Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

A ve adio, a ve zbogom

16.06.2014 11:10

Jožek radnik

Piše: Jožek radnik

Ak bi rekel: vsaka rit dojde na šekret, to ne bi bilo točno, makar se dotikavle sam ministra Željkeca Jovanoviča, šteri si je, pred dve leti, na pik zel našo profesorico, Duško Novakovo, a unda ravnatelico čakoske Ekonomske i Trgovačke škole. Točneše bi bilo da bi rekel da se pravica skazala i to dosti fletno. Sam da vas zmislim, ak ste mortik pozabili, pred dve leti je minister Željkec dal otkaza našoj Duški sam zato kaj je deco zapisala v školo i to, kak je on rekel, mimo reda šteroga je on donesel i nigdi ne zapisal. Nebodete veruvali, deco je stavil v školi, a Duško je poslal dimo. Čim se to tak pripetilo vsi smo mam znali da je Duška dobro naprajla, sam je Željkec treneral strogočo. Nek se zna što je minister i to z esdepeja, a što pak ravnatel z Međimorja. Željkec je mel v roki vlast i partisko knigico, a Duška sam radno knigico. Neje se znalo na čijoj je strani, očem reči, vu čijim je rokama pravica i zbogradi toga je vse završilo na sodo. Soci so to jen čas premetali, unda so malo kvasili, pak gruntali i na vse zadje je zišlo da je Duška mela praf, da je pravica bila na jenoj strani. A minister je, nebodete veruvali, pak odišel po riti k meši. Najte me krivo razmeti, ali Željkec vu vsemo za kaj se prime zahuza, očem reči, navek je kontra pravice i nigdar nema praf. Kaj reči, žilavi je kak vrag i furt hoda po poto šteroga si je on sam zacrtal i šteroga samo on vidi. Ak tak nastavi mogel bi ziti kak i jegov dofčerašji partiski pajdaš, zemljak i sosed Slavek. Znate kak je to, dok jempot kola genejo doli z brega teško jif je zastajti. Navek je tak: dok jenomo presveti drugomo se vgasne. A tak je bilo i tu, kotač sreče se je zaobrnul i Duška je došla nazaj gori, a Željkec se još drži za kotač, ali sam z jenom rokom i mora fest paziti kaj ne padne.

P.S. Kak je to več nejvečpot v življenjo, jedna nevola nigdar ne dohaja sama, pak dok je precednik Zoki zazvedil kak je jegov minister za škole, navučitelice, đake, profesore i študente zgubil soda z ravnatelaj štere je zmenil, mam je i jega poslal v "staro kramo". Jako sam najgerek je li ve nebode minister tožil vse te ravnatele šteri so jega zmenili i shodili mo otkaza. Nek vidi kak je to da prek noči ostane brez posla, očem reči brez kruha i mleka. Na vse zadje ve bi ipak mogel reči: vsaka rit, predi ili pak posle dojde na šekret. Nesam uspel zazvediti je li se Željkec mili Duški ili pak jo je tak resrdil kaj je za jim niti suzo ne pustila?

Vsi znamo kak je dalko odišla ljubezen izmeđo precednika Zokija i ministra za peneze Slaveka. Nejpredi so se posvadili na poslo, a posle kak je Zoki Slaveko dal otkaza, svaje so nastavljene i v Partiji. Kak so se i klošari spominali pre čakoski gracki vuri, tak se je i pripetilo: Slavek je odišel po riti k meši. Dok so glase davali na partiskom zestanko pol ljudi je bilo za Slaveka, a pol ljudi pak za Zokija, ali je Zokijova polovica bila malo vekša i Slavek je spakeral partiske kufre, vrnul črleno, nejspametnešo partisko knigico i odišel je na burzo, očem reči, odišel se počivat vu Sabor. Za kruh i mleko bode brzčas mel, jerbo kulikše duge je pajdašima pozabil, pak se je najbrž nekaj i vrnulo.

Dok je Slavek ostal brez ministarske fotelje i ministarske bukse, Slavek je svojemo šefo poslal jedno lepo pesmico:

Stopot sam te Zoki preklel
Stopot sam te Zoki preklel
telefon ti spuščal,
v rodno te mesto poslal
drugam sam peneze nosil
i ve bi dukate od nevole, tebe izneveril,
ruon v Spačvo hitil.
A zaj za menom se Šegon skril,
zamračil milijone, zabadav se sekeraš Zorane,
brato so ti dunje žute.
A ja, tu i tam, zmislim se, z mitom se mi več rodimo
kaj mi je moj stari znal reči je, z korupcijom hmiramo,
kradi sine i ne srami se, stečajna nagodbo što te nebi rad mel,
ali pazi kaj te ne primejo, ne zna kaj je propustil.
A zaj za menom se Šegon skril,
Marino so prefletno natepli,
Zabadav se sekeraš Zorane,
I Sabijo so dunje žute.

No, kaj nebo zišlo da sam precednik Ivo i Slavek imajo v sebi muzičke žice, pak je i Zoki, drugi den posle kak je Slavek zgubil od partiskih pajdašov 50:47, poslal tamburaše k Slaveko kaj mo odigrajo jeno potno:

Gledim ti lice, vsaka ta bora teško je zaslužena,
gledim te, svi se frej od tebe obračajo, ostajaš sam
gledim te tvoje oči splašene, kak dečecove,
šteromo so zeli igračko z šterom nejrajši igral se.
A ve zbogom, Liničo, a ve zbogom, Liničo
I što zna da i što zna gde boš pak vedril i oblačil.
Prefletno je došel kraj, niti senjati nesi ftegnul,
odletel ti je golub z kite, pobegel vrabec z roke,
pol edepeovcov te, prek noči, pozabilo, marša ti odigralo,
stišaj srce, želoca, željo, nebreš se vrnuti.
A ve zbogom, Liničo, a ve zbogom, Liničo
I sam znaš, da več nigdar ne boš vedril i oblačil.

Ve se, na vse zadje, zazvedilo za Liniča, da je bil ovakši, da je bil onakši i da je več kak minister v Račanovoj Vladi delal pol-pol, pol je sebi jemal, a pol je Šarco (čitaj; državi) daval. No, ak je tak bilo i ak so esdepeovci takši poštenjaki, unda je Slavek več zdavnja trebal biti v Remetinco, a ne kaj je znova završil v ministarskoj fotelji i to kak pazitel glavne državne bukse. Naši stari so nas vučili da se ne tre veseliti ljuckoj nevoli, ali brzčas so vsi oni šterima je Slavek lani zapiral krčme ili pak štacune zbogradi 10-12-15 kuni viška v kasi, neso mogli zdražati kaj nej spili bar jedno kupičko Slaveko za srečen pot v političko staro kramo. Ipak niti ljudi nebrejo kontrolerati vse emocije!

Naši Međimorci, šteri so negda kak gastarbajteri, očem reči, želocom za kruhom, odišli vu Beli Zagreb grad i tam ostali imajo svojo udrugo Međimoraca v Zagrebo, pak so si i ovo leto organizerali svoje, očem reči, naše međimorsko proščeje v Zagrebo. Pater Tonči Trstenjak, poduzetnik Mikec, doktor Bergovec, profesor i doktor Jura Kolarić, penzioner Režek i pajdaši so pozvali biškupa Miškeca Gorskoga, šteri je odslužil svetešjo nedeljno mešo, a posle so nastupali kulturnjaki z Kotoribe i Zasadbrega, povezal jif je donjovidovčan Lojzek Srpakov, a na vse zadje se je Žiga respopeval z svojimi mužikantimi. Dok sam Žigo poslušal v Zagrebo mam mi je došlo v pamet zakaj ga prinas doma ne zovejo kaj bi popeval? Morem vam reči da čuda lepše popevle v Zagrebo. Najbrž je Čakovec, a i Međimorje premalo za tej jegov glas, šteri se tak lepo i dauko čuje.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA