Međimurske Novine
0°C / 0°C
Čakovec
12.02.2017.
Nedjelja
 
 
 
KOLUMNE

A na to mlado leto vsega obilja

05.01.2015 09:52

Jožek radnik

Piše: Jožek radnik

Prvi krug precedničkih izborov, v minulo nedelo, rekli bi naši vinovjerniki, očem reči, poštuvatelji dobre vinske kaplice i dobrih gemištecov je završil pol - pol. Ili tak nekak. Pol je onih šteri so zadovoljni z biračkim telom, a druga polovica so oni šteri so čuda vejč očekuvali. Napriliko, Ivo je v nedelo navečer bil poparjeni kak da ga je nešči z kropom polejal jerbo ne sam da se je nadjal kak bode od nedele znova sedel v precednički fotelji nek je bil siguren da to more biti sam tak i nikak drugač. Bil je preveč siguren v pobedo, pak si je i takšega govora prepravil tak da je ono kaj smo čuli , dok je zazvedil kak bode i drugi krug, ne bilo slično k ničemo.Najbrž, a to se je i znova pokazalo, da se zabadav kuri ogej dok je još zajec v šumi. Denes so več niti zajci ne kaj so negda bili i nebre ga bilo što prijeti da to jemo na pamet padne. Kak smo vidli, drva so zgorela, a zajec je ostal v šumi. Isto tak je i gospon doktor, Milan Kujundžić, odišel po riti k meši, očem reči, dobil je čuda meje glasov nek se nadjal. Nekak ga je biračko telo ne prepoznalo. Čistam nekak drugač naši ljudi reagerajo dok so betežni i dok dojdejo k gospono doktoro dok je on v beloj kuti, a ve dok so zdravi, dok jif ne muoči nikša hetika, unda vam to zgledi tak kak je i v nedelo zgledalo. Jenima to pomaže kaj so doktori, a drugima je to, ne greh, nek falinga. Mladi dečko, Ivek Sinčićov, je prešel čuda bole nek se nadjal. More on ve nam pripovedati kaj oče, ali je dobil čuda vejč glasov nek je i senjal. Ne znati je li so to vsi bili jegovi glasi, ali jif je dobil. Najbrž so nešterni došli glase davat pak so pogledali i levo i desno, a kak jim se nikaj, na te dve strane ne dopalo, vudrili so po sredini, jerbo istina i pravica so nejvečpot negdi izmeđo, pak so svojega glasa dali Iveko. Jako sam najgerek kam se bode, itak, to biračko telo obrnulo na drugo nedelo v januaro. Ivek ne da je zadovolen z onim kaj je dobil, nek je prezadovolen i zato je mam v nedelo priznal da je on pobedil na izborima i prosil je svoje biračko telo nek ga, v drugom krugo, dopiše na listek pod brojom tri. Dopalo se čoveko. Neje Ivekovom biračkomo telo lefko, morajo si nekoga zebrati v drugom krugo, je li to bode lepa puca ili pak lepi dečko, to se i ja pitam? A nejhuje bi bilo da ostanejo doma, pustijo nas druge kaj si sami zberemo precednico, a oni si bodo, kak Poncije Pilat, oprali roke. Jedina puca med dečkima je bila Kolinda i ona je mela željo da dojde v drugi krug i kuliko vidimo da joj se tua želja spunila. Bila je srečna i vesela, a to se vidlo dok je govorila v nedelo navečer i unda je ona bila prava, onakša kakša mora biti.

Ivo je vse splaneral, na vse je mislil sam kaj bi dužel sedel v precednički fotelji, štera mo je, kuliko vidimo, čistam prirasla srcu. Ne sam srco, nek mo se je i telo privčilo. Ivo si je zebral kaj bodo izbori na Herodeševo, a to je letos bila prva nedela posla Božiča. Gruntal si je kak bodo oni šteri hodajo v cirkvo, oni bogoboječi, odišli v cirkvo i nebodo došli glase davat, pak bodo jegovi nezerenoši zebrali svojega. Kak smo vidli ovi Kolindini vse ftegnejo, oditi v cirkvo i dojti glase davat. Znajo oni kaj dragi Božek zapoveda i kaj od jif išče. Dali so Božeko jegovo, a Kolindi
glase!

Ne znam kaj naši ljudi, očem reči, mi Međimorci vidimo v tomo Ivijo? Ak je on tak dober čovek, on tak lepo govori, ak on zna vse kaj ga se pita, zakaj unda nekaj ne napravi kaj nam ne bi bilo tak hudo, očem reči, nejhuje v zadjih dvajsti let i kaj bi mi malo bole živeli, a ne kaj moramo te kunice premetati z jenoga kupčeka na drugi i nikak nebremo nabrojiti tuliko kuliko nam tre za čeke i za preživeti. Navek negdi sfali. Kak za čeke moramo navek meti dosti, tu nam nišči nigdar nika ne šenka unda, nejvečpot, želodec odide po riti k meši.

Kak god, ali neje bilo lepo za čuti od Ivija, v nedelo navečer, kak je on špotal Kolindino biračko telo, kaj oni očejo da dojdo na vlast oni šteri so predi pokrali Lejpo našo, a ne znati kam pak ovi denes mečejo peneze štere od nas nazobačijo. Ak ovi denes ne kradejo nek nam rečejo gde so penezi. Ak potrošijo čuda vejč nek zaslužijo kak se to zove? A vse to mi moramo platiti. Dok mi nešči vleče peneze vum žepa, a ja nedam, kaj je unda on ne tat? Odnavek je poznato da so oni šteri so meli jeno roko v pekmezo z drugom mahali, z prstom kazali i kričali: držite tate! Ivo je pravnik i fiškal i jako dobro zna da je nišči ne kriv dok ga sod ne osudi za to, a to kaj so nešterni v Remetinco još navek ne znači da so pravzaprav krivi. Pustimo sode i soce nek rečejo svojo zadjo. Nek oni rečejo što je kral, a što pak je tat.

Naši međimorski političari so čuda pomogli kaj znova vozi cug za Lendavo, a i nazaj. Kam god je došel vseposot je bila fešta. Znova so živnoli kolodvori v Središčo i Lendavi. To je jako lepo kaj se bodo naša deca ili pak vnuki mogli voziti z cugom. Na vse strane čujem kak smo mi Međimorci v semo nejbolši v Lepoj našoj, kak smo dauko napre pre sosedima z Hrvaške i to vsemo sam v plačaj ne. Ali sam najgerek otkod bode itak genol cug za bolše zutra i dok gene je li ga bode dosti mesta za vse, a ne sam za pozvane i zebrane. To vam mene gvinta i to me furt spituvle moj črvek z šterim, če duže dale, vse teži shajam.

Kak je Advent v Čakovco počel predi nek bilo de drugdi tak je predi i završil. Dugo so dve velike snežne polivične lopte bile v Čakovco, jedna na glavnomo trgo pre gracki vuri, a druga na Fratarskomo trgo. V ovoj drugoj kugli, štera je bila bliže čakoskoj cirkvi so bile i žive jaslice, a kak je Badnjak dohajal vse bliže zginula je i kugla i jaslice i mali Isusek. No, neje trelo dugo i Isusek se je našel, odišel je prek v cirkvo gde mo je mesto. Fala dragomo Božeko da se je vse tak srečno završilo jerbo kakša bi to špot sramota bila za naš lepi i mali grad da bi bili potepli Isuseka.

Neje navek dobro kaj se proračuni v opčinaj i gradaj donosijo v Advento, ali to drugač nebre biti jerbo i Božič je navek na krajo leta. Vsi znamo da so pred Božič i velike spovedi gda mi ljudi poravnavlemo račune z dragim Božekom, pak unda damo vum vse kaj smo minulo leto zahuzali. To posebno delajo oni verniki šteri ne delajo preveč veliko stisko v cirkvi nek dohajajo na spominek i vuglede z Božekom sam na vekše svetke. Ovo leto se pripetilo kaj so nešterni pre spovedi priznali kak so na lanjskim lokalnim izborima glase dali krivim ljudima i da jim je ve žal. Ljudi so priznali grehe, pokajali so se, zmolili pokoro i v Hvaro, Dubrovniko, Omišo, Rabo i Strahoninco so vruhnuli proračune za novo leto kaj znači da bodo znova morali, negdi posle fašnika, iti glase davat i znova zebrati lokalne (neje od glagola lokati) močnike. Jako sam najgerek kak bode to zišlo v Strahonico? Ve so se političari počeli sfaditi, a stopram so zakopali temeljnoga kamena za šporcko dvorano, a i v kasi ga hajdig penez. Nebrem to razmeti, jerbo žena i ja se nejvečpot posfadimo dok penezi v kasi sfalijo, a dok ga penez je unda smo kak taubeka dva.

Mlado leto vam je pred vrati, otprite jif i pustite ga nutri. Na to mlado leto zdravi i veseli bili, tusti debeli, kak šumski jeleni. Dej vam Božek puriče, račiče, konjiče, voliče, zlata, srebra i Božjega blagoslova. I kak nam nejlepša božična pesma veli: A na to mlado leto vsega obilja. Želim vam sam nejbolše i zberite si od vsega ovoga kaj vam paše ili pak sam ono kaj nucate.

KOLUMNE
Dejan Zrna

Dejan Zrna

209 članaka

Josip Šimunko

Josip Šimunko

198 članaka

Jožek radnik

Jožek radnik

246 članaka

Stjepan Mesarić

Stjepan Mesarić

78 članaka

Tomislav Novak

Tomislav Novak

12 članaka

 
FOTOGALERIJE
ČAKOVEČKA ŠPICA

ČAKOVEČKA ŠPICA

Blagdan i procesija Gospe Lurdske

Blagdan i procesija Gospe Lurdske

Razmjena sjemenja

Razmjena sjemenja

Pingvini u Čakovcu

Pingvini u Čakovcu

 
Napadač u Kotoribi nasrtao autom i više puta pucao prema muškarcu (45)

06.02.2017

Varaždin

Napadač u Kotoribi nasrtao autom i više puta pucao prema muškarcu (45)

Županijsko državno odvjetništvo u Varaždinu provelo je prvo ispitivanje državljanina Bosne i Hercegovine rođenog 1972. godine.Ispitivanje je provedeno zbog osnovane sumnje na počinjenje kaznenog djela pokušaja ubojstva i kaznenog djela dovođenja u opasnost života i imovine općeopasnom radnjom ili sredstvom, sve iz Kaznenog zakona. >> Pokušaj ubojstva: Muškarac u Kotoribi pucao na proslavi Dodatne detalje donosi DORH. - Postoji osnovana sumnja da je 42-godišnji osumnjičenik 4. veljače 2

Postavljanje rampe na pruzi u Murskom Središću u planu 2019.

Postavljanje rampe na pruzi u Murskom Središću u planu 2019.

Danas je održana 150. sjednica kolegija gradonačelnika Murskog Središća.Jedna od točaka je i da Mursko Središće dobiva rampu na cestovno-pružnom prijelazu. Gradonačelnik Dražen Srpak primio je na znanje očitovanje HŽ-a na zahtjev Grada Mursko S

Mogući povratak Z. Vidovića za zamjenika gradonačelnika Čakovca

Mogući povratak Z. Vidovića za zamjenika gradonačelnika Čakovca

HSS je uglavnom u Čakovcu tradicionalni partner SDP-a i u sadašnjem mandatu vlasti, pa su tu kolaciju čakovečki HSS i SDP prošli tjedan i nastavili, a Zoranu Vidoviću ponudili mjesto zamjenika gradonačelnika. Za sada još ništa nije potpisano, kaza

Dvostruka korist, djeca dobila pomoćnike, a oni posao

Dvostruka korist, djeca dobila pomoćnike, a oni posao

Rosa Hlišć, pomoćnica u nastavi angažirana preko ovog projekta kaže: „S obzirom da volim pomagati drugima, drago mi je da sam dobila priliku raditi ovakav posao. Upoznala sam vrlo dragu i emotivnu djevojčicu, koja me vodi kroz svoj svijet.  I Udru

 
 
FOTOGALERIJE
 
 
 
VRIJEMEPINOVA.HR
TRENUTAČNO
PROGNOZA
min.
max.
sada
0°C / 0°C
12.02.2017.
21:46
0 °C
12 mm
N/A  (N/A)  W/m²
REL. VLAŽNOST ZRAKA:

82 %

82 % / 82 %
VJETAR: 1 m/s
1 m/s / 2 m/s
 
 
 
 
 
 
 
VIDEO
 
 
 
ELEKTRONSKO IZDANJE
 
 
 
 
 
 
 
TEČAJNA LISTA