Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Habemus mandatar! Imamo ga!

04.01.2016 10:04

Jožek radnik

Piše: Jožek radnik

Nejso zabadaf v Banskim dvorima na Markovo trgo v belom Zagreb grado okinčilo božičnoga bora par dni ranešega nek je to šega bila sa druga leta jerbo se je pripetilo da je predi i mali Isusek donesel dare pod bor. Tak se je pripetilo da so i par dni predi pod cmrekom našli novoga mandatara i mam posle toga se je z rafonga Banskih dvorov pojavil beli dim. Čim se je to v pamet zelo mam je odehnulo pol biračkoga tela. I to ona desna polovica, a kaj se je čulo z levice to vam nebi rad povedal jerbo of novinski paper je ne dosti jaki kaj bi to se zdržal. To vam je tua naša demokracija. Ak je ne po mojemo, očem reči, onak kak sam si ja to gruntal unda so si lopovi, kriminalci i kaj nebom dale pripovedal. Morete si misliti kaj je se v te predbožične dneve bil Božo Petrov? Oni levi so na jega hitali drvje i kameje, a oni desni so ga falili kak je spameten i još bole kak je spametno napravil kaj si je zebral da se bode v ove štiri leti pred nami paril z Domovinskom koalicijom i skupa žnjimi hercuval v Lepoj našoj. Toplo se nadjam da bodo Tomek, Tihomir i Božo pokazali kak to pravzapraf zgledi dok Lejpa naša raste i kaj bodo to mogli videti si, a ne sam oni šteri so nam kazali meseca vu vodi.

Najgerek sam kak so se itak dospomenuli Tomek Karamarko vođa Domoljuba Lejpe naše i novi mandatar Tihomir Orešković, jerbo, kak nešterni pripovedajo, da Tomek ne zna engleski, a čuli smo da Tihi ne govori hrvacki? Najbrž so se dogovarjali na Mosto, pak je Božek pomagal!

Psihijater, očem reči, psihič Božek Petrov je mesec i pol mel dva političare v svojoj „političkoj ambulanti“ na obradi i na se zadje jim je dal dijagnoze: Tomek Karamarko – izlečeni, Zoki Milanovič – neizlečiv, zgubleni (beznadežan) slučaj. Znate kaj se je posle pripetilo, Tomek je ostal na Mosto, a Zoki se je poškliznol i opal z Mosta. Posle te dijagnoze je na svetlo dneva došla i istina da je te jegov beteg ne od fčera jerbo je još 2007. leta ne čestital Ivijo Sanadero na izbornoj pobjedi, a isto tak je ovo leto v januaro ne čestital dok je denešja hrvacka precednica Kolinda pobedila jegova liblinga Ivija Jusipoviča, a najbrž se niti Tomek ne bo fčakal kaj bi mo Zoki priznal da je zgubil. Kuliko vidimo Zoki je rođeni sam za pobjede, ali teško do jif dohaja, nekak mo pobjede nejleži ide od roke ( i ne sam od roke) na otoko Krko. A Lejpa naša je čuda vekša.

Kajkaj toga se je moglo čuti po Čakovco i Međimorjo našemo malomo v ovo vreme dok so se levi i desni, očem reči, levica i desnica špancerale po Mosto. Jen čas so jedni bili na Mosto, a drugi so poslušali pod Mostom kaj se ovi spominkuju, a posle so se zamenili. Čul sam vam jenoga dneva na jenoj od čakoskih zagretih terasi kak se malo stareša gospoda spominaju i to malo glasneše nek je red i na se zadje so se dospomenuli: da je Tito živ sredil bi on Božija Petrova i pokazal bi on jemo kaj je politika. Ne sam poznal ljude, ali po spomiko bi rekel da so to oni šteri još navek živijo v Jugi i još so ne niti dneva preživeli v Lepoj našoj. Verjem da je niti jim ne lefko, a nega jif niti tak malo. No, Lejpa naša je mlada pak se bode najbrž fčala kaj i te počnejo, več jempot posle dvajstipet let, živeti v joj.

Nemački spisatelj Johan Goete je lejpo, i to več zdavnja, rekel: Kulikopot v svojemo živlenjo zidemo čoveka komo smo nekaj naprajli, oliti pomogli, očem reči, nekaj nam je dužen i navek se toga zmislimo. Isto tak, još vejčpot, zidemo one ljude šteri so nam nekaj naprajli i šterima smo mi nekaj dužni i nigdar se toga ne zmislimo.

Furt me nekaj gvinta i črvek mi ne da mira: Je li to kaj ponavljamo laž štero je rekel (grado)načelnik, župan, minister, precednik, premijer, novinari ili bilo što drugi, isto tak laž??!!?

Zazvedil sam što mi je nejbolši prijatel. To je on šteroga saki den vidim v zrcalo. Još se je nigdar ne smejal i norca delal z mene dok so meni soze išle i dok sam bil tožen. I to je još ne se: nigdar mi se je ne norca delal dok sam se vjutro porezal dok sam se podrbrival. Kak žena!

Lejpo sam vam rekel da se čakoski gracki načelnik ne bode z menom složil kak Prilok ide čuda fletneše naprej i kak tam si imajo posla i da ima vejč jakših gospodarstvenikov. Mam se je oglasil i ve znamo kak se si od Čakovca morajo vučiti kak se nekaj tre delati, kak je on lepi, kak so dobri i lepi ljudi (posebno žene) i kak je v jemo lepo (i drago) živeti. Nebre biti kaj bi jeden grad, kak je napriliko Prilok, v šteromo cugle vlasti držijo hadezeovci mogel biti bolši i lepši od čakoske varoši v šteromo cugle vlasti (i to več na leta) trdo držijo esdepeovci. Nebre biti, morejo se Priločanci restrgati. I niti to jim nebo pomoglo kaj pod Prilok spadajo i Cirkovljane nejlepše i nejbole vređeno mesto ne sam na falačko zemle „med dvemi vodami“ nek i celoj v Lepoj našoj!

Čuli ste verjem ili pak prečitali kak je zišel Ivek Zvonkec Čičkov dok mo je naša nejlepša precednica, Kolinda Grabar Kitarovič, davala odlikovanje. Ivek je bil tak vesel i uzbuđeni kaj so mo, čim je odlikovanje spazil, opale hlače. Je, dobro ste čuli, dobro ste prečitali, pale so mo hlače pred precednicom. Kaj bom vam rekel, pozabil si je deti remena, hozintregeri so mo bili na pranjo, a oblekel si je svetešjo opravo, a to je bila ona dok je mel jeno deset kil vejč i ve so se hlače ne mele za kaj zahačiti. Sa je sreča kaj so Iveko pale sam hlače i kaj je Zvonkec mel gače na čičak jerbo je mogel ostati brez sega.

Zadje dneve furt poslušamo o nekšemo konsenzuso, pak si premišlavlem kaj je itak to. Odišel sam k sosedo Tončo, a jegov japa je negda bil mali selski birof i on mi je pojasnil. Rekel je: Mel sam ti jeno pajdašico, bila je jako fajna, frčna i za ponucati, dal sam joj stana i hrano, a ona mi je plačala v naturi, očem reči, z onim kaj je nejveč mela. A unda je vreme naprajlo svoje i konsenzus se je restepel jerbo sam ja več ne mogel, naplačivati kvartelja. Ve se znauom!

Pred nami je mlado i novo leto. Jeni drugima želemo kaj bode bolše nek je ovo štero broji zadje dneve, zadje vure, a pravzapraf očemo kaj bar ne bi bilo hujše. Ali političari nam obečuvlejo da bode bolše. Kak i navek. Oni obečuvlejo, a mi si sami moramo naprajti se ak očemo kaj nam bode tak kak to oni velijo. Kaj vam nek rečem: Nek vam dragi Božek da kaj bodete celo leto od smeha krepavali (to nema veze z politikom), v štacunu fal kupuvali, v špajzo rezerve (za saki slučaj) skrivali, zdraviča i veselja pune kufre meli, mira vu familiji celi, živeli gavalerski, pobožno i sveto…, srečno nek vam bo ovo mlado leto!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA