Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

Da vidite mojo svastiko!

06.07.2015 12:44

Jožek radnik

Piše: Jožek radnik

Nebrem nikak razmeti kaj i kak se to dela v čakoskom hadezejo? Pak te dečki i puce nikak da dojdejo na zeleno kito i da se počnejo baviti z politikom tak kak se to šika jednoj takšoj stranki. Najme kaj, pak oni bi se trebali boriti protiv esdepeja i drugih "kukurikača" šteri ve držijo cugle vlasti v svojaj rokaj, a ne kaj se furt borijo jedni protiv drugi. To je tak dalko došlo kaj več nebrejo niti skupa piti v istoj krčmi, kaj bi rekli, što je ne znami te je protiv nas. A tak več na leta delajo i kak bodo unda pobedili protivnika ak v jivi ekipi igrajo jedni protiv drugi. Verjem da se zmislite kak so več jempot gracki hadezeovci hitili svoje političke puške v kuruzo, ali je unda črez par dni došel precednik Karamarko, pak se je vse to nazaj posložilo kak je bilo i predi sam je gospon Zorčec platil ceno teh političkih huncvutarija i odišel je po riti k meši. Ve vidite, dok se deca igrajo stareši nastradajo i od unda je gospon Zorčec svojo stranačko knigico del v ropotatnico međimorske demokracke povjesti, a vsi znamo da je on bil jeden od prvih hadezeovcov, čuda je znal, još vejč delal i još je čuda mogel dati stranki, a i nam Međimorcaj. Jegovi so ga hitili vum z stranke, a dofčerašji pajdaši na poslo, šterima je on dal kruha v roke, so se pobrigali kaj ga nejpredi degraderajo, a posle i pospravijo v penzijo. Vse so to naprajli vu velikoj tišini, tak da se je nikaj ne čulo i ve gospon Zorčec ili kak smo ga vsi po coni zvali, Zoki, hercuje doma na grunto, vu vrčako, na vrto, vu vočnjako, a dok tam nema kaj delati unda pak pazi vnuke. Jegova deca, a i vnuki so jako zadovoljni žnjim. Čovek se v se razmi i priloži se vsakomo poslo. Tak je to završilo dok so gracki hadezeovci dali ostavke, pak sam ve najgerek, kaj bom vam rekel, jako sam najgerek što bode, itak, ve odišel? Je li bode on šteroga bi oni šteli ili pak se bode ftrgla nejslabeša karika vu grackomo hadezeovomo lanco. Brzčas bi hadezeovci morali deti glave skupa ak očejo jempot i pobediti svoje protivnike na levoj strani. Verjem da i esdepeovci imajo kajkakše političare vu svojimi redi i da oni vsi navek ne mislijo isto, ali so nigdar ne svojega zmazanoga veša vesili na štrik predi nek so ga oprali. Nek bar vsi drugi, kak jivi, jivo biračko telo, a i protivniki mislijo da je pre jimi vse vredo, očem reči, oni si svoje probleme znutra sami rešavlejo jerbo vulica ili pak krčma to nebre nigdar naprajti onak kak bi to trelo i bilo nejbole. Nikaj nam drugo ne preostaja nek da malo počakamo, pak bodemo vidli kak bode to završilo?

Dok je tua ostavka grackih hadezeovcov došla na svetlo dneva prešpanceral sam se okoli gracke vure i poslušal kaj se tam spominajo oni šteri vse nejbole znajo. Morem vam reči da so se spominali o ostavki i najbrž so bili levi jerbo je bilo rečeno i to ne jempot: Esdepe ne mora nikaj delati i polek takših hadezeovcov bode na vlasti sto let. I bode, jerbo hadezeovci esdepeovcima vse napravijo i zato oni, na leta, hercujejo i v Čakovco i v Međimorjo. A biračko telo to nejbole zna, a i to se, več na leta, vidi.

V Jadovno je na komemoracijo onima šteri so završili pod zemljom, a niti krivi, niti dužni, došel i srpski minister Aleksandar Vulin. On je blatil nas Hrvate, blatil je našega blaženika Alojzija Stepinca, a mi smo sam poslušali, čkomeli i pokrivali smo se z vuhima. Naš kulturni ministar Šipuš isto tak, a mesto da mo je rekel kak je ne doma i nek pazi kaj govori. Ali ne, vsi so sam magadili. A dok Tomson oče popevati v Puli unda mam vsi (i oni na štakaj, šteri so opererali kolena ili pak kuke) skočijo v zrak. Tomson nebre, ali zato četnik Bora Čorba more da i de oče! Pak kaj je to z nami?

Odigrali smo labodoritaško utakmico z Talijanima v Splito i posle utakmice se je nišči ne spominal o tekmi, labodi i labodoritašima, ali to ne zato kaj je ne bilo publike na tribinaj, nek so se vsi spominali o svastiki (čitaj: kukasti križ) štera je zrasla vum s trave za vreme prvoga poluvremena. Nikak nebrem razmeti zakaj se vsi spominajo o splickoj svastiki i nikak nebrejo zazvediti što jo je na igrališče dopelal, a nišči se ne spomina o mojoj svastiki (čitaj: šogorici). A da bi labodoritaši, a i jiva publika, znali kakša je moja svastika verjem da bi ovo splicko mam hitili v ropotarnico povjesti. Moja vam je svastika jako lepa, kaj lepa, sosed Lajči je rekel, prekprokleto lepa, a neje plavuša. Ak genemo malo niže od lepoga i mladoga lica dojdemo do bregecov šteri nas v oči gledijo, posle dojedmo v dol gde je vse posloženo onak kak je to dragi Božek posložil, a na vse zadje i do jačkice okoli štere se moški nejrajši zadržavlejo. No, ne zapraf, ne z rokami, ali oči i misel jako teško otod odhaja. Samo sam vam štel reči da su tu v pitanju one mere štere pre moškima vužgejo vsa čula makar so i ne na šanko, a to je 90 - 60 - 90. Ak mene pitate čuda je lepše gledati mojo svastiko, žnjom se spominati i kak bi velečasniki rekli grešiti propustom, nek rastezati na vse strane onu splicko svastiko za štero se ne zna čija je, otkod je došla i kaj žnjom moči naprajti. Ak bi nekaj pomoglo, morem nagovoriti mojo svastiko kaj pe z menom v Split, pak denemo jempot točko na te svastike? Čakam kaj mi se Davor Šuker javi!

Kuliko smo meli za čuti v čestitki Lepoj našoj za prve dve leti kak je za sneho v Evropi, mi smo jedina zemla v Evropi štera je v Brisel znosila vejč penez nek je odnod dovlekla, očem reči, mi smo vejč članarine platili zato kaj bodemo se mogli špinčiti z evropskaj zvezdicaj nek smo povlekli penez z vsih EU fondov šteri se nam vsaki den nudijo. To je nam "kukuriku" Vlada dala, precedniko Zokijo i potprecedniko Brankeco Grčićo fala.

Nebrem razmeti kaj se mi ve veselimo kaj so Grkljani tak hudi, kaj so dužni grmo i trno i to sam zato kaj je nešči hujši v Evropi od nas. Ali, morem vam reči to nam nikaj ne bo pomoglo kaj so oni tak čuda hujši od nas. Još negda, dok sam bil mali i v pučko školo hodal so nam govorili, dok smo ne bili kak treba, dužen si kak Grčka, a to je bilo pred pedeset let, a oni so još navek tu, još navek so dužni "kak Grčka" i još navek bole živijo od nas makar so furt na nečijoj grbači. Kak zgledi oni se to v školaj vučijo kak bodo živeli na ljuckoj grbači i to jako dobro, a neje jif brige što bode i da to vse, mislim toga grčkoga visokoga standarda, platil. Ve vsi znamo da oni trošijo, a nešči drugi plača.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:45
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA