i premazani z sim maščama, ali je Zlatkec posle sfušal dok se je počel baviti z politikom. Da je on odišel med partijce, očem reči, partizane, jemo bi se bilo oproščene nek je fulal dok se je zapisal v nejvekšo i nejčudaljudnešo stranko v Lepoj našoj, a to je HaDeZe. Dok čovek jempot napravi tak velikoga greha to mo nebre oprosti niti biškup, niti papa, a niti pak cela partiska klapa. A unda na jega kažejo i si partiski sateliti. Idi Zlatkec idi, som si zbiral svojega pota ili kak bi dragi Božek rekel: idi sinek ide i nej več tak velike grehe delati.

V minulo nedelo se je znova na Muri v Doljnji Dobravi obiležilo to kak so Turčini, pred nekaj vejč od 350 let, sfondali Novoga Zrina šteroga je Mikloš Zrinski Čakoski zazidal na Muri kak Turčini ne bi mogli prejti v Međimorje, a i dale prema Bečo. Dostipot sam več bil na Muri i spominal se o Novomo Zrino, ali sam stopram ve zazvedil zakaj so Turčini prafzapraf sfondali to tvrđavo. Najme kaj, Mikloš Zrinski, kak je več prefrigani bil, je iskal građevinsko dozvolo za štale kak bi svojo marho obranil od vukov šteri so lojsali okoli i dobil jo je, a unda si je premislil pak je napravil tvrđavo z šterom bode se boril protiv „marhe“ z turbanaj na glavi. Kak zgledi da so več unda cinkaroši delali svojega posla, pak so za šako Judinih škuda pošepetujili kak Zrinski nema građevinsko dozvolo za takšo hižo kakšo je zazidal i natkril. Tak da ve sigurno znamo da je turska građevinska šekucija prafzapraf zrušila Novoga Zrina jerbo je Mikloš Zrinski ne mel za jega vredo građevinsko dozvolo. Ve vidite niti ga unda ne bilo pravice jerbo so Turčini ne meli vizo za dojti na te naš hatar, pak so ipak došli. Oni šteri so morali i tu reda držati so dremali pre Legrado kak i Francoski policaji na tekmi z Češkom dok so naši huligani hitali bengalke i lampaše v igrališče. Kak i denes, tak i negda je saki mel svojo pravico, a vredila je ona od jakšega.

Ve so v modi šetnice. Makar živimo v krizi si smo malo predebeli, ali ne zato kaj preveč jemo nek zato kaj se premalo trošimo, kak po dnevo tak i po noči. Po noči sam spimo mesto kaj bi se malo trošili, gibali nutri-vum i unda ne bi deca falila v zabavišto i v školami. Mortik sam to grdo rekel da smo predebeli, točneše je rečeno da smo malo preniski za svojo kilažo. No, denemo to na stran jerbo sam štel reči da bi bilo dobro kaj bi se ovi v Doljnji Dobravi malo obrnoli prema Muri, a ne kaj sam lišpajo i radi imajo Dravo., Bilo bi lepo da ve posle šetnice na Dravi napravijo šetnico do Novoga Zrina. Najme kaj, čuda je Dobročanov šteri so nigdar ne bili tam de se je negda šepuril Novi Zrin, a za nas Međimorce da i ne govorimo. To je još ne se jerbo ga i čuda stranjskih šteri bi šteli videti toga hatara de je Mikloš Zrinski napravil to tvrđavo. Nekaj si gruntam da bi tu i Mađari mogli nekaj pomoči, a i naša mačeha Evropa štera če duže dale se bole žmuli te naše peneze štere mi v Brisel pošiljamo i smišluvlje sake fele zgovore sam kaj nam jif ne pošle kaj bi si jif mi ponucali.

Nebodete veruvali, ali ovi dečki kaj pobirajo cestarine na našaj još ne otplačenaj cestaj fkajuvlejo i to na velikom. Najme kaj, dopelal sam se to naplatne hižice i dal sam ceduljico, a na tabli je pisalo da sam dužen 97 kuni. Nesam mel drugo i dal sam dvjesto, a malo stareši več dosti srebrni striček mi je vrnul tri kune, zafalil je i poželel mi je srečnoga pota. Jen čas sam ga gledal, onak kak gledim ženo dok se sfadimo, a unda sam mo rekel da mi je premalo penez vrnul jerbo sam mo dal dvesto kuni. Neje niti z okom trepnul i otpovedal da je se vredo jerbo sam mo dal sam sto. No, i ja sam ostal pre svojemo. Dal mi je navuka nek zovem šekutore i da ga za hrmaka imam. Na se zadje sam se moral vugnuti jerbo so ovi za menom več navelikom trubentali i gombali kaj nem rekel da so mi spominjali mamiko i so ostalo bližo i daljnjo rodbino. I kaj sam mogel naprajti? Sam ono kaj je srebrni gospon znal: genul sam dale i oprostil sam se od sto kuni. A to so dva litri i dve vode pre Juliki. Očem vam reči kakša je to ve žetva na našaj autobanaj, kak fkajuvlejo stranjske šofere ak nam domačima tak brez srama zemejo sto kuni. Dok sam to pripovedal pajdašo i on mi je rekel da je one peneze kaj je dobil nazaj ne brojil sam jif je v žep na robači fteknul kaj ne bo delal stisko, a dok je posle brojil falilo je dvajsti kuni. Kakši je to kruh brez motike, a nemajo prijavlenoga obrta i ne plačajo poreza. Ne znati, mortik so to novi težaki, pak so morali dati deset jezer oerov za posel (kak se pripoveda da takši posel košta), pak se ve sam očejo to povrnuti. Kuliko vidimo seposot se plačamo mi mali ljudi, porezni i drugi obvezniki, ne sam zato kaj si nebremo pomoči nek i zato jerbo ga nas nejveč. I kak nado, naši i stranjski, gombali da so naši autobani predragi.

Mi Čakovčari i Međimorci se seposot falimo z našom decom štera so nejbolša v školaj, očem reči, šteri so dolikaši. I to se još i v novine napišemo. I unda se bodemo čudili da bodo ovi z Evrope došli po našo nejbolšo deco dok završijo visoke škole. Ve sam zazvedil de i kak ovi Evropljani zazvedijo za našo nejbolšo i nejspametnešo deco.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA