Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Dojdite na gvirc! Dojdite na 356. Prcinkulovo

03.08.2015 11:14

Jožek radnik

Piše: Jožek radnik

Kam itak plavajo te naš dobravski fljojsari, a žnjimi i naš međimorski čon - to vas ja pitam? Najme kaj, v Doljnjoj Dobravi se je v prvih šest meseci ovoga 2015. leta Božekovoga narodilo sam jedno jedino dete. I to v januaro, a posle nikaj. Suša. Narodila se je Eva, a kak se Dobrovčani držijo kcoj k tomo poslo predi bode Eva išla vu vrtec nek se bode narodil Adam. A kaj reči? Dobrvčani so furt negdi, nešterni so na Dravi, drugi so na Muri, a tretji v krčmaj ili pak na labodoritaškom igrališču, štrti pušejo, popevlejo, plešejo, sam nemajo čas kaj bi se malo šlajsali po kolomiji štera se je skrila med ženskimi nogami, a z štere vum dohajajo deca. Pak bar so opčinari mladi ljudi. Nek poglednejo čakoske gracke oce, dok so mladi zeli cugle vlasti v svoje roke mam se povečal broj dece tak da so i vrteci premali, pak so Čakovčanci dali posla i dadiljama. Mi Međimorci smo nigdar ne v tem poslo zaostajali, ali v zadje vreme smo se i mi zalenili. Zato pak nam je to tak kak nam je je, navek pobedimo dok ratuvlemo, a posle nas vsi pobedijo z pimpekima. Najgerek sam, jako sam najgerek, kak bode zišlo ovo naše Međimorje malo? Kaj bode od jega ostalo i što bode itak hercuval na ovomo našemo falačko zemle med dvemi vodami črez dvajsti, tridesti let? I na šteromo se bodo jeziko spominali?

Nebrem nikak razmeti kaj se tuliko praha zdiguvle okoli toga našega novoga kulturnoga ministra Berislava Šipuša? Meni je čistam nekak normalno da si je čovek malo vinčeka gutnul, očem reči, ak je Bero minister v Lepoj našoj, štera je na glaso v Evropi, a i po celom sveto, da ima jako dobra, ako ne i nejbolša vina, unda je stvar kulture da minister vu Vladi ne bode pil vodo. Bero, ne daj se, dobro vino krepi čoveka i po dobromo vino se pamet dobi. Furt to imaj na pameti, pak te ne bodo navek prijeli. Kam bi mi Međimorci došli da nej redovito potrošili vse ono kaj zraste po našim bregecima i grabicama, očem reči, goricama?

Kaj se furt štricamo i jeni drugima pod nos rivlemo to svetešjo parado za Den pobjede v Zagrebo? Ak je vse dopuščeno za Den antifašizma, a zakopali smo ga pre sedemdeset let, unda je čistam normalno da prefeštamo i Den pobjede od šteroga je minulo sam dvjsti let!!!

Verjem da vam je poznato kak so se Štrigovčanci, i jivi pajdaši, šteri so došli na proščeje, slikali na Mađerkinomo brego (makar je Mađerkina jačkica na čuda bolšemo glaso) za sliko stoletja, a posle so vsi skupa spili v istomo cajto i to na eks (nesam ftegno reči niti keks) jezerotridestičetiri gemištecov. To je, bar za ve, nejveč pijancov na jenomo kupo i to na sveto, a da so oni dvanaest za voglom ne pili pivo rekord bi bil i vekši. Nebrete veruvati da nešči na štrigoskomo hataro, v Rebusovoj opčini, pije pivo. Ali jega i takši jalnoši. Vi dobro znate da ga je v sakomo žito kukolja, pak tak i v štrigoskomo. To so oni šterima je pepel vništil gorice jerbo dok so delali v goricaj so se prefletno natankali, a prekesno streznili, tak da je vrag došel po svoje (po grozdje), a trsje jim je odišlo po riti k meši. A ve ftruc nečejo piti ljucko vino i nacejajo se z pivinski flaši kaj je teški, očem reči, smrtni greh vu ovoj našoj brežnoj opčini gde još od svetoga Oremoša grozdje raste, a vino se pije. Još so se stari Rimljani tu znali natankati, i to ne jempot, dok so cesto črez štrigoski hatar delali.

Pred nami je Prcinkulovo, glavno čakosko proščeje. Ve ne znam je li je to 51. kak velijo čakoski gracki oci i turistički težaki ili pak je to 356. kak velijo čakoski fra-patri, šteri ga več tak dugo obslužavlejo. Vsi znamo da je Prcinkulovo, očem reči, Marijica z anđelima došla v Čakovec i Međimorje skupa z fratrima, a jiv je Mikloš Zrinski dopelal pre 356. let, ali čakoski turistički težaki imajo svojo računico. Pak nebre vsaki šteri dojde v Čakovec početi brojiti dok je on došel, pak živeli so ljudi i predi. I obslužavli proščeja.

Pak so nam došla mamrela v čakosko glavno vulico za ovoletošje Prcinkulovo. Isto kak i lani, sam ga ovo leto nekaj vejč mamreli, a i plave so med jimi kaj ga lani ne bilo. Rekel je gradonačelnik da čaka vejč ljudi, pak so deli i vejč mamreli. Morem vam reči čim so postajli mamrele mam je počel dežđ iti i nebre se zastajti. Ne znati što tu i komo dela ftruc? A mamrele so postajli kaj bi bilo lepo vreme i kaj bi došli vsi oni šteri kanijo i kaj bi jif bilo vejč nek lani. No, nigdar se ne zna, proščeje je pred nami, pak se nadjam da tak i bode. Verjem da bodo vse te krčme, vse te pozornice, vsi ti štandi puni i da se bode potrošilo vse kaj je prepravleno. Isto se tak nadjam da bode i cirkva puna, da se bodo ljudi došli pomoliti i Marijici jerbo da ga ne je i jenoga godovna niti ovoga vsega nej bilo. Španceram se po Čakovco vjutro rano i to predi rane meše med temi štandi, šanki, stolci, stoli i pod mamrelaj i gruntam si: pak kud se bodo itak ljudi špancerali, pak je vsaki falaček gracki vulici več popujeni? Jako sam najgerek kud se bodejo te ljudi, tua deca, te mladi špancerali? Tu sam malo pretiral jerbo deca bodo tam de so ringišpili i lunaparki, mladi bodo, kak i navek, po parko, a sam stareši bodo delali stisko po glavnaj vulicaj i prepelavali se med temaj pozornicaj. Kak i vsako leto. No, šalo na strano, vse je pripravleno, a na vami je sam kaj dojdete i prosim vas lepo kaj si kabelara zemete z sobom, i to ne praznoga, jerbo brzčas bode se nekaj našlo i za vas, vašo deco, ženo, punico, pajdaše, a i za vaše želočeke. Nesmete to naprajti kaj ne bi došli jerbo morate i vi meti tala v nejvekšemo i nejbolšemo Prcinkulovomo do ve. Tak nam bar velijo čakoski turistički težaki i gracki oci..Tre dojti i videti je li jim se more veruvati i je li govorijo istino?

Ste čuli kak nas je UEFA rebnula zbog one čudne i na šrek napravlene svastike v Splito. Što zna kakša bi bila kazna da je svastika bila napravlena kak tre? A kaj bi se zišlo vum da so još našli i zvezdo polek svastike. Zeli so nam celi kup penez i dvapot još moramo igrati brez publike. To je vse skupa cirka pecto milijonov oeri. Vse delajo kaj nam publiko tirajo z igrališča, a na drugoj strani prepovedajo kak se laboda riče zbogradi publike. I te z UEFE držijo fige v žepo dok se spominajo, jeno govorijo, a drugo delajo.

Minister za ceste, vulice, autobane i moste Siniša H. Dončić i jegov šef Zoran M. Zoki bodo, ali ve zapraf, delali Pelješkoga mosta. To je petipot, v zadjih dvajsti let, kaj se te most dela. Predi izborov bodo pak dopelali dva bagere, jerbo vejč jif niti nemajo naši mostograditeli, šteri bodo tam rovali po kamejo od predizborne kampanje do izborov, a posle jif bodejo vrnuli nazaj v ropotarnico povjesti, očem reči, v muzej naše hrvaške građevine. Kak i zadjipot. Nigdar se ne zna, mortik bode naše biračko telo i to popušilo.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA