Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Dej nam Božek zdraviče

09.01.2017 11:01

Jožek radnik

Piše: Jožek radnik

Minul je Badnjak, minul je Božič, minulo je Štefaje, Staro leto, došlo je i minulo je i Novo leto, bar prvi dnevi, a lampaši na advenckomo venco pre čakoski gracki vuri, štera još na vek na sakoj strani sveta kaže drugo vreme, još navek svetijo. Nesam znal zakaj je to tak, kaj so pak novoga zmislili čakoski turistički težaki i jiv precednik i unda sam se malo pospominal z klošarima pre čakoski gracki vuri, šteri se po zimi grejejo na toploj terasi polek vure, i rekli so mi kak se v Čakovco poštivlejo si građani, kak domaći tak i dotepenci, pak sveče svetijo i čakajo pravoslavnoga Božiča. Mortik je to je i tak, ali ne bi vam znal reči je li naši sosedi prek Drine mam, na početko Adventa, vužgejo se štiri sveče i tak čakajo Božiča ili je to nekša druga nevola. Najbrž je čakoski Advent bil tak lepi i tak dober kaj so ga turistički težaki produžili tak kaj ga ftegnejo videti i oni šteri so ne meli čas dojti v čakosko varoš predi Božiča?

Mladeno Novako, prvomo i vodečemo esdepeovco Međimorja, je za Božič došla čestitka iz belog Zagreb grada po šteroj je postal glavni tajnik svoje partije za Severozapadni falat Lejpe naše. Ne bi vam znal reči kaj bi to pravzaprav moglo biti, ali čim je glavni to mora biti nekaj vekšega i vrednešega. Posle izborov v partiji zgledalo je da je Mladen odišel po riti k meši jerbo je ostal brez mesta v Precedništvo, a unda se je nekomo v Zagrebo presvetila žarulica i našel je rešeje štero bode po voli Mladeno, a Partija bode mela hasna od jega. Kak bilo da bilo, moramo deti roko na srce i priznati kak se Partija ipak briga za svoje ljude i ne špotari se z dobrih ljudi kak to delajo nešterne druge stranke. Mladen je do ve bil na vrho Međimorja, kaj bi rekli na Mohokoso, a ve je došel na nejvekši vrh cele regije, a to je čuda vekše od našega Mohokosa, kak napriliko Ivančica, a si znamo da je čovek više unda dale vidi, tak da međimorski partijci od toga morejo meti sam velikoga hasna. Kuliko vidimo za Mladena je ovo Novo leto čistam lepo počelo.

Za ove minole svetke, Božič i novo leto, si smo, jeni drugima, stiskali roke, davali kušlece i poželeli se ono lepo i dobro i kaj i sami sebi želemo. Nejvečpot smo si od dragoga Božeka iskali zdraviče, a od Majke Božje peneze. Si smo prepovedali kak nam je zdraviče nejglavneše i da nam sam to treba kaj bi meli se, a sima nam je na pameti bila Marijica kak da je ona minister za peneze v novoj Drašekovoj Vladi. Si mi na zemli priznamo kak žene držijo tri vogle pre hiži, pak unda gruntamo da je tak i pre Božeko na nebi kaj je i on bukso i peneze dal Marijici. Najgerek sam kak bode što od nas zišel dok bode Marijica počela premetati naše moljbe i deliti peneze?

Brzčas je nejpošteneša čestitka za ovo leto ona stara, očem reči, nejstareša: zemi stvar vu svoje roke, očem reči, uzdaj se v sebe i svoje kljuse. Lefko je za mene, ali de najti takše kljuse? I to za sakoga od nas?
Jedino kaj je sigurno da mi ide v živlejo so leta. Več mi je i ova 2016. minula!

Čakoski gracki načelnik, Štef Kovačov, je prepeljal, Čakovčance i Međimorce šteri so došli na glavni čakoski trg, v Novo leto z gitarom v roki i pesmom na vusnicaj. Videl sam ga kak je igral v gitaro, a nesam ga čul jerbo sam bil pre dauko, ali oni štero so bili čuda bliže pošepetnoli so mi kak zna igrati, da jako dobro igra, a još bole popevle. Bilo je dosti zima, zrak je bil zmržjeni, tak da vam ne bi mogel reči je li bole igra ili pak lepše popevle. Kuliko sam videl nišči je ne plesal dok je Štef igral!? Ak sam ga dobro razmel, on je štel Čakovčancima reči da ako ga i ne bodo znova zebrali za načelnika v majušo on ima i drugoga kruha. Z gitarom v roki.

Ve se je vidlo i ve se zna šteri je gradonačelnik v Međimorjo nejbolši? Priločki gradonačelnik, Ljubek Kolarekov, niti igra, a niti popevle, Serjanski, Dražen Srpakov, sam popevle i to sam za pajdašijo, a kuliko smo vidli i čuli, čakoski gradonačelnik i igra v gitaro i popevle. Što zna te i more!

Posle dubrovačkoga i varaždinskoga gradonačelnika opal je i čakoski. Najme kaj, dok se je prepravlalo igrališče za foršibanje Staroga i doček Novoga leta na čakoskomo Glavnomo trgo, čakoski gradonačelnik je, z svojimi pomočniki, prekontroleral se od pozornice, na šteroj bode igral i popeval, pak do sklizališta štero bode delalo celo milo noč. I kaj se je pripetilo? Na jeni mesti je led bil bole škliski nek je to depešom čakoskoga načelnika dopuščeno i Štef se je poškliznol i opal. No, kak je on mladi i spretni dečko fletno je skočil gori tak da so to kaj je on opal ne vidli niti čakoski klošari pre gracki vuri. Verjem vam da to ne bodete nikomo rekli kaj se nej zazvedilo, a v led je zmržjeni jedan veliki falat šmirglin papera kaj se to nej več pripetilo!

Na samo Herodeševo, posle kak smo sprobali vino štero je blagoslovil sveti Janči, senjal sam kak so prešli lokalni izbori. Novozebrani župan je Zoran Vidovič, dofčerašji zamjenik, a zamjenik mo je Feri Bukalov. Novozebrani čakoski gradonačelnik je Matek Posavcov, a zamjenik mo je Predrag Kočila. Dražen Blažeka je novi precednik Grackoga veča, a još navek važeči čakoski načelnik je postal precednik Odbora za kulturo i turizam. Što bi se to nadjal od čakoskoga i međimorskoga biračkoga tela?

Do ve smo mi Međimorci navek meli sabornike šteri so bili bole bogi prema sima drugima, očem reči, meli so čuda meje sega nek drugi, a ve smo, na se zadje, ipak dobili zastupnico kak se šika nam Međimorcaj, a to je Bernarda Topolko. Kak piše v imovinskoj kartici, čuda sega ima i čuda sega je privredila. Kak prava Međimorka. Ali smo i včasi zazvedili da i čuda troši! Što bi rekel, pak so Međimorke navek bile skrbne i navek so k hiži gledale? Mortik joj je to nekaj novoga, mortik joj je tak došlo dok je v beli Zagreb grad došla jerbo da je navek tak čuda trošila ne bi tak čuda mela. Prilika navek napravi od čoveka ono kaj napravi, a kuliko vidimo niti žene se nebrejo od toga othrvati.

Naši međimorski policaji so se pofalili kak je za ove božične dneve naš rekorder na cesti bil jeden Totovčar šteri je napuhal nekaj meje od promilčeke v policajsko frulico i to so dali vum na sa zvona. No, još predi novoga leta je te naš rekord potučeni jerbo so v Lepoj našoj pravi igrači puhali fest prek tri i čistam blizo štiri. Dok se je to se skup delo, unda smo zazvedili da je naš Totovčar ne osvojil niti jeno kolajno nego je ispal v tretjo ligo. Prosil bi policaje nek to ne davlejo vum jerbo se sam sramotimo v Lepoj našoj, kak mi Međimorci, šteri smo vu tem poslo navek bili na glaso, em sramotimo i naša vina štera so, još navek, na dobromo glaso, a i našo županija za štero si znajo kak je županija vina. I to nejbolšega na sveto i ovim bližešim planetama.

Kaj nam je ostalo kaj pozabimo za ovo minulo 2016. leto. Ovi v Lepoj našoj so meli tri Vlade i tri precednike: leto je započel Zoki Milanovičov, na jegovo mesto se je dosmickal, niti kriv niti dužen, Tihi Oreškovičov, a leto je v precedničkoj fotelji završil Drašek Plenkovičov. Kaj reči, z štere god strane čovek gledi to je prekpreveč. Nešči bi zvuna mogel reči, ne znamo kaj očemo zato si tuliko prebiramo. Mi v Međimorjo smo se zmislili za Mikulu Zrinskoga Sigeckoga, pak smo si jegovo sabljo i kacigo posodili v Bečo, a i proslavo smo naprajli onak kak si je Mikula to zaslužil. Još nekaj mi je ostalo kaj ne kanim pozabiti. Naš gospodarstvenik i Cirkovljančan, Tonček Mikecov, šteri je odišel za kruhom v beli Zagreb grad je zafremal svojo zaklado z štere pomaže one naše študente šteri bi trebali, kak Međimorje naše malo, tak i Lejpo našo vleči naprej. Retki so takši ljudi kaj svoje peneze davlejo za našo deco. Rekel bi nešči, da nej mel ne bi dal! Ima nekaj v temo, sam ga je hajdi ljudi šteri imajo, mortik još vejč, ali sam žmulijo za sebe. Dostipot sam si gruntal o Tončeko, mi Međimorci imamo hajdi študentov (kaj je jako lepo i za pofaliti) po celoj Lepoj našoj, od Osjeka, prek Čakovca, Varaždina, Zagreba, Opatije, Reke, Zadra, pak do Splita I oni so kak vagoni na jednomo cugo, a nucamo sam još cukmašino kaj bode vlekla toga cuga. Vidite, tua cukmašina so naši nejbolši študenti, a brez jif se nebre niti cug genoti. Verjem da me razmite, gospon Mikec je del peneze na kup kaj bode pomagal te nejbolše, te šteri bodo vlekli toga cuga napre, a dok te cug gene unda bode i Lejpa naša genula naprej. Zato mi je Tonček ostal na pameti kak nekaj nejlepšega i nejspametneše v minulomo leti. Kaj velite?

Prvi i vodeči hadezeovec, Darko Horvatov, bi, tak je bar rekel, koaleral i naslonil se na haenes i žnjim pobedil na prvenstvu Međimorja v majušo, a z svojim dobrovčanom i narodnjakom, Marjanom Vargom, se niti ne spomina. Ne sam to, kuliko se čuje okoli Dobrave i prek Drave, oni se pravzaprav spominajo, ali prek nišana. Kak bodo unda oni dva skupa pobedili v Dobravi? Prvo moraš se doma pobjeđivati, a unda iti na stranjski teren de pobjede vredijo čuda vejč!

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:07
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA